San Mateo 10:23 - Nuevo Testamento Uwotjüja

²³ Ku̧jä̧tu̧ku̧ ütawiyättü suronä̧ jȩtta̧ pä'ü ttusomȩnä̧mä̧, kkoro ütawiyäku dükuekuätukuajä̧; isopäi'ünä̧ pä'üsä ukuturu, Irae ütawiyä jü̧'a̧kuä̧ o'kajuiyünä̧ jo̧mȩ päi'ünä̧mä̧ 'kuäkuopätukuoka'anä̧, ubo I̧tti̧mä̧ i̧chä̧kua̧.

TÄ̧DO Ä̧CUÄ̧ I̧HUȨNȨ

²³ Koro ötahuiyänä ucuturu suronä jȩttö̧ttö̧mä̧, kara'a, koro ötahuiyära̧'a̧ tö'ipächätucui. Iso päi'önä pä'ösä ucuturu, o'ca juiyönä Israel ttö̧ja̧ ttidepiyura̧'a̧ cui̧'chä̧tu̧cuä̧cua̧'a̧ ä'canä, Ubo I̧tti̧mä̧ i̧chä̧cua̧.

San Mateo 10:23 Referans Kwoze

San Mateo 16:28

—Isopäi'ünä̧ pä'üsä ukuturu, pȩnȩ́ kka̧kuä̧tü̧ttü̧ yotütemä̧ ubo I̧tti̧ ruwo we'ü icha'a tottomȩbü päi'ünä̧ wa'ü ttikua pä'ü ttüjü'kokäkuotü.

Hechos 17:10

Yodó päi'omȩnä̧, Jesucrito-rü esetätümä̧ Pauru-rü'i̧nä̧, Sira-rü'i̧nä̧, Berea ütawiyära̧'a̧ku̧ tti̧wi̧'a̧ pä'ü we'ü tti̧kui̧nä̧u̧. Jua'a rȩbȩä̧kuä̧wi̧'ä̧'kotümä̧ judío ttiäre sinagoga-nä̧ dodepinä̧tü̧.

Hechos 8:1

Sauro'i̧nä̧, Esteba̧-rü̧ kuä'ü ttikua'a ppä'ädinü̧. Jua̧u̧nu̧tä̧ mo̧ro̧ kkä̧mä̧di̧na̧'a̧, Jesucrito-rü esetätü Jerusarȩ́-nä̧ kka̧kuä̧tü̧rü̧ ra̧wä̧rü̧ ya'äu ttiku wȩnȩmä̧. Ja̧'wa̧nü̧ ya̧ttä̧wä̧u̧ o'katoi'ünä̧ dü'ekuinä̧tü̧ Judea rȩjȩra̧'a̧ku̧'i̧nä̧, Samaria rȩjȩra̧'a̧ku̧'i̧nä̧, jü̧nä̧; suro apótore-tä ttü̧ja̧kui̧'a̧nä̧.

San Marcos 13:26

Ja̧'wa̧nü̧ päi'omȩnä̧, ttü ubo I̧tti̧rü̧ ajiya isoppanä̧, chujuruku, churuwoku chicha'a tottäkuotü.

San Lucas 21:27

Ja̧'wa̧nü̧ päi'omȩnä̧, ubo I̧tti̧rü̧ ajiya isoppanä̧ uruwoku, ujuruku icha'a tottäkuotü.

San Lucas 18:8

Jua̧u̧mä̧ yotäku ppä̧dä̧kuä̧u̧. Ja̧'wa̧nü̧ ja̧'a̧nä̧, ubo I̧tti̧ ichomȩnä̧mä̧ ¿tta̧'kua̧ wȩnä̧rä̧tü̧rü̧ ü̧'o̧kui̧'ä̧kua̧?

San Juan 7:1

Jua̧u̧ 'kuäopäji o'ka'a Jesú-mä̧ Galirea rȩjȩnä̧ kue'ächinü̧; ja̧'wa̧nü̧ ja̧'a̧nä̧ Judea rȩjȩnä̧mä̧ ü̧ja̧ pä'okü pinü̧, judío kuä'ü ttikua pättäku.

San Mateo 26:64

Päiyäku Jesú-mä̧ ädätinä̧ku̧: —Ukutäjä̧, A̧, pä'ümä̧. Ja̧'wa̧ta̧nü̧ ttü'i̧nä̧ pä'üsä, porütä kkä̧mä̧dü̧ ukutumä̧ to'kuäkuotüjä̧ Ttürümä̧ Dio u̧wo̧jua̧'a̧ku̧nä̧ chü̧'a̧'a̧ ja̧'wa̧ta̧nü̧ mo̧ro̧jä̧ra̧'a̧ttü̧ ajiya isoppanä̧ chicha'a'i̧nä̧ to'kuäkuotüjä̧.

San Mateo 24:30

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ ubo I̧tti̧ icha'a ä'kanä̧ jäwä i̧jȩkuä̧chä̧kua̧'a̧ ja̧'wa̧nü̧ päia'a topü rü̧ȩnä̧ ye'ekue'i'ü pi̧jä̧ ttü̧ja̧ o'katoi'ünä̧ ttajäkuäwäkuotü ja̧'wa̧nü̧ päi'omȩnä̧ ubo I̧tti̧ mo̧ro̧jä̧ra̧'a̧ttü̧ ajiya isoppanä̧ uruwoku, ujuruku icha'a tottäkuotü.

Hechos 17:14

Ja̧'wa̧nü̧ jȩtta̧'a̧nä̧, Jesucrito-rü esetätümä̧ yotäku Pauru-rü rü̧ä̧ ajeku we'opo'ü ikuinä̧tü̧; Sira-ku, Timoteo-kutä juȩnȩmä̧ ttü̧ji̧pa̧'a̧nä̧.

San Mateo 25:13

Ja̧'wa̧nü̧ ja̧'a̧ttü̧, to̧pä̧rü̧nü̧ kka̧kuä̧tu̧kui̧, mo̧ro̧'i̧nä̧, hora'i̧nä̧ kuieruwätukua'attü̧.

San Mateo 24:48

Ja̧'wa̧nü̧ ja̧'a̧nä̧ u̧mü̧wä̧ya̧päji su̧ro̧pa̧ jü̧ttü̧mä̧, jakuänä̧ amükuädäkua̧: «Chu̧ru̧wa̧mä̧ jitätä ja̧'a̧ku̧mä̧ ichokü»

San Mateo 24:27

Isopäi'ünä̧ kkä̧wa̧ räopa'akuttü ku'upä ürowomȩnä̧, kkä̧wa̧ ma̧ä̧cha̧'a̧ku̧ttü̧'i̧nä̧ kkȩdȩa̧'a̧ jä̧'i̧nü̧'a̧nü̧ jä̧kua̧'a̧ ubo I̧tti̧ ichomȩnä̧mä̧.

San Mateo 23:34

Ja̧'wa̧nü̧ ja̧'a̧ttü̧ profetas wotürü'i̧nä̧, amükuädäkuäwä wo̧juä̧tü̧rü̧'i̧nä̧, wo̧juȩkuä̧ isotürü'i̧nä̧ wȩdä̧kuä̧u̧jä̧. Ja̧'wa̧nü̧ ja̧'a̧nä̧ wȩdä̧u̧ru̧mä̧, ütawiyä jü̧'a̧kuä̧ ku̧sä̧rä̧kuo̧tü̧jä̧, sinagogas odewiyättü'i̧nä̧ kuäkuä'kuotüjä̧ juätürümä̧, ü̧jo̧kä̧nü̧ kku̧nä̧'chü̧'i̧nä̧, yotukunä̧rü̧mä̧ kuä'äu kuikuäkuotüjä̧.

San Mateo 4:12

Ju̧a̧-rü̧ kärenä̧ ttütäja'a ä̧ju̧kuä̧ji̧'ka̧, Jesú-mä̧ Galirea rȩjȩra̧'a̧ku̧ 'chi̧nü̧.

San Mateo 2:13

Juätü tti̧wi̧'i̧'ä̧ji̧ o'ka'a, Tu̧ru̧wa̧ u̧mü̧wä̧ya̧ á̧gȩ, José-rü u̧'kuo̧ti̧nä̧ i̧jȩku̧ pä'inü̧: Ä̧rä̧mi̧'ü̧, ji̧'chi̧cha̧wa̧rü̧ ja̧ju̧tä̧ku̧ ȩmi̧pü̧ Egito-ra̧'a̧ tü'ipächi; Herode-mä̧ ji̧'chi̧cha̧wa̧rü̧ kuä'ü ikua pä'ü u̧sä̧kua̧, jua'atä ku̧ja̧jä̧ jidäwomȩbü päi'ünä̧.

Hechos 20:1

Ja̧'wa̧nü̧ ja̧'a̧, wȩnȩ 'kuäopäji o'ka'a, Pauru-mä̧ Jesucrito-rü esetätürü wopo'ü tä̧bo̧tü̧ ro̧'ȩpi̧nü̧. Ja̧'wa̧nü̧ ukuokuäji̧'ka̧ te'äwi'ipütä, Macedonia rȩjȩra̧'a̧ 'chi̧nü̧.

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

San Mateo 23:36

Ja̧'wa̧nü̧ ja̧'a̧ttü̧ pi̧yȩmä̧ o'kajuiyünä̧ pitü ttü̧ja̧rü̧ ma̧ä̧mä̧kua̧'a̧.

San Mateo 24:34

Isopäi'ünä̧ pädäu̧jä̧, jitä mo̧ro̧ beipächäkua'a ä'kanä̧ pi̧yȩmä̧ o'kajuiyünä̧ 'kuäopäkua'a.