San Mateo 10:28 - Nuevo Testamento Uwotjüja

²⁸ Ja̧'wa̧ta̧nü̧ kuidepätuku kuä'ü ikurumä̧ yekuekuätukuä, jua̧u̧mä̧ kua̧'kua̧rü̧mä̧ kuä'ü ikuokü; ji̧nä̧somä̧ kua̧'kua̧rü̧ kuä'ü ikuru, kuidepä okurä beipokaränä̧ kuä'ü ikurütä ye'ekuätukui.

TÄ̧DO Ä̧CUÄ̧ I̧HUȨNȨ

²⁸ Cuidepämä cuä'ö icuätörö yecuhuecuätucuä'. Jahuätö cua̧'cua̧ru̧hua̧rö̧ be'epö icuocotö. Pärocua'acu, chu ä̧cua̧rö̧tä̧ cuidepä'inä, cua̧'cua̧ru̧hua̧rö̧'i̧nä̧ ocuränä beipocaränä be'epö icurutä ye'ecuätucui.

San Mateo 10:28 Referans Kwoze

Apocalipsis 2:10

Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.

Santiago 4:12

Ya̧tȩtä̧ Dio-tä ja̧'a̧ Juez'i̧nä̧ ja̧'a̧nä̧, weäwä wȩnȩ'i̧nä̧ iyinü̧mä̧ ja̧'wa̧ta̧nü̧ jua̧u̧mä̧ surojüttü tü̧ji̧pü̧nä̧ jȩa̧'a̧nä̧'i̧nä̧ ja̧'wa̧nü̧ jü̧juiyüttümä̧ ro̧'ȩpü̧; Jua̧u̧nu̧mä̧ ¿dikuättü̧ kua̧wa̧ru̧wa̧rü̧ suronä̧ päkuä'cha pä'ümä̧?

1 Pedro 3:14

Ja̧'wa̧nü̧ ja̧'a̧nä̧ yabonä̧ adiu jȩ'kuä̧tu̧kua̧'a̧nä̧'i̧nä̧ usurä ȩmä̧wä̧'i̧jä̧tü̧jä̧, ¡Eseäkuäwä kku̧nä̧rä̧tu̧kui̧! Ya̧tȩrü̧'i̧nä̧ ye'ünü̧mä̧ yekuekui'ätukuä.

San Mateo 25:46

Ja̧'wa̧nü̧ ja̧'a̧ttü̧, pa̧'a̧nü̧ suronä̧ jȩpi̧nä̧tü̧mä̧ ro̧ȩkuä̧ beipokomȩtä̧ tti̧'cha̧'a̧nä̧, adiu jȩpi̧nä̧tü̧mä̧ kkä̧kuä̧wä̧ i'ko kka̧'a̧tä̧ tti̧'chä̧kuo̧tü̧.

Hebreos 10:31

¡Rü̧ȩnä̧ ra̧wä̧pi̧ja̧'a̧, a̧'kua̧rü̧ Dio u̧mü̧nä̧ ma̧ttä̧mo̧mȩnä̧!

San Mateo 10:26

Ja̧'wa̧nü̧ ja̧'a̧ttü̧ ttü̧ja̧rü̧mä̧ yekuekuätukuä. Isopäi'ünä̧ yä̧wä̧i̧nä̧tä̧ da̧jä̧rä̧kuä̧wä̧mä̧ juiya'a ja̧'wa̧ta̧nü̧ yoriso ttu̧wo̧jui̧pü̧ juiyünä̧ i̧jȩkuä̧cho̧kü̧mä̧ juiya'a.

Hebreos 11:35

Kkorotü nä̧tü̧mä̧ ttawaruwä 'korujuo'ächinä̧tü̧rü̧mä̧, pä'äjita'anü̧ tta̧'kua̧ri̧'i̧ni̧yä̧u̧. Kkorotümä̧ ubara ttu'utä 'korujuo'ächinä̧tü̧, ppättädatü pättoka'atä, jua'amä̧ rü̧ȩnä̧ adiwäjuei kkä̧kuä̧wä̧nä̧ ttottächa pä'ü.

Hechos 21:13

Pauru-mä̧ adätinä̧u̧jä̧: —¿Tta̧'a̧nü̧ pä'ü ajuäkuäwätüjä̧ttü̧, ttü'i̧nä̧ cha̧'kua̧ tta̧dȩku̧nä̧? Ttümä̧ Jerusarȩ́-ra̧'a̧ttü̧mä̧, suro ttü̧nü̧'kattütämä̧ pä'oküsä, Tu̧ru̧wa̧ Jesú i̧mi̧nä̧mä̧ wa'ü'i̧nä̧ chikua pä'üsä.

San Mateo 5:22

Ja̧'wa̧nü̧ ji̧na̧'a̧nä̧ ttümä̧ ukuturu pä'üsä, ya̧tȩ ü̧jä̧wa̧rü̧ ü̧ra̧wä̧rü̧ttü̧mä̧, weäwä wȩnȩnä̧tä̧ ro̧ȩkui̧'ä̧kua̧, jü̧nä̧. Ja̧'wa̧ta̧nü̧ ü̧jä̧wa̧rü̧ ttu̧'ȩpä̧ro̧kü̧jä̧ päüttümä̧ ukuo isotü ttä'ka jo̧mȩ ȩkuä̧kua̧ tä̧bo̧kui̧'a̧rü̧ pä'ü; ja̧'wa̧ta̧nü̧ ü̧jä̧wa̧rü̧ «Kuamükuädü jui̧'a̧jä̧» päüttümä̧ okurä na̧wi̧po̧karänä̧ usurä ȩmä̧wa̧ pä'ütä, pä̧wi̧'ä̧kua̧.

San Juan 5:29

Ja̧'wa̧nü̧ ja̧'a̧ttü̧, adiu jȩpi̧nä̧tü̧'i̧nä̧, kkä̧kuä̧wä̧ i'ko ttu̧ju̧nä̧ra̧ pä'ü ttottächäkuotü; ja̧'wa̧ta̧nü̧ suronä̧ jȩpi̧nä̧tü̧'i̧nä̧, ro̧ȩkuä̧ usurä ttȩmä̧wa̧ pä'ü ttottächäkuotü.