San Mateo 12:29 - Nuevo Testamento Uwotjüja

²⁹ ¿Toku jȩpü̧ dottächü'anü̧ ja̧'a̧jä̧ttü̧, ya̧tȩ ju̧ru̧wa̧rü̧ ojusodenä̧ iäre 'chottiparü pä'ümä̧; ji̧nä̧ ä'kanä̧ jua̧u̧ru̧ ttü̧nü̧'koka'anä̧mä̧? ja̧'wa̧nü̧ jua̧u̧ru̧ nü̧'kipü'kotütä ojusode jäwämä̧ ȩmi̧pü̧ i̧wä̧wa̧'a̧.

TÄ̧DO Ä̧CUÄ̧ I̧HUȨNȨ

²⁹ “¿Ya̧tȩ ju̧ru̧hua̧rö̧ ojusode öäre ö̧nä̧u̧cua̧ pä'ö, isode ru̧hua̧rö̧ ä'canä nö'cö ttötö juiyönä, ja̧'a̧tä̧ doächäcuähuä tä̧ji̧? Isode ru̧hua̧rö̧ nö'cö rötipötä öäre ttö̧nä̧u̧cu̧'a̧nö̧.

San Mateo 12:29 Referans Kwoze

San Marcos 3:27

Ya̧tȩ'i̧nä̧ toa'a, ujuru kku̧nä̧rü̧rü̧ ojusodenä̧ do'ächächü iäre nä̧u̧kui̧'ü̧mä̧, ä'kanä̧ jua̧u̧ru̧ ünü'koka'anä̧; ja̧'wa̧nü̧ jȩpi̧'ü̧'kotütä nä̧u̧kuä̧kuä̧wa̧'a̧ jua̧u̧ iäremä.

1 Juan 4:4

Chi̧tti̧mü̧ wotü, ukutumä̧ Dio-ku kka̧kuä̧tü̧jä̧ ja̧'wa̧nü̧ ja̧'a̧ttü̧, täkü juätü yaparewätürümä̧ kkȩdü̧ ikuinä̧tü̧jä̧. Isopäi'ünä̧ ukutuku kkü̧mä̧, pi̧jä̧nä̧ kkü̧ttü̧'i̧nä̧ abonä̧nü̧ ujuru kku̧nä̧rü̧.

1 Juan 3:8

Surojü jȩpü̧ kkü̧mä̧ äwettä i̧sa̧ ja̧'a̧; isopäi'ünä̧ äwettämä̧ ä̧kuo̧mȩnä̧ttü̧tä̧ päi'ünä̧ surojü jȩi̧na̧'a̧ttü̧. Isopäi'ünä̧ Dio I̧tti̧mä̧ ichinü̧, äwettä aditäwä si'epü ikua pä'ü.

San Mateo 12:28

Ja̧'wa̧nü̧ ja̧'a̧nä̧, Dio i̧sa̧ Epíritu jäwänä̧ epíritu-tu̧ suropätürü rä'epe'ü chikuttümä̧, jua'amä̧ täkü ru̧wa̧ Dio weü wȩnȩ ukuturu rȩbȩä̧kuä̧wa̧'a̧ ja̧'a̧.

San Mateo 12:30

Ttürü ppä'ädokümä̧, ttü cha̧bo̧i̧ya̧tä̧ wa̧; ja̧'wa̧ta̧nü̧ ttüku ka̧ka̧to̧kü̧mä̧, pperetütä iku.