San Mateo 12:41 - Nuevo Testamento Uwotjüja

⁴¹ Pojokuä mo̧ro̧, rüjí mo̧ro̧ päi'omȩnä̧ Nínive ütawiyä ttü̧ja̧mä̧ wa'arettü ttottächi'äkuotü pi̧yȩ pä̧nä̧ ttü̧ja̧ku̧ usurä ttȩmä̧u̧nä̧ ro̧ȩkuä̧nä̧ iyü ttikua pä'ü; jua'amä̧ Joná jiäwomȩnä̧ Dio-ku ppa̧ttä̧chi̧nomȩttü̧. Pȩnȩmä̧ kkü̧sä̧ Joná-ttü̧'i̧nä̧ u̧wä̧mȩnä̧ wa̧.

TÄ̧DO Ä̧CUÄ̧ I̧HUȨNȨ

⁴¹ Yodoji mo̧ro̧, Dios ttö̧ja̧rö̧ pojocuä mo̧ro̧ päi'omenä, Dios pitö ttö̧ja̧rö̧ päomenä, Níneve ötahuiyänä ka̧cui̧nä̧tö̧'i̧nä̧ ä̧rä̧mi̧'ö̧ pättäcuotö ucuturu. Jahuätö, Jonás Dios i̧huȩnȩ jiähuomenä, pärocuäcutä amöcuädö esetinätödo. Jitämä ya̧tȩ Jonásttö'inä abonänö adihuä i̧sa̧ kö̧.

San Mateo 12:41 Referans Kwoze

San Mateo 12:42

Ja̧'wa̧ta̧nü̧ pojokuä mo̧ro̧, rüjí mo̧ro̧ päi'omȩnä̧, Sabá rȩjȩ ruwaju'i̧nä̧ wa'arettü ttojächi'äkuaju pi̧yȩ pä̧nä̧ ttü̧ja̧ku̧, juätürü usurä ttȩmä̧u̧nä̧ ro̧ȩkuä̧nä̧ iyü kkikua pä'ü; jua'amä̧ Saromón u̧wo̧juö̧ wȩnȩ ä̧ju̧ku̧ kkichina̧'a̧ttü̧. Pȩnȩtä̧ kkü̧sä̧ Salomón-ttü'i̧nä̧ u̧wä̧mȩnä̧ wa̧.

Hebreos 11:7

A̧'kua̧ u̧wȩnä̧ra̧'a̧ttü̧, Nuémä̧, Dio jiäwomȩnä̧mä̧, ji̧nä̧ 'kuäopäkuȩmä̧ tooka'anä̧ esetü woi'ka aditinü̧ i̧tti̧mü̧tä̧ku̧ ü̧ji̧pa̧ pä'ümä̧. Ja̧'wa̧nü̧ a̧'kua̧ u̧wȩnä̧ro̧mȩnä̧mä̧ pi̧jä̧ ttü̧ja̧mä̧ to'e'inä̧tü̧ ja̧'wa̧nü̧ ja̧'a̧nä̧ Nuémä̧ Dio-ttü ȩmi̧nü̧ adiwäjuei, Churutä tta̧'kua̧ wȩnä̧rä̧tü̧rü̧ iyü.

Romanos 2:27

Ja̧'wa̧ta̧nü̧ idepänä̧mä̧ circuncisión pättü jȩpä̧kuä̧wo̧kü̧ ja̧'a̧nä̧, weäwä wȩnȩ päü'anü̧ jȩpü̧mä̧, jua̧u̧ jä̧kua̧'a̧ ukuru suronä̧ jȩ'kuä̧'i̧ja̧'a̧ ro̧ȩpä̧kua̧mä̧, jua'amä̧ weäwä wȩnȩ'i̧nä̧ ku̧ju̧nä̧ra̧'a̧nä̧, circuncisión pättü'i̧nä̧ jȩpä̧kuä̧wa̧ kua'anä̧ kukuotokomȩttü̧.

San Juan 3:31

Mo̧ro̧jä̧ra̧'a̧ttü̧ rȩbȩu̧mä̧, o'kajuiyünä̧tä̧ u̧wä̧mȩnä̧ wa̧; pi̧jä̧ i̧sa̧mä̧, pi̧jä̧nä̧tä̧ wa̧; ja̧'wa̧nü̧ ja̧'a̧ttü̧ pi̧jä̧ jäwätä ukuoku ja̧'wa̧nü̧ ja̧'a̧nä̧ mo̧ro̧jä̧ra̧'a̧ttü̧ ichümä̧ o'kajuiyünä̧ u̧wä̧mȩnä̧ wa̧.

San Mateo 12:6

Ja̧'wa̧nü̧ ja̧'a̧ttü̧ ukuturu pä'üsä, pȩnȩ́ ukutuku kkü̧mä̧ Dio-rü ukuokuäkuäwodettü'i̧nä̧ abonä̧nü̧ u̧wä̧mȩnä̧ wa̧ ja̧'a̧.

San Juan 4:12

¿Ja̧'wa̧nü̧ päkua'amä̧, tä̧do̧ Jaco mi̧nä̧, piju iyinü̧, chutä'i̧nä̧ awinä̧ju ja̧'a̧, i̧tti̧mü̧'i̧nä̧ ttawinä̧ju ja̧'a̧mä̧, ä̧ji̧mü̧'i̧nä̧ ttawinä̧ju ja̧'a̧mä̧, u̧wä̧mȩnä̧ wa̧jä̧?

San Lucas 11:32

Ja̧'wa̧ta̧nü̧ ttü̧ja̧rü̧ pojokuä mo̧ro̧ päi'omȩnä̧ Nínive ttü̧ja̧'i̧nä̧, ä̧rä̧mi̧'ü̧ pi̧yȩ pä̧nä̧ ttü̧ja̧rü̧, usurä ttȩmä̧u̧nä̧ pä'ü ttu̧ju̧nä̧kuo̧tü̧ jua'amä̧ Joná i̧wȩnȩ ä̧ju̧ku̧ surojü kättädi'ina̧'a̧ttü̧. Ja̧'wa̧ta̧nü̧ pȩnȩ́ ukutuku ukuokumä̧ Joná-ttü̧'i̧nä̧ abonä̧nü̧ wa̧sä̧».

San Mateo 23:36

Ja̧'wa̧nü̧ ja̧'a̧ttü̧ pi̧yȩmä̧ o'kajuiyünä̧ pitü ttü̧ja̧rü̧ ma̧ä̧mä̧kua̧'a̧.

San Mateo 17:17

Päku, Jesú-mä̧ ädätinü̧: —¡Isoo ukutumä̧ esetokotü, suropätü ttü̧ja̧jä̧! ¿Ti̧yȩnü̧bü päi'ünä̧ ukutukumä̧ chü̧jä̧kua̧'a̧jä̧ttü̧? ¿Ti̧yȩnü̧bütä kuesetätukuoka'amä̧ cha̧mi̧'kidächi'äkua'ajä̧ttü̧? Poku i'chächirü.

San Mateo 16:4

Surojü jȩpü̧ ukuotokotü ttü̧ja̧mä̧ jȩtto̧kü̧ jueitä jȩtta̧'a̧ totta pä'ätü; ja̧'wa̧nü̧ ja̧'a̧nä̧ jȩpä̧kuä̧wi̧yo̧ko̧tü̧ ttäkuotü ja̧'wa̧nü̧ ja̧jü̧jueimä̧ Joná-rü̧ 'kuäopinü̧tä̧ jiäkuäwäkuotü. Ja̧'wa̧nü̧ pä'ipütä i̧wi̧'i̧nü̧.

San Mateo 12:45

Ja̧'wa̧nü̧ ji̧yä̧ku̧, kkorotü kko̧ro̧mü̧ttü̧ ta̧ju̧nü̧ wotürü ȩmü̧ 'chü̧, chutättü'i̧nä̧ abonä̧nü̧ suropätürü, juätümä̧ o'katoi'ünä̧tä̧ jua̧u̧nä̧ dodepü kka̧kuä̧tü̧; ja̧'wa̧nü̧ jo̧mȩnä̧ jua̧u̧ ttü̧ja̧sa̧mä̧ ä̧kuo̧mȩnä̧ ji̧no̧mȩttü̧'i̧nä̧ abonä̧nü̧ wa̧. Ja̧'wa̧nü̧tä̧ jä̧kua̧'a̧ pi̧yȩ pä̧nä̧ ttü̧ja̧ suropätürümä̧.

San Mateo 12:39

Pättäku Jesú-mä̧ ädätinä̧u̧: —Pitü suropätü ttü̧ja̧mä̧, jȩtto̧kü̧ juei jättepa'anä̧ iyäwokotü ttäkuotü pärokuä profeta Joná-rü̧ ji̧nü̧tä̧ iyäwäkuotü.