San Mateo 11:22 - Nuevo Testamento Uwotjüja

²² Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ päi'omȩnä̧ ukuturumä̧ Tiro ttü̧ja̧ttü̧'i̧nä̧, Sidón ttü̧ja̧ttü̧'i̧nä̧ abonä̧nü̧ usurä kuȩmä̧wä̧tu̧ku̧nä̧ ro̧ȩkuä̧ kkä̧kuä̧u̧jä̧.

TÄ̧DO Ä̧CUÄ̧ I̧HUȨNȨ

²² Ja̧'hua̧ ja̧'a̧ ucuturu pä'ösä, Dios ttö̧ja̧rö̧ pojocuä mo̧ro̧ päi'omenä, ucutumä Tiro ötahuiyä ttö̧ja̧ttö̧'i̧nä̧, Sidón ötahuiyä ttö̧ja̧ttö̧'i̧nä̧ abonänö rö̧ȩnä̧ suronä 'cuäopäcua'a ucuturu.

San Mateo 11:22 Referans Kwoze

San Mateo 11:24

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ rüjí mo̧ro̧ päi'omȩnä̧, ukuturumä̧ sodoma ttü̧ja̧ttü̧'i̧nä̧ abonä̧nü̧ usurä kuȩmä̧wä̧tu̧ku̧nä̧ ro̧ȩkuä̧ kkä̧kuä̧u̧jä̧.

San Mateo 10:15

Isopäi'ünä̧ pädäu̧jä̧, ü'ojo'ü mo̧ro̧ päi'omȩnä̧mä̧ Sodoma rȩjȩ ttü̧ja̧rü̧ ji̧no̧mȩttü̧'i̧nä̧, Gomorra rȩjȩ ttü̧ja̧rü̧ ji̧no̧mȩttü̧'i̧nä̧ abonä̧nü̧ usurä ttȩmä̧wä̧kuo̧tü̧ juȩnȩ ütawiyä ttü̧ja̧mä̧.

1 Juan 4:17

Isopäi'ünä̧ tawaruwä tü̧jä̧wa̧tü̧rü̧ eseu repe'ü tü̧ja̧ku̧ttü̧mä̧ ja̧'wa̧ta̧nü̧ Jesucrito pi̧jä̧ttü̧ ü̧ji̧nü̧ta'anü̧ tü̧ja̧ku̧ttü̧mä̧, Jesucrito pi̧jä̧ ttü̧ja̧ o'katoi'ünä̧rü̧ ü'ojo'ü mo̧ro̧ päi'omȩnä̧mä̧ ye'ekuokotü täkuotüjä̧.

San Mateo 12:36

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ rüjí mo̧ro̧ päi'omȩnä̧mä̧ o'kajuiyünä̧tä̧ ja̧'a̧tä̧ ttukuokuä'ijümä̧ i̧jȩkuä̧kua̧'a̧.

San Lucas 10:14

Ja̧'wa̧nü̧ ja̧'a̧ttü̧, ji̧yȩnü̧ ro̧ȩkuä̧ mo̧ro̧ päi'omȩnä̧mä̧, Tiro ütawiyä ttü̧ja̧ttü̧'i̧nä̧ ja̧'wa̧ta̧nü̧ Sidón ütawiyä ttü̧ja̧ttü̧'i̧nä̧ abonä̧nü̧ ro̧ȩkuä̧kua̧'a̧ ukuturumä̧.

2 Pedro 3:7

Ja̧'wa̧nü̧ ja̧'a̧nä̧ mo̧ro̧jä̧'i̧nä̧, rȩjȩ'i̧nä̧ jitä kkä̧jä̧mä̧, i̧wȩnȩnä̧ okuränä̧ kkuwü ttikua pä'ütä jȩpü̧ kku̧nä̧wa̧'a̧. Jȩtti̧nü̧'a̧kuä̧ pojokuä mo̧ro̧ päi'omȩnä̧ ja̧'wa̧ta̧nü̧ suropätü totte'ächü mo̧ro̧ juarä okurämä̧ kkuwü ikuäkua'a.

2 Pedro 2:9

Tu̧ru̧wa̧mä̧ wo̧jua̧ churutä iyäwinü̧'kotü kka̧kuä̧tü̧rü̧mä̧, ji̧nä̧ iweyettü jȩä̧'chä̧ku̧rü̧ rä'epü ikua pä'ümä̧, ja̧'wa̧ta̧nü̧ wo̧jua̧ suronä̧ jȩpä̧tü̧rü̧ pojokuä mo̧ro̧ päi'omȩnä̧ ro̧ȩpä̧kua̧'a̧ kku̧nä̧rä̧kuä̧wä̧'i̧nä̧.

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

San Mateo 11:21

¡Isoó isottü̧, Corazín ütawiyä ttü̧ja̧we! ¡Isoó Betsaida ütawiyä ttü̧ja̧we! Isopäi'ünä̧ ukuturu jü̧'a̧nü̧ Tiro ttü̧ja̧rü̧, Sidón ttü̧ja̧rü̧ jȩtto̧kü̧ juei jȩtti̧nü̧ttü̧mä̧, ä̧ya̧ri̧ jäwänä̧ jȩpä̧kuä̧u̧ su̧ro̧jä̧ta̧ 'ka̧tä̧wi̧'ü̧, täkü mo̧tä̧ Dio-ku ppa̧'a̧chi̧na̧ja̧tü̧.

Apocalipsis 20:11

Ja̧'wa̧ta̧nü̧, ji̧yȩtȩ ruwo wȩä̧wä̧kä̧ rü̧ä̧kä̧ tȩä̧kä̧ topinü̧sä̧ ja̧'wa̧ta̧nü̧ juä̧kä̧nä̧ pü̧rü̧'i̧nä̧. Jua̧u̧ ä'ka jo̧mȩttü̧ pi̧jä̧'i̧nä̧, mo̧ro̧jä̧'i̧nä̧ o'kajuiyütä tipächina̧a'a̧, pä'äjita'anü̧mä̧ uwäu juiyünä̧tä̧.

Apocalipsis 20:12

Ja̧'wa̧nü̧ ja̧'a̧ topinü̧sä̧ wa'ü ikuinä̧tü̧rü̧'i̧nä̧, tä̧mü̧rü̧'i̧nä̧, ppo̧'ä̧tü̧rü̧'i̧nä̧, ruwo dȩä̧kä̧ ä'ka jo̧mȩ ttü̧ja̧kua̧'a̧; kuyäru o'tä bawekuächina̧'a̧, ja̧'wa̧ta̧nü̧ kkoro'tä, kkä̧kuä̧wä̧ kuyäru'tä'i̧nä̧ bawekuächina̧'a̧. Wa'inä̧tü̧mä̧ jȩtti̧nü̧'a̧kuä̧ päwi'inä̧u̧, jua̧u̧ kuyäru o'tänä̧ pä'ü rütäwuö'akuä.