Ja̧'wa̧nü̧ ja̧'a̧ Herode-mä̧ Tiro ttü̧ja̧rü̧'i̧nä̧, Sidón ttü̧ja̧rü̧'i̧nä̧ a̧mi̧surinä̧ku̧; ja̧'wa̧nü̧ ja̧'a̧nä̧ jua̧u̧ ütawiyä ttü̧ja̧mä̧, ru̧wa̧ Herode u̧mü̧wä̧ya̧ tta̧wä̧rä̧kuä̧wä̧ i̧sa̧ Blasto-rü mitü esekuinä̧tü̧, wȩnȩ juiyünä̧ ttü̧ja̧ pä'ü, jua'amä̧ tti̧rȩjä̧mä̧ jua̧u̧tä̧ ukuäje'ä'i̧jä̧u̧ ja̧'a̧ttü̧.
San Mateo 11:21 - Nuevo Testamento Uwotjüja21 ¡Isoó isottü̧, Corazín ütawiyä ttü̧ja̧we! ¡Isoó Betsaida ütawiyä ttü̧ja̧we! Isopäi'ünä̧ ukuturu jü̧'a̧nü̧ Tiro ttü̧ja̧rü̧, Sidón ttü̧ja̧rü̧ jȩtto̧kü̧ juei jȩtti̧nü̧ttü̧mä̧, ä̧ya̧ri̧ jäwänä̧ jȩpä̧kuä̧u̧ su̧ro̧jä̧ta̧ 'ka̧tä̧wi̧'ü̧, täkü mo̧tä̧ Dio-ku ppa̧'a̧chi̧na̧ja̧tü̧. Gade chapit laTÄ̧DO Ä̧CUÄ̧ I̧HUȨNȨ21 —Ucuturu suronä 'cuäopäcua'a, Corazín ötahuiyä ttö̧ja̧. Ucuturu suronä 'cuäopäcua'a, Betsaida ötahuiyä ttö̧ja̧. Iso päi'önä Tiro ötahuiyänä'inä, Sidón ötahuiyänä'inä ucutu ta'anö, rö̧ȩnä̧ ttö̧ja̧ ttieru juäi tottinöttömä, motä päi'önä pärocuäcutä amöcuädö, ttö̧'ca̧tä̧huä̧ti̧yu̧ ocurä i̧sa̧ppȩnä̧ jȩä̧cuä̧huä̧ta̧nä̧ 'ca̧tä̧hui̧'ö̧ i̧jȩcui̧na̧ja̧tö̧. Gade chapit la |
San Mateo 11:21
31 Referans Kwoze
Jesú-mä̧ müä'kara̧'a̧ttü̧ juätütäku mȩyȩwä̧ji̧'ka̧ mȩje'ka jo̧mȩ kkä̧mä̧di̧nü̧ u̧wo̧juȩtä̧u̧ku ja̧'wa̧ta̧nü̧ ttü̧ja̧ rekuätü, judea rȩjȩ ütawiyä'i̧nä̧, Jerusarȩ́-ttü̧'i̧nä̧, Tiro rȩjȩttü̧'i̧nä̧, Sidón rȩjȩnä̧ttü̧'i̧nä̧ ichäjätü pinä̧tü̧ jiäu ttä̧ju̧kua̧ pä'ü ja̧'wa̧ta̧nü̧ na̧nȩttü̧'i̧nä̧ aditü ikuatü pä'ümä̧,
Ja̧'wa̧ta̧nü̧ topinü̧sä̧, oweja mü̧ä̧ya̧ jü̧nä̧ wa̧ kko̧ro̧mü̧ttü̧nü̧ jü̧ sello bawepomȩnä̧, rü̧ȩnä̧ ttü̧ȩpa̧'a̧ttü̧ rȩjȩ pparächi'a'a. Ja̧'wa̧ta̧nü̧ mo̧ro̧ kkä̧wa̧mä̧, wa'ü tti̧kui̧yä̧u̧ ajuäu ttü̧'ka̧tä̧wä̧ta̧ jä̧'i̧nü̧'a̧nü̧ idikuächi'ina̧'a̧; ja̧'wa̧ta̧nü̧ yodó kkä̧wa̧mä̧ ttukuoja jä̧'i̧nü̧'a̧nü̧ jä̧ttä̧pä̧ya̧ pärowächinü̧.
Piblisite