San Mateo 10:32 - Nuevo Testamento Uwotjüja

³² Ja̧'wa̧nü̧ ja̧'a̧ttü̧, ya̧tȩ ttürü u̧wo̧jua̧'a̧ ttü̧ja̧ ttä'ka jo̧mȩttü̧ jiäuttümä̧, ttü'i̧nä̧ Chä'o mo̧ro̧jä̧nä̧ kkü̧ ä'ka jo̧mȩttü̧ jua̧u̧ru̧ chu̧wo̧jua̧'a̧ ji̧dä̧wä̧kua̧sä̧;

TÄ̧DO Ä̧CUÄ̧ I̧HUȨNȨ

³² “O'ca toi'önä korotö ttä'ca jo̧mȩttö̧ ttörö adiu ucuocuätömä, jahuätörö adiu chu̧cuo̧cuä̧cua̧sä̧ Chä'o mo̧ro̧jä̧ra̧'a̧ kö̧ ä'ca jo̧mȩttö̧.

San Mateo 10:32 Referans Kwoze

Apocalipsis 3:5

Isó juo'epü surojü abo 'kuä'o'ätürümä̧ ttü̧'ka̧tä̧wä̧ti̧yu̧ teü o̧ta̧ 'ka̧tä̧wä̧kuo̧tü̧ ja̧'wa̧ta̧nü̧ tti̧mi̧'i̧nä̧ kkä̧kuä̧wä̧ i'ko kuyäru'tättümä̧ si'epümä̧ chikuoko̧u̧ ttäkuotü, pärokua'aku chä'o'i̧nä̧ ä'kattü, umüwäyotü á̧gȩrȩ'i̧nä̧ ttä'kattü adiutä chukuokuäkua̧sä̧.

1 Juan 4:15

Ya̧tȩ, Jesú-ru Dio I̧tti̧ ja̧'a̧ pä'ü ji'äurumä̧, Dio'i̧nä̧ jua̧u̧nä̧tä̧ kkü̧; pärokua'aku jua̧u̧ ttü̧ja̧sa̧'i̧nä̧ Dio-ku kkü̧.

2 Timoteo 1:8

Ja̧'wa̧ta̧nü̧ ku̧ru̧wa̧ Jesucrito ütü'kü jikuäwomȩnä̧'i̧nä̧; ja̧'wa̧ta̧nü̧ chu̧ru̧wa̧ Jesucrito jäwänä̧ kärenä̧ pü̧ chütü'kü jikuäwomȩnä̧'i̧nä̧ kudäpekuä, ja̧'wa̧nü̧ ja̧jü̧ jueimä̧ jareü wȩnȩ ji'äu kkä̧nü̧ Dio ujuru päü'anü̧ usurä ȩmä̧wi̧.

Apocalipsis 2:13

Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.

San Juan 9:22

Pa̧'a̧nü̧ pätta'amä̧, jä'o'i̧nä̧, ja̧ju̧'i̧nä̧ judío-rü ye'eku pä'inä̧tü̧. Jesú-ru, jua̧u̧tä̧ Crito-mä̧ pä'ätürümä̧, sinagoga isodettü rä'epü ttikua pä'ü, jo̧mȩnü̧ ukuoku ttu̧ju̧nä̧ji̧yä̧u̧.

San Mateo 25:34

Ja̧'wa̧nü̧ ja̧'a̧ Ru̧wa̧ Rey-mä̧ u̧wo̧jua̧'a̧ku̧nä̧ kka̧kuä̧tü̧rü̧ pä̧kua̧: Ichätukui Chä'o ppädinä̧u̧mä̧, pi̧jä̧ adikui'ino̧mȩttü̧ päi'ünä̧ ukuturu wekuätukua pä'ü jo̧mȩnü̧ jȩpü̧ u̧ju̧ni̧nü̧ kuȩmä̧tu̧kua̧.

San Lucas 15:10

Isopäi'ünä̧ pä'üsä ukuturu, ja̧'wa̧nü̧ jü̧ta̧'a̧nü̧, ya̧tȩ suronä̧ jȩpü̧ ü̧jä̧'ijü̧ttü̧ kädi'omȩnä̧mä̧, Dio umüwäyotü A̧gȩrȩ-mä̧ eseäkuäwätü.