San Mateo 10:17 - Nuevo Testamento Uwotjüja

¹⁷ Ja̧'wa̧ta̧nü̧ tta̧kuä̧rä̧kuä̧wä̧tu̧kua̧jä̧, isopäi'ünä̧ ruwotürü iyü iku kkä̧nü̧'i̧nä̧, sinagogas odewiyättü'i̧nä̧ kuäkuättäkuä̧u̧jä̧.

TÄ̧DO Ä̧CUÄ̧ I̧HUȨNȨ

¹⁷ Ttu̧ȩcuä̧nä̧ ka̧cuä̧tu̧cui̧. Korotömä ucuturu ruhuotörö ttiyäcuotö. Ja̧'hua̧ta̧nö̧ judíos ttu̧huo̧jui̧'i̧nodehuiyättö cuäcuättäcuotö ucuturu.

San Mateo 10:17 Referans Kwoze

San Marcos 13:9

Ja̧'wa̧nü̧ ukututä'i̧nä̧, tta̧'a̧rä̧kuä̧u̧ kka̧kuä̧tu̧kui̧; isopäi'ünä̧, ruwotürü iyü ttikuäkuä̧u̧jä̧ ja̧'wa̧ta̧nü̧ sinagoga odewiyättü kuäkuättäkuä̧u̧jä̧. Ttü jäwänä̧mä̧, gobernador ruwotü ttä'ka jo̧mȩ'i̧nä̧, rȩjȩ ruwotü ttä'ka jo̧mȩ'i̧nä̧ ttȩpä̧kuä̧u̧jä̧; ttü chütü'kü juätürü jikuäwätukua pä'ü.

San Mateo 23:34

Ja̧'wa̧nü̧ ja̧'a̧ttü̧ profetas wotürü'i̧nä̧, amükuädäkuäwä wo̧juä̧tü̧rü̧'i̧nä̧, wo̧juȩkuä̧ isotürü'i̧nä̧ wȩdä̧kuä̧u̧jä̧. Ja̧'wa̧nü̧ ja̧'a̧nä̧ wȩdä̧u̧ru̧mä̧, ütawiyä jü̧'a̧kuä̧ ku̧sä̧rä̧kuo̧tü̧jä̧, sinagogas odewiyättü'i̧nä̧ kuäkuä'kuotüjä̧ juätürümä̧, ü̧jo̧kä̧nü̧ kku̧nä̧'chü̧'i̧nä̧, yotukunä̧rü̧mä̧ kuä'äu kuikuäkuotüjä̧.

Hechos 26:11

Ja̧'wa̧ta̧nü̧ tta̧'kua̧ ttu̧wȩnä̧rä̧ku̧ru̧ suronä̧ pätta pä'ümä̧, suronä̧ jȩchi̧nä̧u̧ sinagogas odewiyä o'kajuiyünä̧, jua'a yabo juätürü chami̧suräkumä̧ usú kue'ächinü̧sä̧ kko̧ro̧jä̧ra̧'a̧'i̧nä̧.

San Juan 16:2

Sinagogas odewiyättü rä'epe'ü ttikuäkuä̧u̧jä̧ ja̧'wa̧ta̧nü̧ ji̧yȩtȩ mo̧ro̧ ichäkua'a, ukuturu kuä'ü ikumä̧, Dio-rü eseu jȩpü̧sä̧ pättü mo̧ro̧.

San Lucas 12:11

Ukuturu sinagoga odewiyära̧'a̧ ttȩpü̧ttü̧'i̧nä̧, Juez jü̧nä̧ wotü ttü̧'ȩjo̧mȩ ttȩpü̧ttü̧'i̧nä̧ ja̧'wa̧ta̧nü̧ ukuo isotü ttü̧'ȩjo̧mȩ ttȩpü̧ttü̧'i̧nä̧, tta̧'a̧nü̧ tädätäkua'ajó, toku jitäwäkua'ajó pä'ümä̧ kua̧'kua̧ tta̧kuȩkuä̧tu̧kuä̧.

San Mateo 5:22

Ja̧'wa̧nü̧ ji̧na̧'a̧nä̧ ttümä̧ ukuturu pä'üsä, ya̧tȩ ü̧jä̧wa̧rü̧ ü̧ra̧wä̧rü̧ttü̧mä̧, weäwä wȩnȩnä̧tä̧ ro̧ȩkui̧'ä̧kua̧, jü̧nä̧. Ja̧'wa̧ta̧nü̧ ü̧jä̧wa̧rü̧ ttu̧'ȩpä̧ro̧kü̧jä̧ päüttümä̧ ukuo isotü ttä'ka jo̧mȩ ȩkuä̧kua̧ tä̧bo̧kui̧'a̧rü̧ pä'ü; ja̧'wa̧ta̧nü̧ ü̧jä̧wa̧rü̧ «Kuamükuädü jui̧'a̧jä̧» päüttümä̧ okurä na̧wi̧po̧karänä̧ usurä ȩmä̧wa̧ pä'ütä, pä̧wi̧'ä̧kua̧.

Hechos 22:19

Päku chädätinä̧ku̧: Chu̧ru̧wa̧, juätümä̧ wo̧juä̧tü̧, ukuru esetätürü, ttü kärenä̧ 'chu'äde'ü sinagoga odewiyättü kuäkuättünä̧ jȩchi̧nü̧mä̧,

Hebreos 11:36

Kkorotümä̧ ya̧'a̧wä̧'chü̧ kuäkuättinä̧u̧, kä̧rȩnä̧sa̧nä̧ nü'kä̧rü̧, kärenä̧ ttütä'chinä̧u̧.

2 Timoteo 4:15

Ja̧'wa̧ta̧nü̧ uku'i̧nä̧ ja̧u̧ttü̧mä̧ rü̧ȩnä̧ tta̧'a̧rä̧kuä̧u̧ kkä̧wi̧, jua'amä̧ ujutu tu̧wo̧juȩtü̧mä̧ üjü'kokomȩ jä̧'i̧jo̧mȩttü̧.

Filipenses 3:2

Rü̧ȩnä̧ tta̧'ä̧rä̧kuä̧u̧ kka̧kuä̧tu̧kui̧ ä̧wi̧ri̧tü̧ 'kua̧rü̧nä̧ jȩpä̧tü̧rü̧, surojünä̧ aditätürü, circuncisión pättü jȩpä̧tü̧rü̧;

San Juan 11:47

Ja̧'wa̧nü̧ ja̧'a̧mä̧, fariseo wotü'i̧nä̧, sacerdote tturuwotü'i̧nä̧, ji̧nä̧so ukuo isotürü ä̧tȩpo̧'ü̧, ka̧ka̧ku̧ pȩjä̧mü̧ pä'inä̧tü̧: —¿Däjetä jȩtä̧ku̧ttü̧? Jua̧u̧mä̧ jȩtto̧kü̧ juei rü̧ȩnä̧ jȩa̧'a̧mä̧.

San Marcos 13:12

Ja̧'wa̧ta̧nü̧ ttü̧bü̧o̧tü̧ku̧mä̧, ttü̧jä̧wa̧tü̧ku̧mä̧ iyäkuäu ttikuäkuotü kuä'ü ttikuatü pä'ü; ttä'otü̧'i̧nä̧, tti̧tti̧mü̧ku̧ mi̧kuä̧ri̧yä̧kuä̧u̧ iyä'chäkuäu ttikuäkuotü; ja̧'wa̧nü̧ jȩttä̧kuä̧wo̧mȩnä̧ kuä'äu ttikuäkuä̧u̧.

San Mateo 26:59

Sacerdote wotü tturuwotü'i̧nä̧ ja̧'wa̧ta̧nü̧ sanedrín isotü'i̧nä̧ yapareu jittäwiyatü pä'ü usinä̧tü̧, ji̧yȩnä̧tä̧ Jesú-ru kuä'ü ttikunä̧ jȩtta̧ pä'ü.

Hechos 17:14

Ja̧'wa̧nü̧ jȩtta̧'a̧nä̧, Jesucrito-rü esetätümä̧ yotäku Pauru-rü rü̧ä̧ ajeku we'opo'ü ikuinä̧tü̧; Sira-ku, Timoteo-kutä juȩnȩmä̧ ttü̧ji̧pa̧'a̧nä̧.

San Mateo 20:19

Ja̧'wa̧nü̧ ja̧'a̧ judío pokotürü iyü ttikuomȩnä̧, ya̧'a̧wä̧'chü̧, kuäkuäpü jȩpi̧'ü̧'kotü, ü̧jo̧kä̧nü̧ jäi daunä̧ ttu̧ju̧na̧'a̧ 'korupä'i̧'ü̧'ka̧, wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

San Mateo 10:18

Jua'a yabonä̧ ttü jäwänä̧mä̧, ruwotü gobernadores ttä'ka'i̧nä̧, ruwotü tturuwotü ttä'ka'i̧nä̧, judío pokotü ttä'ka jo̧mȩ'i̧nä̧ ttȩpä̧kuä̧u̧jä̧ ttü jäwänä̧mä̧, juätürü jikuäwätukua pä'ü.

Hechos 9:2

wȩyu̧kuojä iyü wearü pä'ü jä'epinü̧, Damasco ütawiyänä̧ sinagogas odewiyättü Jesucrito-rü esetätürümä̧, u̧mä̧tü̧rü̧'i̧nä̧, nä̧tü̧rü̧'i̧nä̧ Jerusarȩ́-nä̧ kärenä̧ ütä'cha pä'ü, ü̧ka̧ka̧tä̧ja̧ pä'ü.