San Mateo 12:32 - Nuevo Testamento Uwotjüja

³² Ja̧'wa̧ta̧nü̧ yotüte Dio I̧tti̧rü̧ suronä̧ pättüttümä̧ surojü jȩpü̧ ikuäwäkuotü ttäkuotü; ja̧'wa̧nü̧ ja̧'a̧nä̧ Epíritu Sa̧tu̧rü̧ suronä̧ pä'ätürümä̧, surojü jȩpü̧ ikuäwokotü ttäkuotü jitä pä̧nä̧'i̧nä̧, yodoji mo̧ro̧'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

³² Ya̧tȩ Ubo I̧tti̧rö̧ suronä ucuocuttumä, ja̧u̧mä̧ suronä ucuocumä, jȩpö̧ icudo. Ja̧'hua̧nö̧ ja̧'a̧nä̧ ya̧tȩ Espíritu Santorö suronä ucuocuttumä, ja̧u̧mä̧, suronä ucuocumä, yoröiso jȩpö̧ icuocödo, jitä pä̧nä̧'i̧nä̧, yodoji pä̧nä̧'i̧nä̧, —pä'inödo Jesús.

San Mateo 12:32 Referans Kwoze

San Marcos 3:29

Ja̧'wa̧nü̧ ja̧'a̧nä̧ Epíritu Sa̧tu̧rü̧ suronä̧ pä'ätürümä̧, suronä̧ jȩttä̧'i̧jü̧mä̧ yorisotä surojü jui'ätü jü̧nä̧mä̧ jȩpü̧ ikuäwokotü ttäkuotü ja̧'wa̧nü̧ ja̧jü̧ jueimä̧ 'kuä'opünä̧ usurä ttȩmä̧wa̧ pä'ütätä jȩpü̧ kkü̧nä̧wä̧kuo̧tü̧.

San Juan 7:39

Ja̧'wa̧nü̧ päomȩnä̧mä̧, churutä esetätümä̧, Epíritu-ru ttȩmä̧kua̧'a̧ ji'äu pä'inü̧; ja̧'wa̧nü̧ ja̧'a̧mä̧, Epíritumä̧ ji̧nä̧ ichü juiyäi ji̧na̧'a̧, Jesú-mä̧ ji̧nä̧ wa'ü ikuäji̧'ka̧ wa'arettü ttoächü juiyäi ja̧'a̧ttü̧.

1 Timoteo 1:13

ä'kojimä̧ churutä to'ija̧'a̧ku̧ suronä̧ ppädä'chia'anä̧, suronä̧ amükuädü chusina'a̧nä̧, ja̧'wa̧ta̧nü̧ suronä̧ wochina̧'a̧nä̧, Dio-mä̧ rȩrü̧jü̧ toinä̧ku̧sä̧, jua'amä̧ Dio-rü esetü jui'ü, jȩchü̧mä̧ chieruwa'attü̧.

Tito 2:12

Ja̧'wa̧ta̧nü̧ Dio-mä̧ ro̧ȩkuä̧ ukuturu pätetü kku̧nä̧wä̧ttü̧ ku̧ji̧pä̧tu̧ku̧nä̧ ppädinä̧u̧jä̧, Dio ujuturu eseunu̧ toümä̧ wo̧juȩta̧'a̧ ujutu suronä̧ jȩtä̧i̧jü̧ kätädächa pä'ü. Pi̧jä̧ jäwä surojü kkü'kekunä̧ totü juiya pä'ü. Kkoro'i̧nä̧ wo̧juȩta̧'a̧, pi̧jä̧nä̧ tü̧jä̧i̧mä̧ Dio ä'ka jo̧mȩttü̧mä̧ adiu jȩpü̧ tü̧ja̧ pä'ü, ja̧'wa̧ta̧nü̧ o'kajuiyünä̧ jȩtü̧mä̧ adiu tamükuäda pä'ü.

Efesios 1:21

O'katoi'ünä̧tä̧ ruwotürü'i̧nä̧, tturuwo kku̧nä̧rä̧tü̧rü̧'i̧nä̧, ttujuru kku̧nä̧rä̧tü̧rü̧'i̧nä̧, we'ü 'chu̧'ä̧rä̧tü̧rü̧'i̧nä̧, kkorotürü'i̧nä̧ tti̧mi̧nä̧ jä̧ttȩpä̧'i̧jä̧u̧ru̧mä̧ ttu̧wä̧mȩnä̧ jü̧nä̧ ütinä̧ku̧, suro jitä ttü̧ja̧ku̧ pä̧nä̧tä̧mä̧kü̧, ja̧'wa̧ta̧nü̧ yodoji ttü̧jä̧kuȩ pä̧nä̧'i̧nä̧.

Hechos 3:19

Ja̧'wa̧nü̧ ja̧'a̧ttü̧, suronä̧ jȩ'kuä̧'i̧jä̧tu̧ku̧ kä'ädi'ü, Dio-ku ppa̧'ä̧chä̧tu̧kui̧, suronä̧ jȩ'kuä̧'i̧jä̧tu̧ku̧ jȩpü̧ ikuätukuaku pä'ümä̧; Dio-ttü unichä̧rü̧ eseu kkä̧kuä̧wä̧ ichäkua'anü̧.

San Lucas 12:10

O'katoi'ünä̧ ubo I̧tti̧rü̧, kkorojuei suronä̧ pä'ätürümä̧, mikuämä̧ pä'äwokotü ttäkuotü.

San Mateo 12:31

Ja̧'wa̧nü̧ ja̧'a̧ttü̧ ukuturu pä'üsä: O'kajuiyünä̧tä̧ suronä̧ jȩttü̧mä̧ ja̧'wa̧ta̧nü̧ ttü̧ja̧rü̧ suronä̧ pättümä̧, surojü jui'ätü jü̧nä̧ jȩpü̧ ikuäwäkuotü; ja̧'wa̧nü̧ ja̧'a̧nä̧ Epíritu Sa̧tu̧rü̧ suronä̧ ukuokurumä̧, surojümä̧ jȩpü̧ ikuäwokü jä̧kua̧.

1 Timoteo 1:15

Pi̧yȩmä̧ isopäi'ünä̧tä̧ ja̧'a̧ttü̧ o'katoi'ünä̧tä̧ kuesetätukua'anü̧ ja̧'a̧: Jesucrito-mä̧ pi̧jä̧ra̧'a̧ ichinü̧ suronä̧ jȩpä̧tü̧rü̧ ttü̧ji̧pü̧nä̧ ppä'ädü, juätüttü ya̧tȩ ä̧kuo̧mȩnä̧ suronä̧ jȩpi̧nü̧mä̧, ttü ja̧'a̧.

San Juan 7:12

Ja̧'wa̧nü̧ ja̧'a̧, Jua̧u̧ ütü'kü ttü̧ja̧mä̧ rü̧ȩnä̧ ukuokuinä̧tü̧: kkorotümä̧, «adiwä i̧sa̧ pä'ijü pätta'anä̧, kkorotümä̧ ttü̧ja̧rü̧ surojuo'epü» pä'ü.

San Lucas 23:34

Jesú-mä̧ pä'inü̧: «Chä'o, surojü jui'ätü 'kua̧rü̧nä̧ topitü, jerupü jȩtta̧'a̧ttü̧»] Ja̧'wa̧nü̧ ja̧'a̧nä̧ su̧ro̧do̧u̧mä̧ Jesú ü̧'ka̧tä̧wä̧ta̧ tȩma̧ pä'ü, dirü ma̧ä̧ma̧ ja̧ pä'ü jȩpä̧'chü̧ topinä̧tü̧.

San Marcos 10:30

Jitä pä̧nä̧mä̧, Ciȩttü̧'i̧nä̧ yabonä̧nü̧ ȩmo̧ka̧'a̧mä̧ ü̧ji̧po̧kä̧kua̧ ojusodettü'i̧nä̧, ü̧jä̧wa̧tü̧ttü̧'i̧nä̧, ijäwajutu̧ttü̧'i̧nä̧, ja̧ju̧tü̧ttü̧'i̧nä̧ i̧tti̧mü̧ttü̧'i̧nä̧, ü'ättattü'i̧nä̧, usurä ȩmä̧wa̧'a̧mä̧ ja̧'wa̧ta̧nü̧ kkä̧kuä̧wä̧ ichü mo̧ro̧ päi'omȩnä̧'i̧nä̧, kkä̧kuä̧wä̧ i'ko ȩmä̧kua̧.

San Juan 7:52

Päomȩnä̧, ttädätinä̧ku̧: ¿Uku'i̧nä̧, Galirea ttü̧ja̧sa̧jä̧? Wȩyu̧kuä̧ wȩnȩ wo̧jui̧pü̧ topi. Yorisotä Galirea-ttümä̧, profeta-mä̧ rä'opokotü pä'ijätü. [

San Lucas 7:34

Ja̧'wa̧nü̧ ja̧'a̧nä̧, ttü Ubo i̧tti̧, chu̧kuȩ'i̧nä̧ ku, au'i̧nä̧ au chichina̧'a̧mä̧ pä'ätüjä̧: «Topätukui, chujuarü, u̧kuȩ'i̧nä̧ kuru ja̧'wa̧ta̧nü̧ vino awäwä i̧sa̧rü̧ ja̧'wa̧ta̧nü̧ Roma-ra̧'a̧ weäwä ka̧ka̧tä̧'i̧jä̧tü̧'i̧nä̧, suronä̧ jȩpä̧tü̧'i̧nä̧ tta̧wa̧ru̧wa̧tä̧ wa̧rü̧,» jü̧nä̧.

San Mateo 11:19

Jua̧u̧nü̧ o'ka'a ubo I̧tti̧ ichinü̧ u̧kuȩ'i̧nä̧ kuäkuäwä i̧sa̧ ja̧'wa̧ta̧nü̧ au'i̧nä̧ awäwä i̧sa̧ pä'ätü, ja̧'wa̧nü̧ ichina̧'a̧mä̧ pä'ä'ijätü: Pidemä̧ 'kuäopünä̧tä̧ kuäkuäwä i̧sa̧, vino-tä̧ awäwä i̧sa̧, suronä̧ jȩpä̧'i̧jä̧tü̧tä̧ ja̧'wa̧ta̧nü̧ pärätä ka̧ka̧tä̧'i̧jä̧tü̧tä̧ tta̧wa̧ru̧wa̧tä̧ wa̧, jü̧nä̧. Ja̧'wa̧nü̧ ja̧'a̧nä̧ Dio iyü wo̧juä̧wä̧ wȩnȩmä̧ jȩttü̧ttü̧tä̧ topü wo̧juä̧wä̧ ja̧'a̧.

San Mateo 13:55

¿Pidemä̧, dau odiyä adikuä i̧sa̧ i̧tti̧ pä'ijü i̧tti̧mä̧kü̧?, ¿ja̧ju̧mä̧ María pä'ijäjumä̧kü̧, Sa̧ti̧a̧ku̧'i̧nä̧, José'i̧nä̧, Simón'i̧nä̧, Juda'i̧nä̧ ttubüo pä'ijümä̧kü̧?,

San Mateo 8:20

Päku, Jesú-mä̧ ädätinü̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧. Ja̧'wa̧nü̧ ja̧'a̧nä̧, ubo I̧tti̧mä̧ ä'ü ü̧jo̧mȩ'i̧nä̧ jui̧'a̧.

San Mateo 12:8

Isopäi'ünä̧ ubo I̧tti̧mä̧ sawaru mo̧ro̧'i̧nä̧ u̧ru̧wa̧ ja̧'a̧.

San Mateo 13:22

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ ttä̧ju̧kua̧'a̧nä̧, pi̧jä̧ jäwänä̧tä̧, pärätä ruwonä̧tä̧ tta̧'kua̧ ro'ekuätürü wȩnȩkuä̧cha̧'a̧; ttä̧ju̧kuä̧ji̧mä̧ a̧ttä̧di̧'ä̧u̧ u̧wä̧ju̧ iyü juiyünä̧ wotürü.

San Mateo 13:39

A̧bo̧i̧ya̧ surojü adiyä kku̧ni̧nü̧ päjimä̧, äwettä ja̧'a̧. U̧wä̧ju̧ 'kiyächomȩnä̧ ttü̧ka̧ka̧ti̧na̧'a̧ jä̧ji̧mä̧, rüjí mo̧ro̧ ü'ojo'äkuomȩ jä̧kua̧'a̧ ja̧'wa̧ta̧nü̧ u̧wä̧ju̧ ka̧ka̧ti̧nä̧tü̧ päjätümä̧ á̧gȩrȩ ja̧'a̧.

San Mateo 13:40

Ja̧'wa̧nü̧ ja̧'a̧ttü̧, surojuoepü adiyä ke'opü iku okuränä̧ kkuwü ttikua'a jä̧'i̧nü̧ta̧'a̧nü̧, jä̧kua̧'a̧ pi̧jä̧ beipächü mo̧ro̧mä̧.

San Marcos 3:28

Isopäi'ünä̧ pä'üsä ukuturu: o'kajuiyünä̧tä̧ ttü̧ja̧ suronä̧ jȩttä̧'i̧ja̧'a̧nä̧'i̧nä̧, suronä̧ ttukuokuä'ija'anä̧'i̧nä̧, surojü jui'ätü jü̧nä̧ Dio-mä̧ jȩpü̧ i̧kuä̧kua̧.

San Lucas 16:8

Ja̧'wa̧nü̧ ja̧'a̧ttü̧, suronä̧mä̧ jȩä̧'i̧ja̧'a̧nä̧ ja̧'wa̧nü̧ jȩä̧ji̧yä̧ku̧ u̧ru̧wa̧mä̧ rü̧ȩnä̧ esewinä̧ku̧. Isopäi'ünä̧ pi̧jä̧ jäwä i̧tti̧mü̧mä̧, jitütä ttaditäwä jo̧mȩnä̧mä̧, tȩya̧u̧ i̧tti̧mü̧ttü̧'i̧nä̧ abonä̧nü̧ ttawaruwärümä̧ adiwa'a, 'kua̧rü̧nä̧ jȩpä̧tü̧.

San Lucas 18:30

Ja̧'wa̧nü̧ ja̧'a̧nä̧, pi̧jä̧ttü̧mä̧ u̧ju̧ni̧'i̧nü̧ttü̧'i̧nä̧ abonä̧nü̧ ȩmä̧kua̧ ja̧'wa̧ta̧nü̧ yodoji'i̧nä̧ kkä̧kuä̧wä̧ i'ko ȩmä̧kua̧.

1 Timoteo 4:8

Pi̧yȩ wȩnȩ tawaruwä tü̧jä̧wa̧tü̧rü̧ ku̧wo̧juȩtü̧ttü̧mä̧, Jesucrito adiwänä̧ u̧mü̧wä̧ya̧ jä̧kua̧, ttu̧mü̧wä̧ya̧ ta̧'kua̧ wȩnä̧rä̧kuä̧wä̧ wȩnȩttü̧ kku jü̧nä̧ ja̧'wa̧ta̧nü̧ adiwäjuei wo̧juȩkuä̧ i̧'chȩ'i̧jü̧nä̧.

1 Timoteo 6:17

Pi̧jä̧nä̧ttü̧ pärätä ruwotürümä̧, kku̧nä̧rä̧tü̧jä̧ pä'ü ukuo tettäu juiyünä̧ ja̧'wa̧ta̧nü̧ tturuwonä̧ tta̧'kua̧ ttu̧wȩnä̧rü̧ juiyünä̧ we'itü, ja̧'wa̧nü̧ ja̧jü̧ jueimä̧ kkorojuei'i̧nä̧ o'kajuiyünä̧ rü̧ä̧nä̧ iyü Dio 'kuäopü kkü̧rü̧tä̧ tesewäkua'anü̧.

2 Timoteo 4:10

ja̧'wa̧ta̧nü̧ Dema, pi̧jä̧ jäwä kkü'kekuienä̧ku̧'i̧nä̧ Tesalónica-ra̧'a̧ 'chä̧nü̧ kkatä u̧ju̧ni̧'i̧nä̧ku̧sä̧. Crecente-tä Galacia rȩjȩra̧'a̧ i̧'cha̧'a̧nä̧ Tito-mä̧ Dalmacia-ra̧'a̧ 'chi̧nü̧.

Santiago 1:27

Jä'o Dio-rü esetäwämä̧ churutä eseäkuäwä ja̧'a̧ ja̧'wa̧ta̧nü̧ adiu jȩä̧kuä̧wä̧mä̧ reyotü usurä ȩmä̧wä̧tü̧rü̧'i̧nä̧, rȩkua̧mü̧rü̧'i̧nä̧ ppädäkuäwä ja̧'a̧, ja̧'wa̧ta̧nü̧ pi̧jä̧ jäwä surojuo'epünä̧mä̧ kuiditäkuäwätukuä.