San Mateo 12:10 - Nuevo Testamento Uwotjüja

¹⁰ Doächi'omȩnä̧, juodenä̧mä̧ u̧mü̧ ji̧mü̧tȩ jo'ächächinü̧ ya̧tȩ kki̧nü̧; jua̧u̧ ü̧ji̧yä̧u̧ Jesú-ru jä'epü ä̧ju̧kui̧nä̧tü̧, suronä̧ jȩpä̧ji̧ pä'ü, chutä ütü'kü jittäwa pä'ü ttusomȩ ja̧'a̧: ¿Sawaru mo̧ro̧'i̧nä̧ na̧'ä̧chü̧rü̧mä̧ aditü ttiku'anü̧ ja̧'a̧ pä'ü?

TÄ̧DO Ä̧CUÄ̧ I̧HUȨNȨ

¹⁰ Juhuodenä ya̧tȩ u̧mö̧ joi'inäcu ki̧nö̧do. Korotömä Jesúsru suronä ttucuocua pä'inätödo. Ja̧'hua̧nö̧ ja̧'a̧ttö̧ pä'inätödo Jesúsru: —¿Ya̧tȩ na̧'ä̧chö̧rö̧ ttö̧ja̧ 'cuättächi'ö mo̧ro̧ aditö tticu'a̧nö̧ ja̧'a̧ tä̧ji̧? —jä'epinätödo.

San Mateo 12:10 Referans Kwoze

San Lucas 13:14

Ja̧'wa̧nü̧ Jesú-mä̧ Sawaru mo̧ro̧ aditü ikua'a topü, sinagoga isode u̧ru̧wa̧mä̧ ra̧wä̧ri̧pü̧ ttü̧ja̧rü̧ pä'inü̧: —Kko̧ro̧mü̧ttü̧nü̧ ya'ute mo̧ro̧ jo̧mȩnä̧ kka̧'a̧ adikuä mo̧ro̧mä̧; jua̧u̧nü̧ mo̧ro̧tä̧ ichätukui, ja̧'wa̧nü̧ ja̧'a̧nä̧ Sawaru mo̧ro̧mä̧ aditü ttikuätukuaku pä'ümä̧ kuichätukuä.

San Juan 9:16

Fariseo wotümä̧ yotukunä̧ pä'inä̧tü̧: —Pi̧yȩ jȩpä̧ji̧mä̧, Dio wȩ'ä̧wa̧mä̧kü̧, sawaru mo̧ro̧'i̧nä̧ ukuotokü ja̧'a̧ttü̧. Ja̧'wa̧nü̧ pätta'anä̧, kkorotümä̧ pä'inä̧tü̧: —¿Toku pä'ü, surojü kku̧nä̧rü̧ ja̧'a̧nä̧, jua̧u̧ jȩtto̧kü̧ jueimä̧ jȩpü̧jä̧ttü̧? Ja̧'wa̧nü̧ pä'ü, 'kä̧'ȩchä̧chi̧nä̧tü̧ ttukuokuttümä̧.

San Juan 8:6

Ja̧'wa̧nü̧ ja̧'a̧nä̧, a̧mü̧nä̧ kka̧kuä̧mȩ'ü̧ topü, jua̧u̧nä̧tä̧ wȩnȩtü̧ jittäwarü pä'ü pä'inä̧tü̧. Ja̧'wa̧nü̧ pätta'anä̧, Jesú-mä̧ ja̧rȩyu̧nu̧ kkä̧nü̧ üdo'chenä̧ rȩjȩ wȩyu̧ti̧nü̧.

San Juan 5:10

Judío-mä̧, jua̧u̧ pi̧'ä̧ji̧rü̧mä̧ pä'inä̧tü̧: —Pi̧yȩ mo̧ro̧mä̧, sawaru mo̧ro̧ ja̧'a̧; ku̧'ä̧'i̧jä̧bämä̧ kuȩpa̧ pä'ü weäwoka'a.

San Lucas 11:54

Ji̧yȩtä̧ päünä̧, suronä̧ wȩnȩtü̧ jittäwä'cha pä'ü.

San Mateo 12:2

Ja̧'wa̧nü̧ ttukua'a topü fariseo wotümä̧ Jesú-ru pä'inä̧tü̧: —Topittü̧, ku̧wo̧juȩtä̧u̧mä̧ sawaru mo̧ro̧ jȩä̧kuä̧wo̧kü̧ jä̧'i̧jü̧ jȩpä̧tü̧.

San Juan 5:3

Juȩnȩmä̧ rekuätü na̧nȩpä̧tü̧mä̧, ä̧to̧kä̧tü̧'i̧nä̧, kuettächü juiyünä̧ wotü'i̧nä̧, parárisi mä̧richei na̧nȩpä̧tü̧'i̧nä̧, [ajiya ppawi'aja pä'ü tta̧'ä̧rü̧ pȩji̧nä̧tü̧.

San Lucas 23:2

Ȩpü̧ kku̧nä̧jä̧'kotü, ä'ka jo̧mȩttü̧ pa̧'a̧nü̧ jȩpä̧ji̧ pä'ü ji'äwä'chinä̧tü̧: Piderü po̧kui̧pä̧jä̧tü̧jä̧ ttü̧ja̧rü̧ ji'äwä'chü ti̧rȩjä̧ surojuoepa'a. Roma jäwä pärätämä̧ kuiyätukuä, pä'ü kkä̧nü̧'i̧nä̧, ttütäsä Crito-mä̧, Rey-mä̧ pä'ä'chürü.

San Lucas 23:14

pä'inü̧: Ukutumä̧, piderü kui'chächäjiyätukuäkusä ttü̧ja̧rü̧ surojuo'epü pä'ü; ja̧'wa̧nü̧ ja̧'a̧nä̧ kuä'katuku jo̧mȩttü̧ jä̧dȩpä̧ro̧mȩnä̧mä̧, suronä̧ jȩü̧mä̧ ji̧yȩtȩ'i̧nä̧ chü̧'o̧kui̧'ü̧ juiyünä̧ jä̧ku̧sä̧.

San Lucas 20:22

Jua̧u̧nu̧mä̧ ¿Ru̧wa̧ Césa-rü timi̧tä'ijü impuestomä̧ adiwa'a tä̧jí̧, suroja'a tä̧jí̧?

San Mateo 19:3

Ja̧'wa̧nü̧ ja̧'a̧ fariseo wotüttü yotüte, ü̧jo̧mȩku̧ 'chä̧wi̧'ü̧ ji̧nä̧ ttiweyettü Jesú-ru jä'epü ä̧ju̧kui̧nä̧tü̧: —¿Ya̧tȩ irekuarü jaroi'a pä'ümä̧, kkorojuei jo̧mȩnä̧'i̧nä̧ jaroia'a pä'ü weäwi'ina̧'a̧ tä̧jí̧?

San Marcos 3:2

Ja̧'wa̧nü̧ ja̧'a̧nä̧ fariseo wotümä̧, Jesú-ru sawaru mo̧ro̧, jua̧u̧ru̧ aditü ikuaja pä'ü, to̧pä̧ri̧nä̧tü̧, kkorotürü jittäwa pä'ü.

San Juan 7:23

Ja̧'wa̧nü̧ Moisé weinü̧, jarodü jui'ü, sawaru mo̧ro̧ ja̧'a̧nä̧'i̧nä̧ circuncisión ttü̧ja̧rü̧ jȩ'kuä̧'i̧jä̧tu̧kua̧'a̧nä̧, ¿Tta̧'a̧nü̧ pä'ü, ttürümä̧ ku̧ra̧wä̧rä̧tü̧kua̧'a̧jä̧ttü̧, ttü̧ja̧sa̧rü̧ sawaru mo̧ro̧ jo̧mȩnü̧ aditü chikuäja'amä̧?