San Mateo 13:12 - Nuevo Testamento Uwotjüja

¹² Ja̧'wa̧nü̧ ja̧'a̧ttü̧ kku̧nä̧rü̧rü̧mä̧, yabonü̧ iyäwäkua'a; rü̧ȩnä̧ u̧ju̧nä̧rü̧nä̧, ja̧'wa̧nü̧ ja̧'a̧nä̧ jui̧'a̧rü̧mä̧, a̧'u̧ku̧nä̧tä̧ u̧ju̧nä̧rü̧'i̧nä̧ 'choikuäkua'a.

TÄ̧DO Ä̧CUÄ̧ I̧HUȨNȨ

¹² Ja̧'hua̧ ja̧'a̧ttö̧ ya̧tȩ ku̧nä̧rö̧mä̧, rö̧ȩnä̧nö̧ ȩmä̧cua̧, rö̧ȩnä̧ u̧ju̧nä̧rä̧cua̧'a̧nö̧. Ja̧'hua̧ta̧nö̧ jui̧'a̧mä̧ ji̧'qui̧cha̧nö̧'i̧nä̧ u̧ju̧nä̧ro̧mȩnä̧, yoröisotä to̧ȩi̧'i̧yä̧cua̧ jui̧'a̧tä̧ ö̧jö̧nä̧.

San Mateo 13:12 Referans Kwoze

San Mateo 25:29

Isopäi'ünä̧ kku̧nä̧rü̧rü̧mä̧ iyäwäkua'a ja̧'wa̧nü̧ jo̧mȩnä̧ rü̧ȩnä̧ u̧ju̧nä̧rä̧kua̧; ja̧'wa̧nü̧ ja̧'a̧nä̧ jui̧'a̧rü̧mä̧, suro a̧'u̧ku̧nä̧tä̧ u̧ju̧nä̧rü̧'i̧nä̧ 'choikuäkua'a.

San Lucas 8:18

«Ja̧'wa̧nü̧ ja̧'a̧ttü̧, kuä̧ju̧kuä̧tu̧ku̧mä̧ adiu ä̧ju̧kuä̧tu̧kui̧; isopäi'ünä̧ kku̧nä̧rü̧rü̧mä̧ yabonü̧ iyäwäkua'a; ja̧'wa̧ta̧nü̧ jui̧'a̧rü̧mä̧, suro a̧'u̧ku̧nä̧ u̧ju̧nä̧rü̧'i̧nä̧ 'choikuäkua'a.»

Apocalipsis 2:5

Ja̧'wa̧nü̧ ja̧'a̧ttü̧ amükuädi, torü ma̧kuä̧chi̧na̧ja̧ pä'ü ja̧'wa̧nü̧ jȩpü̧ jua̧u̧ttü̧ kä'ädi'ü, pä'äji ji̧nü̧ta'anü̧, ä̧kuo̧mȩnä̧ jȩ'kui̧nü̧ kkä̧mä̧dü̧ jȩpi̧; ja̧'wa̧nü̧ ppa̧kuä̧chü̧ juiyüttümä̧, jitätä ja̧'a̧ ichi'opo'ü, tȩya̧u̧ kku̧nä̧wä̧ kuiäre ku̧ju̧nä̧rü̧ 'cho̧di̧pä̧kua̧jä̧.

San Lucas 16:25

Päomȩnä̧ Abraha̧-mä̧ ädätinä̧ku̧: Chi̧tti̧ amükuädi, kua̧'kua̧rä̧i̧mä̧ adiu eseu kki̧nü̧jä̧. Ja̧'wa̧ta̧nü̧ Rázaru-mä̧ surojü usurä ȩmä̧u̧ ü̧ja̧'a̧nä̧. Jitämä̧, pä̧ro̧kua̧ eseu kkü̧, uku usurä kuȩmä̧wa̧'a̧nä̧.

San Mateo 21:43

Ja̧'wa̧nü̧ ja̧'a̧ttü̧ ukuturu pä'üsä: Dio ru̧wa̧ jü̧nä̧ weümä̧ 'choipäkuä̧u̧jä̧, kkorotü ttü̧ja̧rü̧ iya pä'ü, u̧wä̧ju̧ iyätürü.

San Lucas 16:2

Jua̧u̧ ä̧ju̧ku̧ u̧ru̧wa̧mä̧ wopo'ü jä'epü ä̧ju̧kui̧nä̧ku̧: ¿Däjé jittäwättü̧, yojamä̧, uku kutü'kümä̧? Kuäditä'ijü jo̧mȩnü̧ jȩpü̧ ji'äwittü, täkü ttü chu̧mü̧wä̧ya̧ jü̧nä̧ kuadita pä'ümä̧ jui̧'a̧jä̧.

San Lucas 10:42

Ja̧'wa̧nü̧ ja̧'a̧nä̧, ji̧yȩtȩtä̧ kka̧'a̧ rekuä rü̧jü̧mä̧; ja̧'wa̧nü̧ ja̧'a̧ttü̧ María-mä̧ jua̧u̧tä̧ ȩmä̧jä̧ju̧, jua̧u̧mä̧ 'cho'ikuokoju jä̧kua̧ju̧.

San Lucas 9:26

Ja̧'wa̧ta̧nü̧ ya̧tȩ ttü chütü'kü'i̧nä̧, chi̧wȩnȩ'i̧nä̧ udäpekuttümä̧ ja̧'wa̧ta̧nü̧ Ttü ubo I̧tti̧'i̧nä̧ jua̧u̧ ütü'kümä̧ chü̧dä̧pȩkuä̧kua̧, Chä'o ujuruku, uruwoku, á̧gȩrȩ-ku̧ chichomȩnä̧.

San Marcos 12:9

¿Pa̧'a̧nü̧ ja̧'a̧mä̧, kuamükuädätukuomenä̧mä̧ uwa pätta u̧ru̧wa̧mä̧, däjé jȩä̧kua̧'a̧jä̧ttü̧ juätürümä̧? Ja̧'wa̧nü̧ ji̧na̧'a̧mä̧, kku̧nä̧wä̧ isotürümä̧, ichi'ü kuä'ü iku, kkorotürütä i̧yä̧kua̧ pä'ü amükuädätüjä̧.

San Lucas 12:48

Ja̧'wa̧nü̧ ja̧'a̧nä̧ jua̧u̧ u̧mü̧wä̧ya̧mä̧, ieruwäkuäwa'a jakuänä̧ ro̧ȩkuä̧kuä̧wä̧ jȩü̧ttü̧mä̧, a̧'u̧ku̧nä̧tä̧ kuäkuäpü ro̧ȩkuä̧kua̧; isopäi'ünä̧ o'katoi'ünä̧ rü̧ȩnä̧ iyäwi'ä̧u̧ru̧mä̧, rü̧ȩnä̧ jäekuäkua'a; ja̧'wa̧ta̧nü̧ rü̧ȩnä̧ iyü tta̧'kua̧ ttu̧wȩnä̧ri̧nä̧u̧ru̧mä̧, yaboku jäekuäkuotü.

Santiago 4:6

Ja̧'wa̧nü̧ ja̧'a̧nä̧ Dio-mä̧ rü̧ä̧nä̧ rȩrü̧jü̧nü̧ topü ppä̧dä̧u̧jä̧, ja̧'wa̧ta̧nü̧ wȩyu̧kuä̧ wȩnȩmä̧ pä'a: Dio-mä̧ ttukuo te'äwätürümä̧ kkü'kokü, ja̧'wa̧nü̧ ja̧'a̧nä̧ ttukuo te'äkuäwokotürütä eseunu̧ ppä'ädü.