San Mateo 10:14 - Nuevo Testamento Uwotjüja

¹⁴ Ja̧'wa̧nü̧ ja̧'a̧nä̧, kui̧wȩnȩtu̧ku̧ ttä̧ju̧kua̧ pä'ü jui'ü dottädü juiyüttümä̧; isodettü ja̧ pä'ü'i̧nä̧ ütawiyättü ja̧ pä'ü'i̧nä̧ juorü rä'opächümä̧ ku̧jä̧pü̧tu̧ku̧ redä'ka i̧sa̧ppȩmä̧ ppüsäu kuikuätukuajä̧.

TÄ̧DO Ä̧CUÄ̧ I̧HUȨNȨ

¹⁴ Ja̧'hua̧ta̧nö̧ ichi'ö eseunu jȩtto̧ca̧'a̧ jö̧ttö̧mä̧, ttä̧ju̧cuo̧ca̧'a̧ jö̧ttö̧mä̧, juhua'attö rä'ächätucui. Cu̧jä̧pö̧ isäyatucunä rȩjȩ i̧sa̧ppȩtä̧ te'ächö icuätucui.

San Mateo 10:14 Referans Kwoze

Hechos 18:6

Ja̧'wa̧nü̧ juätü to'ija̧'a̧ku̧ suronä̧ pä'ü kkü'kü jui'ü wottäku, Pauru-mä̧ ü̧'ka̧tä̧wä̧ta̧ käroku iku, päinä̧u̧: ukututä jäwä ja̧'a̧, Dio ukuturu ro̧ȩpü̧ttü̧mä̧, täkü ukuturumä̧ jidäwa'attü̧. Porü yabokumä̧ judío pokotürütä jidäwä̧kua̧sä̧.

Hechos 13:51

Ja̧'wa̧nü̧ jȩttä̧u̧, tti̧jä̧pi̧yä̧ ppüsäwi'ütä rä'opächinä̧tü̧ Iconio ütawiyära̧'a̧ku̧.

San Lucas 9:5

Ja̧'wa̧ta̧nü̧ kkoromȩ kui̧'chä̧tu̧kuo̧mȩnä̧, juorü dottädü juiyüttümä̧, jua̧u̧ ütawiyättü rä'opächü kui̧jä̧pi̧yä̧tä̧ kuppüsäwätukuajä̧, jitütä ttu̧wo̧juä̧kua̧'a̧nü̧.

San Marcos 6:11

Ja̧'wa̧ta̧nü̧ kkoromȩ kui̧'chä̧tu̧kuo̧mȩnä̧, ttojusodenä̧ dottädoka'a, ä̧ju̧ku̧'i̧nä̧ ttä̧ju̧ku̧ juiyüttümä̧, ku̧jä̧pü̧tu̧ku̧ i̧sa̧ppȩ ppüsäu kuikuätukuajä̧. Ja̧'wa̧nü̧ jȩ'kuä̧tu̧kuo̧mȩnä̧, ttu̧wo̧juä̧kuo̧tü̧.

1 Tesalonicenses 4:8

Ja̧'wa̧nü̧ ja̧'a̧ttü̧, pi̧yȩ kkü'kokümä̧, ttü̧ja̧sa̧rü̧mä̧ ya'okuokü; Dio-rütä ya'oku, Epíritu Sa̧tu̧rü̧ iyinü̧rü̧.

San Juan 13:20

Isopäi'ünä̧ pädäu̧jä̧: Ttü wedäkuru do'ädümä̧, Ttürü do'ädü; ja̧'wa̧ta̧nü̧ Ttürü do'ädümä̧, Ttürü we'inü̧rü̧ do'ädü.

San Marcos 9:37

Ya̧tȩ ttü chi̧mi̧nä̧ ji̧'ki̧cha̧wa̧rü̧ ȩmü̧mä̧, ttürü ȩmü̧; ja̧'wa̧ta̧nü̧ ttürü ȩmü̧mä̧, ttürütämä̧ ȩmo̧kü̧, ji̧nä̧somä̧ ttürü we'inü̧rü̧ ȩmü̧.

San Mateo 18:5

Jua̧u̧ ya̧tȩ ji̧'ki̧cha̧wa̧rü̧ ttü chi̧mi̧nä̧ do'ädürümä̧, ttürü do'ädü.

San Lucas 9:48

päinä̧u̧: —Ttü chi̧mi̧nä̧ pide ji̧'ki̧cha̧wa̧rü̧ do'ädümä̧, ttürü'i̧nä̧ do'ädü; ja̧'wa̧ta̧nü̧ ttürü do'ädürümä̧, ttürü we'inü̧rü̧'i̧nä̧ do'ädü. Ja̧'wa̧nü̧ ja̧'a̧ttü̧ ukutu o'katoi'ünä̧ttü̧ ji̧'ki̧cha̧wa̧mä̧, jua̧u̧ jä̧kua̧'a̧ ku̧wä̧mȩtu̧ku̧nä̧ ukuo i̧sa̧mä̧.

San Mateo 10:13

Juodenä̧ kka̧kuä̧tü̧ eseunu̧ dottädüttümä̧, ukutu kuesewätukumä̧ ttȩmä̧kuo̧tü̧; ja̧'wa̧nü̧ ja̧'a̧nä̧ ttüjü'kü juiyüttümä̧, ukutu kuesewätukumä̧ ukutunä̧tä̧ kki̧'ä̧kua̧'a̧.