San Mateo 10:20 - Nuevo Testamento Uwotjüja

²⁰ Isopäi'ünä̧, ukutumä̧ ukuokuokotü kuäkuotüjä̧, Dio i̧sa̧ Epíritu jä̧kua̧'a̧ ukutunä̧ ukuokuäkua̧mä̧.

TÄ̧DO Ä̧CUÄ̧ I̧HUȨNȨ

²⁰ Ja̧u̧nu̧mä̧ ucutu cuamönätucumä ucuocuocotöjä. Espíritu Santotä ucutu cui̧huȩnȩtu̧cu̧nä̧ u̧cuo̧cuä̧cua̧.

San Mateo 10:20 Referans Kwoze

Hechos 6:10

Ja̧'wa̧nü̧ ja̧'a̧nä̧, pättü juiyünä̧ ji̧nä̧u̧, wo̧juȩku̧nä̧ ukuokuomȩttü̧ ja̧'wa̧ta̧nü̧ Epíritu Sa̧tu̧ u̧wo̧juetä̧ra̧'a̧nä̧ ukuokuomȩttü̧.

San Lucas 21:15

Isopäi'ünä̧ ttütä chi̧yä̧kua̧sä̧ wo̧juȩku̧nä̧ kukuokuätukua pä'ümä̧, kuaboiyotü to'ija̧'a̧ku̧ pättü juiyünä̧tä̧ ttiweyekua pä'ü.

San Lucas 12:12

Ja̧'wa̧nü̧ jo̧mȩnä̧mä̧, Epíritu Sa̧tu̧ u̧wo̧juȩtä̧kuä̧u̧jä̧ kukuokuätukua pä'ümä̧.

2 Pedro 1:21

Isopäi'ünä̧ profeta wotümä̧ yoriso ttü̧ja̧rü̧ pä̧wä̧rü̧ja̧'a̧ku̧mä̧ ukuokuokotü pinä̧tü̧, ja̧'wa̧nü̧ ja̧jü̧jueimä̧ Epíritu Sa̧tu̧ jiäwa'anä̧tä̧ Dio jäwämä̧ ukuokuinä̧tü̧.

Hechos 4:8

Pättiyäku, Peduru-mä̧ Epíritu jäwä jo̧mȩnü̧ kkä̧ku̧ ädätinä̧u̧: —Ukutu ttü̧ja̧ tturuwotürü ja̧'wa̧ta̧nü̧ Iraettü ukuo isotürü pä'üsä:

Hechos 2:4

Ja̧'wa̧nü̧ päi'omȩnä̧ Epíritu Sa̧tu̧ jäwä jo̧mȩnü̧ pätti'a'attü, kkorotü tti̧wȩnȩnä̧ ukuokuinä̧tü̧; Epíritu ttukuokua pä'ü iyü'akuä̧.

2 Corintios 13:3

Ja̧'wa̧nü̧ jo̧mȩnä̧ ku̧wo̧juä̧kuo̧tü̧jä̧, Crito ttünä̧ ukuokua'amä̧. Ja̧'wa̧nü̧ ja̧'a̧ttü̧ Crito-mä̧ ukuturumä̧ 'kuäunä̧mä̧ jȩpo̧kü̧, ujurutä i̧jȩpä̧kua̧ ukuturumä̧.

1 Pedro 1:12

Ja̧'wa̧nü̧ ja̧'a̧nä̧, Dio-mä̧, jittäu jitütä jäwämä̧ jo̧ka̧'a̧ pä'ü ttu̧wo̧juö̧nä̧ jȩi̧nä̧u̧, ja̧'wa̧nü̧ ja̧jü̧ jueimä̧ ukuturu ppädomȩnä̧tä̧, ja̧'wa̧nü̧ ja̧'a̧ttü̧ pi̧yȩ ja̧'a̧ Epíritu Sa̧tu̧ mo̧ro̧jä̧nä̧ttü̧ wȩ'ä̧wa̧ ujurunä̧ jareü wȩnȩ jiäwinü̧mä̧. ¡Pi̧yȩmä̧ á̧gȩrȩ'i̧nä̧ jȩtta̧ pä'ü tta̧mü̧kuädü ja̧'a̧!

Hechos 28:25

Ja̧'wa̧nü̧ yoräteunä̧ ttesetoka'a rättekuächiyäku, rättekuächäkua'a ä'kanä̧ Pauru-mä̧ päinä̧u̧: —Pa̧'a̧nü̧ ji̧yä̧ku̧ Epíritu Sa̧tu̧mä̧, tä̧do̧tü̧ mi̧nä̧rü̧mä̧ profeta Isaía-nä̧ ukuokuinü̧:

Hechos 13:9

Ja̧'wa̧nü̧ jȩi̧yä̧ku̧, Sauro-ja̧'a̧nä̧ Pauru-mä̧ Epíritu Sa̧tu̧ ujuru jo̧mȩnü̧ kku̧nä̧rü̧ ja̧'a̧, jua̧u̧ mä̧ri i'ärenä̧ pätetü topü,

San Lucas 11:13

Isopäi'ünä̧ ukutumä̧ suropätü kuätükua'anä̧'i̧nä̧, kui̧tti̧mü̧tu̧ku̧ru̧mä̧ adiwäjueitä iyä'ijätüjä̧. Juȩnȩ abonä̧nü̧ wa̧ ja̧'a̧ttü̧, Kuä'otuku Dio mo̧ro̧jä̧ ru̧wa̧mä̧, Epíritu Sa̧tu̧rü̧ jäkuepätukuomenä̧mä̧ i̧yä̧kuä̧u̧jä̧.

San Marcos 12:36

Ja̧'wa̧nü̧ ja̧'a̧nä̧, Chutä Dawi'i̧nä̧ Epíritu Sa̧tu̧ juȩpä̧ra̧'a̧nä̧, pä'inü̧: «Chu̧ru̧wa̧ Dio-mä̧, Chu̧ru̧wa̧ Jesucrito-rü pä'inü̧: Chu̧wo̧jua̧'a̧ku̧nä̧ pä̧mä̧di̧, Kuaboiyotürü ku̧jä̧pü̧ dȩa̧'a̧ chutomebü päi'ünä̧.»

San Mateo 6:32

Pi̧yȩ o'kajuiyünä̧mä̧ Dio-rü esetokotütä tta̧'kua̧ rotteku ja̧'wa̧nü̧ ja̧'a̧nä̧ ukutumä̧ Kuä'otuku mo̧ro̧jä̧nä̧ kkü̧ rekuä rü̧jü̧ wo̧jua̧rü̧ kku̧nä̧rä̧tü̧jä̧.

1 Tesalonicenses 2:13

Ja̧'wa̧nü̧ ja̧'a̧ttü̧, 'kuäopünä̧ Dio-rümä̧ eseunu̧ ukuokuätüjä̧. Jua'amä̧ Dio i̧wȩnȩ jitäwomȩnä̧ ttü̧ja̧ tti̧wȩnȩ 'kua̧rü̧nä̧ kuä̧ju̧kuä̧tu̧kuo̧ka̧'a̧, Dio i̧wȩnȩ jü̧nä̧tä̧, kuesetinä̧tu̧kua̧'a̧ttü̧, iweye ja̧'wa̧nü̧ ja̧'a̧tä̧mä̧. Jua̧u̧ wȩnȩtä̧ ja̧'a̧ isopäi'ünä̧ ukutu esetätünä̧ aditümä̧.