San Mateo 12:30 - Nuevo Testamento Uwotjüja

³⁰ Ttürü ppä'ädokümä̧, ttü cha̧bo̧i̧ya̧tä̧ wa̧; ja̧'wa̧ta̧nü̧ ttüku ka̧ka̧to̧kü̧mä̧, pperetütä iku.

TÄ̧DO Ä̧CUÄ̧ I̧HUȨNȨ

³⁰ “Ttörö ucuotäcuähuä juiyönä cue'ächömä, ttö cha̧bo̧i̧ya̧do. Ja̧'hua̧ta̧nö̧ ttöcu ca̧ca̧to̧cö̧mä̧, ja̧'a̧tä̧ pperetö icudo.

San Mateo 12:30 Referans Kwoze

San Marcos 9:40

Ja̧'wa̧nü̧ ja̧'a̧ttü̧ ujuturu to'ija̧'a̧ku̧ amükuädokümä̧, ujuturu ppä̧'ä̧dä̧rü̧ ja̧'a̧.

San Lucas 11:23

Isopäi'ünä̧ ttü jȩchü̧ kkü'kokümä̧, ttü chaboi̧ya̧ wa̧ ja̧'a̧; ja̧'wa̧ta̧nü̧ ttüku ka̧ka̧to̧kü̧mä̧, pperetü ikuäwä i̧sa̧ ja̧'a̧.

San Lucas 9:50

Päiyäku, Jesú päinä̧ku̧: —Jȩü̧ juiyünä̧mä̧ päkuätukuärü, ujuturu to'ija̧'a̧ku̧ wokümä̧, ujuturu ppä'ädü jȩpü̧ ja̧'a̧.

San Mateo 6:24

Ya̧tȩ'i̧nä̧ uruwotü ta̧ju̧ru̧mä̧ ukuotü juiyünä̧ ja̧'a̧, jua'amä̧ ya̧tȩrü̧tä̧ eseu repea'anä̧, kka̧ra̧rü̧mä̧ üjü'kü juiyünä̧ ja̧'a̧ttü̧. Ja̧'wa̧nü̧ jü̧ta̧'a̧nü̧ ji̧nä̧ yo̧mȩtȩnä̧mä̧ Dio-rü'i̧nä̧ ukuotü kkä̧nü̧ pärätä'i̧nä̧ ukuotü ttü̧jü̧ juiyünä̧ ja̧'a̧.

1 Juan 2:19

Juätümä̧ ujututtü rättopina̧'a̧nä̧; isopäi'ünä̧mä̧ ujutu isotümä̧ pokotü pinä̧tü̧. Isopäi'ünä̧ ujutu isotü ttinü̧ttü̧mä̧, jitä'i̧nä̧ ujutuku kka̧ja̧tü̧; ja̧'wa̧nü̧ ja̧'a̧ttü̧ ujututtü rä'ächinä̧tü̧, jua'amä̧ o'katoi'ünä̧ ujutuku ttü̧ka̧ka̧kuä̧rä̧'i̧ja̧'a̧nä̧, o'katoi'ünä̧mä̧ ujutuku isotümä̧kü̧ ja̧'a̧ pä'ü tu̧wo̧jua̧ pä'ü.

San Juan 11:52

Suro juätü judío-rü ja̧'a̧tȩ'ü̧tä̧mä̧kü̧, kko̧ro̧jä̧nä̧ kka̧kuä̧tü̧ Dio i̧tti̧mü̧ judío-rümä̧ ü̧ka̧ka̧ta̧ pä'ü ja̧'a̧, pä'ü pä'inü̧.

San Mateo 12:29

¿Toku jȩpü̧ dottächü'anü̧ ja̧'a̧jä̧ttü̧, ya̧tȩ ju̧ru̧wa̧rü̧ ojusodenä̧ iäre 'chottiparü pä'ümä̧; ji̧nä̧ ä'kanä̧ jua̧u̧ru̧ ttü̧nü̧'koka'anä̧mä̧? ja̧'wa̧nü̧ jua̧u̧ru̧ nü̧'kipü'kotütä ojusode jäwämä̧ ȩmi̧pü̧ i̧wä̧wa̧'a̧.