San Mateo 12:18 - Nuevo Testamento Uwotjüja

¹⁸ Pidetä ja̧'a̧ chu̧mü̧wä̧ya̧, ttü chȩmi̧nä̧ku̧mä̧, Jua̧u̧ru̧ eseusä, rü̧ȩnä̧ repedäku ja̧'a̧ttü̧. Jua̧u̧nä̧ ttü i̧sa̧ Epíritu-ru chu̧ju̧nä̧kua̧sä̧, ja̧'wa̧ta̧nü̧ ro̧ȩkuä̧ wȩnȩ ji̧ä̧wä̧kua̧ judío pokotü pokotürümä̧.

TÄ̧DO Ä̧CUÄ̧ I̧HUȨNȨ

¹⁸ Pidemä ttö chu̧mö̧huä̧ya̧. Ttö ja̧u̧ru̧ o'ipinösä. Ja̧u̧ru̧ eseunu repe'ösä. Ttö Espírituru chi̧yä̧cua̧sä̧ ja̧u̧ru̧. Ttö huedömä o'ca toi'önärö ji̧ä̧huä̧cua̧.

San Mateo 12:18 Referans Kwoze

San Lucas 4:18

Dio i̧sa̧ Epíritu ttünä̧tä̧ kkü̧, Jua'amä̧ ȩmi̧nä̧ku̧ cha'attü, usurä isotürü adiwäjuei jareü wȩnȩ ȩpü̧ chiya pä'ü; weinä̧ku̧sä̧ tta̧mi̧ iso'kinä̧ usurä ȩmä̧wä̧tü̧rü̧ aditü chikua pä'ü. Kärenä̧ pȩjä̧tü̧rü̧ rä'epü chikua pä'ü. Ja̧'wa̧ta̧nü̧ ä̧to̧kä̧tü̧rü̧ tottünä̧ jȩcha̧ pä'ü; suronä̧ jȩttä̧u̧ usurä ȩmä̧wä̧tü̧rü̧ rä'epü chikua pä'ü;

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

San Juan 3:34

Ja̧'wa̧nü̧ ja̧'a̧ttü̧, Dio I̧tti̧ ukuokuomȩnä̧mä̧, Dio-tä ja̧'a̧ ukuokumä̧; jua'amä̧ Dio-mä̧ Epíritu-ru jo̧mȩnü̧ iyäku ja̧'a̧ttü̧.

1 Pedro 2:4

Ja̧'wa̧nü̧ ja̧'a̧ttü̧ Tu̧ru̧wa̧rü̧ tü'küpächätukui, I̧no̧'ki wa'ü ikuoko'ki ttü̧ja̧mä̧ ya'okuinä̧tü̧, ja̧'wa̧nü̧ ja̧'a̧nä̧ Dio-rümä̧ pojopü kku̧nä̧wo'ki rü̧ȩnä̧ mikuäwo'ki jü̧nä̧.

2 Pedro 1:17

Jä'o Dio-mä̧ eseäkuäwä'i̧nä̧ ü̧rü̧ä̧'i̧nä̧ iya'a topinä̧tü̧jä̧, Dio ü̧rü̧ä̧ ukuokumä̧ rä̧mi̧pi̧na̧'a̧: Pide chi̧tti̧rü̧ rü̧ä̧nä̧ eseusä, ttütä pojopü chȩmi̧nä̧ku̧ru̧ jü̧nä̧.

Colosenses 1:13

Dio-mä̧ yo̧ü̧ ujuruttü rä'epü iku I̧tti̧ ru̧wa̧ eseäkuäwänä̧ weomȩku̧ u̧ju̧ni̧nä̧u̧jä̧,

Colosenses 1:1

Ttü Pauru, Dio-rü pä̧wä̧rü̧jo̧mȩnä̧, Jesucrito-mä̧ apóto päi'ünä̧ woinä̧ku̧ cha'attü, cha̧wa̧ru̧wa̧ chi̧jä̧wa̧ Timoteo-ku,

Efesios 1:6

Pa̧'a̧nü̧tä̧ jȩpi̧nü̧ Dio-mä̧ rü̧ȩnä̧ rȩrü̧jü̧ toü tesewarü pä'ümä̧, ja̧'wa̧nü̧ ja̧'a̧ttü̧ chutä I̧tti̧ repeäkunä̧ surojüttü kki̧'i̧kuä̧ iyinä̧u̧jä̧.

Hechos 14:27

Juȩnȩ rȩbȩä̧kuä̧u̧mä̧, igresia wotüku ka̧ka̧ku̧ ji'äwinä̧tü̧, kuettächomȩnä̧ Dio judío pokotürü rü̧ȩnä̧ jȩä̧ji̧ wȩnȩ.

Hechos 11:18

Ja̧'wa̧nü̧ jiäwa'a ä̧ju̧ku̧, 'koruchi'ijä'kotü Dio-rütä eseu pä'inä̧tü̧: —¡Ja̧'wa̧nü̧ jü̧ttü̧mä̧, Dio-mä̧ Judío pokotürü'i̧nä̧ surojüttü kki̧'ä̧kuä̧wä̧ra̧'a̧ku̧ ttü̧ji̧pi̧ya̧rü̧ pä'ü iyäja'a tä̧jí̧!

San Lucas 23:35

Ja̧'wa̧nü̧ jȩtta̧'a̧nä̧mä̧, ttü̧ja̧mä̧ to̧pä̧rü̧ kka̧kui̧nä̧tü̧ ja̧'wa̧ta̧nü̧ ruwotü'i̧nä̧, ya̧'a̧wä̧'chü̧ pä'inä̧tü̧: —Kkorotürü'i̧nä̧ ra̧wä̧pi̧jü̧ttü̧ ttü̧ji̧pü̧nä̧ ppä'ädinü̧ ja̧'wa̧nü̧ ja̧'a̧ttü̧ chutä a̧mü̧nä̧ pa̧ja̧tü̧ ü̧ji̧pa̧ pä'ü ja̧'a̧, isopäi'ünä̧ Dio pojopü weinä̧ku̧ jü̧ttü̧mä̧.

San Lucas 9:35

Ja̧'wa̧nü̧ päi'omȩnä̧, juoppattü ya̧tȩ i̧wȩnȩ rä̧mi̧pi̧na̧'a̧: «Pidemä̧ ttü chi̧tti̧, rü̧ȩnä̧ rȩni̧'a̧; jua̧u̧ru̧ ä̧ju̧kuä̧tu̧kui̧,» jü̧nä̧.

San Lucas 3:22

Epíritu Sa̧tu̧ i̧mȩyȩwi̧'i̧nä̧ku̧ unuku 'kua̧ra̧nä̧; ja̧'wa̧nü̧ päi'a'attü, ya̧tȩ i̧wȩnȩ, mo̧ro̧jä̧ra̧'a̧ttü̧ rä̧mi̧pi̧na̧'a̧: —«Ukumä̧ ttü chi̧tti̧jä̧ rȩni̧'a̧; ukuru rü̧ȩnä̧ eseusä.»

San Marcos 9:7

Ja̧'wa̧ta̧nü̧ juätü ttu̧wä̧mȩ jo̧mȩ kkä̧rü̧'koppa juiächia'attü, rȩmi̧pi̧na̧'a̧ «pidemä̧, ttütä chi̧tti̧ rü̧ä̧nä̧ rȩni̧'a̧: jua̧u̧ru̧ ä̧ju̧kuä̧tu̧kui̧,» jü̧nä̧.

San Marcos 1:11

Ja̧'wa̧nü̧ päi'omȩnä̧, ya̧tȩ i̧wȩnȩ, mo̧ro̧jä̧ra̧'a̧ttü̧ rä̧mi̧pi̧na̧'a̧: «Ukumä̧ ttü chi̧tti̧jä̧ rü̧ȩnä̧ rȩni̧'a̧, ukuru rü̧ȩnä̧ repe'üsä.»

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

San Mateo 12:17

Profeta Isaía pa̧'a̧nü̧ ukuokuinü̧ 'kuäopa'attü: