San Mateo 13:17 - Nuevo Testamento Uwotjüja

¹⁷ Isopäi'ünä̧ ukuturu pä'üsä: Profeta winä̧tü̧'i̧nä̧, adiwäjueinä̧ kka̧kui̧nä̧tü̧'i̧nä̧ ukutu to'kuätuku, totta pätta'anä̧, topokotü pinä̧tü̧ ja̧'wa̧ta̧nü̧ kuäju̧kuä̧tu̧ku̧'i̧nä̧, ttä̧ju̧kua̧ pätta'anä̧ ä̧ju̧kuo̧ko̧tü̧ pinä̧tü̧.

TÄ̧DO Ä̧CUÄ̧ I̧HUȨNȨ

¹⁷ Iso päi'önä pä'ösä ucuturu, recuätö adihuä isotö'inä, Dios i̧huȩnȩ jiäcuähuä isotö'inä totta pä'inätö ucutu tocu'ätucu. Ja̧'hua̧nö̧ ja̧'a̧nä̧ yoröiso topocotö pi̧nä̧tö̧. Ttä̧ju̧cua̧ pä'inätö ucutu cuä̧ju̧cuä̧tu̧cu̧. Ja̧'hua̧nö̧ ja̧'a̧nä̧ yoröiso ä̧ju̧cuo̧co̧tö̧ pi̧nä̧tö̧, —pä'ö huo̧juȩti̧nö̧do Jesús u̧huo̧juȩtä̧u̧ru̧.

San Mateo 13:17 Referans Kwoze

San Juan 8:56

Kuä'otuku Abraha̧-mi̧nä̧mä̧, ttü chu̧mo̧ro̧ toa pä'ü esewinü̧; ja̧'wa̧nü̧ ji̧na̧'a̧ topümä̧ rü̧ȩnä̧ esewinü̧.

Hebreos 11:13

Juätümä̧ o'katoi'ünä̧tä̧ wa'ü ikuinä̧tü̧ Dio iya päinü̧mä̧ ttȩmo̧ka̧'a̧tä̧; ja̧'wa̧nü̧ ja̧'a̧nä̧ ta̧'kua̧ ttu̧wȩnä̧ro̧mȩttü̧, otonä̧tä̧ topinä̧tü̧, esetü ukuokuinä̧tü̧ pi̧jä̧mä̧ ttü̧ja̧mä̧kü̧jä̧, ujutumä̧ 'kuäokuä ttü̧ja̧jä̧, pä'ü.

San Lucas 10:24

Isopäi'ünä̧ pä'üsä, rekuätü profetas winä̧tü̧'i̧nä̧, rey jü̧nä̧ ruwotü winä̧tü̧'i̧nä̧ jitä ukutu to'kuätuku, tottamä̧ pätta'anä̧, topokotü pinä̧tü̧; kuä̧ju̧kuä̧tu̧ku̧mä̧, ttä̧ju̧kua̧ pätta'anä̧, ä̧ju̧kuo̧ko̧tü̧ pinä̧tü̧.

San Lucas 10:23

Pä'ü kä'ädü, suro u̧wo̧juȩtä̧u̧rütä kkärächi'ü pä'inü̧: Eseäkuäwä rü̧ȩnä̧ kka̧'a̧, ukutu jitä to'kuätuku topätürümä̧.