San Mateo 11:25 - Nuevo Testamento Uwotjüja

²⁵ Ji̧yȩnü̧ mo̧ro̧ Jesú-mä̧ ädätinü̧: Chä'o, uku mo̧ro̧jä̧'i̧nä̧ pi̧jä̧'i̧nä̧ u̧ru̧wa̧rü̧ eseusä, isopäi'ünä̧ wo̧juä̧wä̧ kku̧nä̧rä̧tü̧ ttu̧wo̧jui̧pü̧ juiyünä̧ dajü kku̧nu̧, ppo̧'ä̧tü̧rü̧tä̧ ttu̧wo̧jui̧pü̧nä̧ i̧jȩpi̧nü̧jä̧.

TÄ̧DO Ä̧CUÄ̧ I̧HUȨNȨ

²⁵ Ja̧u̧nu̧ pä̧nä̧ Jesús ucuocuinödo: —Chä'o, mo̧ro̧jä̧'i̧nä̧, pi̧jä̧'i̧nä̧ Tu̧ru̧hua̧, ucuru eseusä. Ucumä pi̧yȩmä̧ adihuä juäimä, dajahuächäji'ca̧mä̧ huo̧juȩto̧cö̧ pi̧nö̧jä̧ rö̧ȩnä̧ huo̧juä̧tö̧rö̧'i̧nä̧, rö̧ȩnä̧ ucuocuätörö'inä. Ppo̧'ä̧tö̧ ttö̧'a̧nö̧ huotörö iyö huo̧juȩti̧nö̧jä̧.

San Mateo 11:25 Referans Kwoze

San Mateo 21:16

Jesú-ru pä'inä̧tü̧: —¿ppo̧'ä̧tü̧ wotta'a ä̧ju̧ku̧jä̧? Jesú-mä̧ ädätinä̧u̧: —«A̧» ä̧ju̧ku̧sä̧, ¿Ukutumä̧ wȩyu̧kuä̧ wȩnȩ, jua̧u̧ tü'kü ukuokuomȩmä̧ ukuokuokotü pä'ijätüjä̧ tä̧jí̧? jua̧u̧mä̧ pä'a: Ppo̧'ä̧tü̧ atate awätü'i̧nä̧, Ukuru ra̧wä̧wä̧ ra̧ttä̧kuo̧tü̧,

San Mateo 16:17

Ädätäku Jesú-mä̧ päinä̧ku̧: —Simón, Joná i̧tti̧ ukumä̧ rü̧ȩnä̧ eseäkuäwä po̧kui̧pü̧jä̧, pi̧yȩ ku̧wo̧juö̧mä̧ ukutä jäwämä̧kü̧ ja̧'a̧, Chä'o Dio mo̧ro̧jä̧nä̧ kkü̧tä̧ jiäwäkujä̧.

2 Corintios 3:14

Ja̧'wa̧nü̧ juätümä̧ pi̧yȩ tü'kümä̧ yorisotä wo̧jui̧'o̧ko̧tü̧ pinä̧tü̧; ja̧'wa̧nü̧ ja̧'a̧ttü̧, jitä pi̧yȩ mo̧ro̧bü päi'ünä̧, Moisé i̧wȩyu̧ti̧nü̧mä̧ wo̧jui̧'o̧ko̧tü̧, juä̧ta̧tä̧ mü̧ȩkuä̧ra̧'a̧ jä̧'i̧nü̧'a̧nü̧ ja̧'a̧ttü̧. Suro, ya̧tȩtä̧ ja̧'a̧ Crito-tä ttu̧wo̧jui̧pü̧nä̧ ba'epümä̧.

Hechos 17:24

Jua̧u̧ tü̧ä̧nä̧wa̧ Dio-tä ja̧'a̧, pi̧jä̧'i̧nä̧, pi̧jä̧nä̧ kka̧ku̧'inä̧ o'kajuiyütä aditinü̧mä̧, jua̧u̧mä̧ mo̧ro̧jä̧'i̧nä̧, pi̧jä̧'i̧nä̧ u̧ru̧wa̧ ja̧'a̧ttü̧, ttü̧ja̧ ttu̧mü̧nä̧ adikuode, ttü̧ä̧nä̧wa̧rü̧ ukuokuäkuäwodenä̧mä̧ kko̧kü̧,

San Juan 11:41

Ja̧'wa̧nü̧ ja̧'a̧, wa'are ttütäjäju ä'ka i̧nä̧bi pporädü ikuinä̧tü̧. Ja̧'wa̧nü̧ ja̧'a̧ Jesú-mä̧ mo̧ro̧jä̧ra̧'a̧ku̧ topü pä'inü̧: —Chä'o, ukuru eseusä, ttürü kuä̧ju̧kuä̧ja̧'a̧ttü̧.

San Lucas 22:42

Pä'inü̧: «Chä'o Dio, ukuru pä̧wä̧rü̧jü̧ttü̧mä̧, poya reoya chau juiyünä̧ ppä'ädittü; ja̧'wa̧nü̧ ja̧'a̧nä̧ ttürü pä̧wä̧rü̧jo̧mȩnä̧mä̧kü̧, ukurutä pä̧wä̧rü̧jo̧mȩnä̧.»

San Lucas 23:34

Jesú-mä̧ pä'inü̧: «Chä'o, surojü jui'ätü 'kua̧rü̧nä̧ topitü, jerupü jȩtta̧'a̧ttü̧»] Ja̧'wa̧nü̧ ja̧'a̧nä̧ su̧ro̧do̧u̧mä̧ Jesú ü̧'ka̧tä̧wä̧ta̧ tȩma̧ pä'ü, dirü ma̧ä̧ma̧ ja̧ pä'ü jȩpä̧'chü̧ topinä̧tü̧.

San Juan 12:27

¡Jitämä̧ cha̧'kua̧ tta̧wȩpä̧ku̧sä̧! ¿däjetä päda'ajä̧ttü̧?: ¿Chä'o cha̧'kua̧ tta̧wȩpü̧mä̧ jȩpü̧ ikuittü pädäkua'a? ¡Ja̧'wa̧nü̧ ja̧'a̧nä̧, ä̧tȩkuä̧nä̧ pi̧yȩtä̧ ja̧'a̧tȩ'ü̧ ichinü̧sä̧!

San Juan 12:28

«Chä'o, kui̧mi̧ ukuo i̧jȩpi̧» Päomȩnä̧ mo̧ro̧jä̧ra̧'a̧ttü̧, rȩmi̧pi̧na̧'a̧: «Täkü chi̧mi̧ ukuomä̧ i̧jȩpä̧'i̧jü̧sä̧ ja̧'wa̧nü̧ ja̧'a̧nä̧ pä'äjita'anü̧ chukuomä̧ chi̧jȩpä̧kua̧sä̧.»

1 Corintios 2:10

Jua̧u̧ ttieruwuö juei ja̧'a̧, ujuturu Epíritu-nä̧ tu̧wo̧jui̧pü̧nä̧ Dio i̧jȩpi̧nü̧mä̧; isopäi'ünä̧ Epíritumä̧ o'kajuiyünä̧tä̧ usäu wo̧jua̧, Dio jakuänä̧ amükuädü'i̧nä̧.