San Mateo 12:15 - Nuevo Testamento Uwotjüja

¹⁵ Jua̧u̧ wo̧jui̧'ü̧, Jesú-mä̧ juorü rä'opächü i̧'cha̧'a̧ ttü̧ja̧'i̧nä̧ rekuätü 'chi̧nä̧tü̧; o'katoi'ünä̧ na̧nȩpä̧tü̧rü̧ aditü ikuinü̧,

TÄ̧DO Ä̧CUÄ̧ I̧HUȨNȨ

¹⁵ Jesús ja̧'hua̧nö̧ ttucuocua'a ä̧ju̧cu̧, juhua'attö rä'opächinödo. Ttö̧ja̧ recuätö o'ca'anä 'chi̧nä̧tö̧do. O'ca toi'önä na̧'ä̧chä̧tö̧rö̧ aditö icuinödo.

San Mateo 12:15 Referans Kwoze

San Mateo 10:23

Ku̧jä̧tu̧ku̧ ütawiyättü suronä̧ jȩtta̧ pä'ü ttusomȩnä̧mä̧, kkoro ütawiyäku dükuekuätukuajä̧; isopäi'ünä̧ pä'üsä ukuturu, Irae ütawiyä jü̧'a̧kuä̧ o'kajuiyünä̧ jo̧mȩ päi'ünä̧mä̧ 'kuäkuopätukuoka'anä̧, ubo I̧tti̧mä̧ i̧chä̧kua̧.

San Juan 11:54

Ja̧'wa̧nü̧ ja̧'a̧ttü̧, Jesú-mä̧ täkü judío-tü̧ ttü̧'kä̧tȩnä̧mä̧ wäjuönä̧mä̧ kue'ächokü pinü̧, ja̧'wa̧nü̧ jä̧ku̧ judea rȩjȩttü̧ rä'opächinü̧, tü'künä̧nü̧, Efraín pä'ü mikuomȩku̧; jua'atä kki̧nü̧ u̧wo̧juȩtä̧u̧ku.

San Juan 7:1

Jua̧u̧ 'kuäopäji o'ka'a Jesú-mä̧ Galirea rȩjȩnä̧ kue'ächinü̧; ja̧'wa̧nü̧ ja̧'a̧nä̧ Judea rȩjȩnä̧mä̧ ü̧ja̧ pä'okü pinü̧, judío kuä'ü ttikua pättäku.

San Mateo 19:2

Ja̧'wa̧nü̧ ja̧'a̧ o'ka'anä̧mä̧ ttü̧ja̧ rekuätü tti̧'chä̧ja̧'a̧, jua'attümä̧ na̧nȩpä̧tü̧rü̧ aditü ikuinü̧.

San Marcos 6:56

Ja̧'wa̧ta̧nü̧ o'kajuiyünä̧ doächomȩ pünä̧mä̧ ütawiyä ppo̧ü̧nä̧'i̧nä̧, bäreunä'i̧nä̧, yodekunä̧tä̧ wȩjo̧mȩ'i̧nä̧, mä̧ni̧yä̧nä̧ na̧nȩpä̧tü̧rü̧ rütü jä̧'ȩpä̧ri̧nä̧tü̧ suro ü̧'ka̧tä̧wä̧ta̧nä̧tä̧ mȩtta̧'a̧nä̧ weatü pä'ü; mȩ'ä̧tü̧mä̧ o'katoi'ünä̧ ttumä̧richeittümä̧ pȩji̧pi̧nä̧tü̧.

1 Pedro 2:21

Pi̧yȩtä̧ pätetü Dio-mä̧ woinä̧u̧jä̧, täkü Crito-mä̧ ukutunä̧ usurä ȩmä̧wi̧nü̧, jȩi̧nü̧'a̧kuä̧ jȩ'kuä̧tu̧kua̧ pä'ü iyipümä̧.

Gálatas 6:9

Ja̧'wa̧nü̧ ja̧'a̧ttü̧ adiwä juei jȩpü̧mä̧ 'kuäkuächi'ätukuä; isopäi'ünä̧ tijuiyuwächi'oka'a jü̧ttü̧mä̧, ji̧yȩtä̧ mo̧ro̧ päi'omȩnä̧ u̧wä̧ju̧ tȩmä̧kuo̧tü̧jä̧.

San Juan 9:4

Ji̧nä̧ mo̧ro̧ jä̧i̧tä̧, ttürü we'inü̧ aditäwämä̧ chadita pä'ü ja̧'a̧; täkü yodó juomȩnä̧mä̧ ya̧tȩ'i̧nä̧ aditü juiyünä̧ ja̧'a̧.

San Lucas 6:12

Ji̧yȩnü̧ mo̧ro̧, Jesú-mä̧ mü̧ä̧'kara̧'a̧ Dio-rü ukuoku 'chä̧ji̧'ka̧, yodó 'kuäo'ünä̧ ukuokuinü̧.

San Lucas 5:22

Ja̧'wa̧nü̧ ttamükuäda'a wo̧juö̧, Jesú-mä̧ päinä̧u̧: —¿Tta̧'a̧nü̧ pä'ü, ja̧'wa̧nü̧ amükuädätüjä̧ttü̧?

San Lucas 9:11

Ja̧'wa̧nü̧ ja̧'a̧ ttü̧ja̧mä̧ wo̧jui̧'ü̧, o'ka'anä̧ 'chä̧jä̧tü̧rü̧; Jesú-mä̧, yawokuoka'a Dio weü wȩnȩ jiäwinä̧u̧ ja̧'wa̧ta̧nü̧ na̧nȩpä̧tü̧rü̧'i̧nä̧ aditü ikuinä̧u̧.