San Mateo 10:1 - Nuevo Testamento Uwotjüja

¹ Ja̧'wa̧nü̧ ja̧'a̧ Jesú-mä̧, u̧wo̧juȩtä̧u̧ doce-nü̧ wotürü wopo'ü ttukuo iyinä̧u̧, epíritu-tu̧ suropätürü rä'epü ttikua pä'ü'i̧nä̧, na̧nȩttü̧ttü̧mä̧ o'kajuiyünä̧ aditü ttikua pä'ü'i̧nä̧, ubara ttu'u na̧nȩttü̧ aditü ttikua pä'ü'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

¹ Jesús ttö̧jä̧pö̧ttö̧nö̧ ta̧ju̧nu̧ u̧huo̧juȩtä̧u̧ru̧ huopö, ujuru iyinä̧u̧do espíritus suropätörö rä'epö tticua pä'ö. Ja̧'hua̧ta̧nö̧ o'ca juiyönä na̧'ä̧chä̧tö̧rö̧'i̧nä̧, koro ubara ttu'ätörö'inä aditö tticua pä'ö iyinä̧u̧do.

San Mateo 10:1 Referans Kwoze

San Lucas 10:19

Ukuturu kujurutuku iyüsä, kkorottü'i̧nä̧ abonä̧nü̧mä̧ kua̧bo̧i̧ya̧tu̧ku̧ ujuru abo 'kuä'o'ü, ä̧ka̧tü̧rü̧'i̧nä̧, i̧di̧yu̧tu̧ru̧'i̧nä̧ kkȩdü̧ kuikuätukua pä'ü. Ja̧'wa̧ta̧nü̧ kkoro juei'i̧nä̧ surojuoepo̧ko̧u̧ kuäkuotüjä̧.

San Lucas 24:49

Ja̧'wa̧ta̧nü̧ Chä'o ukuturu iya päinü̧ wȩdä̧kua̧sä̧; ja̧'wa̧nü̧ ja̧'a̧nä̧, ji̧nä̧ Jerusarȩ́ ütawiyänä̧tä̧ ku̧ja̧kuä̧tu̧kua̧jä̧, mo̧ro̧jä̧ra̧'a̧ttü̧ kujurutuku 'ka̧tä̧wi̧'o̧mȩbü päi'ünä̧.

Hechos 1:8

Ja̧'wa̧nü̧ ja̧'a̧nä̧, Epíritu Sa̧tu̧ ukutunä̧ ichi'ü ü̧jä̧mä̧do̧mȩnä̧mä̧, kujurutuku kuȩmä̧kuo̧tü̧jä̧; jua'amä̧, Jerusarȩ́-nä̧'i̧nä̧, Judea rȩjȩnä̧'i̧nä̧, Samaria-nä̧'i̧nä̧ ja̧'wa̧ta̧nü̧ pi̧jä̧ beipomȩbü päi'ünä̧ 'chä̧nü̧ ttürü 'kuäopa'a to'kuinä̧tu̧ku̧ jikuäwätukua pä'ü.

San Juan 3:27

Pättiyäku, Ju̧a̧-mä̧ päinä̧u̧: —Ttü̧ja̧sa̧rü̧ kkorojuei Dio iyoka'a jo̧mȩnä̧mä̧, yoriso u̧ju̧nä̧ra̧ pä'ümä̧ jui̧'a̧.

San Lucas 6:13

Kkoro mo̧ro̧juoäja'a u̧wo̧juȩtä̧u̧rü wopo'ü juätüttü doce-nü̧ wotürü pojopü ȩmü̧: O̧i̧nä̧u̧ apótore, pä'ü.

San Lucas 21:15

Isopäi'ünä̧ ttütä chi̧yä̧kua̧sä̧ wo̧juȩku̧nä̧ kukuokuätukua pä'ümä̧, kuaboiyotü to'ija̧'a̧ku̧ pättü juiyünä̧tä̧ ttiweyekua pä'ü.

Hechos 19:15

Ja̧'wa̧nü̧ pättäku epíritu su̧ro̧pa̧mä̧ ädätinä̧u̧: Jesú-rumä̧ wo̧jua̧sä̧ ja̧'wa̧ta̧nü̧ Pauru-rü'i̧nä̧ wo̧jua̧sä̧; ja̧'wa̧nü̧ ja̧'a̧nä̧ ukutumä̧, ¿titü juo'otü kuätukuättü̧?

San Juan 17:2

Isopäi'ünä̧ uku kui̧tti̧rü̧mä̧, pi̧jä̧ ttü̧ja̧ ttu̧wä̧mȩnä̧ jü̧nä̧ ujuru iyinü̧jä̧, o'katoi'ünä̧ uku kuiyinä̧u̧ru̧ kkä̧kuä̧wä̧ i'ko chiya pä'ü.

San Juan 6:70

Jesú-mä̧ ädätinä̧u̧: —¿Ukutu ttü̧jä̧pü̧ttü̧ ta̧ju̧nü̧ wotürümä̧, ttü chȩmo̧ko̧u̧ pinä̧tü̧jä̧? Ja̧'wa̧nü̧ ja̧'a̧nä̧ ukututtü, ya̧tȩmä̧ Äwettä ja̧'a̧.

San Juan 3:35

Jä'o Dio-mä̧, i̧tti̧rü̧ eseu repea'attü̧, o'kajuiyünä̧ u̧mü̧nä̧ jü̧nä̧tä̧ iyinä̧ku̧.

Apocalipsis 12:1

Mo̧ro̧jä̧ra̧'a̧ttü̧ i̧jȩkuä̧chi̧na̧'a̧: mo̧ro̧ kkä̧wa̧nä̧ juä'okui'äju o'kaju, isaju büa, kki̧jä̧pi̧yä̧ dȩa̧'a̧ kku̧nä̧ri̧nä̧ju̧ yodó kkä̧wa̧rü̧. Ja̧'wa̧ta̧nü̧ kkunä̧ kku̧nä̧ri̧nä̧ju̧ corona pättü kku'uttäwänä̧ doce-nü̧ si̧ri̧'ko̧tü̧rü̧mä̧.

San Mateo 26:47

Jesú-mä̧ ji̧nä̧ ukuoku ü̧ja̧'a̧nä̧, doce-nü̧ wotü u̧wo̧juȩtä̧u̧ttü̧ ya̧tȩ, Juda pä'ijü ichi'inü̧, ttü̧ja̧ rekuätüku kurodiyä'i̧nä̧, dauwiyä'i̧nä̧ 'chu̧ä̧rä̧nü̧ i'chächätuku. Irae ttü̧ja̧ttü̧ sacerdote wotü tturuwotü'i̧nä̧ ja̧'wa̧ta̧nü̧ judío-ttü a̧ci̧a̧nu̧ wotü'i̧nä̧'i̧nä̧ wettäja'a ji̧na̧'a̧.

San Mateo 26:20

Täkü ni̧pä̧chi̧'ä̧ja̧'a̧mä̧ Jesú-mä̧ u̧wo̧juȩtä̧u̧ku mesa isodenä̧ ukua pä'ü pä̧mä̧di̧nü̧;

San Mateo 19:28

Jesú-mä̧ ädätinä̧u̧: —Isopäi'ünä̧ pädäu̧jä̧, ukutu ttü cho'ka'anä̧ ichinä̧tü̧mä̧, ji̧yȩnü̧ o'kajuiyünä̧tä̧ pärowächü mo̧ro̧ päi'omȩnä̧, ubo I̧tti̧mä̧ chutä uruwo dȩä̧kä̧nä̧ ü̧'ä̧mä̧do̧mȩnä̧ ukutu'i̧nä̧ doce-nü̧ jü̧ ruwo dȩä̧ki̧yä̧nä̧, irae ttü̧ja̧ doce-nü̧ wotürü wekuätukua pä'ü ku̧'ȩjä̧mä̧kuo̧tü̧jä̧.

San Mateo 6:13

Ja̧'wa̧ta̧nü̧ äwettä kka̧kuä̧mü̧ toatü pä'ümä̧ kuȩpä̧tü̧, ja̧u̧ ja̧jü̧ jueimä̧ su̧ro̧pa̧ttü̧ rätopächünä̧tä̧ ppä'äditü. [Isopäi'ünä̧ Mo̧ro̧ kki̧ä̧mü̧nä̧ o'kajuiyünä̧tä̧ ukú kujurutä, kuruwotä, ukú ru̧wa̧ wekutä ja̧'a̧. Amén.]

San Mateo 4:23

Jesú-mä̧, Galirea rȩjȩ o'kajuiyünä̧, sinagogas odewiyä jü̧'a̧kuä̧ kue'ächü wo̧juȩti̧nü̧. Wo̧juȩtü̧mä̧ ji'äwinü̧ jareünä̧ Ru̧wa̧ Dio weü wȩnȩ, ji'äu kkä̧nü̧mä̧ na̧nȩttü̧ttü̧'i̧nä̧, ubara ttu'u usurä ttȩmä̧u̧'i̧nä̧ aditü ikuinü̧.

San Mateo 9:35

Jesú-mä̧ bäreu ütawiyänä̧'i̧nä̧, ppo̧ü̧ ütawiyänä̧'i̧nä̧, sinagogas odewiyä pünä̧ kue'ächü wo̧juȩti̧nü̧. Jareünä̧ Ru̧wa̧ Dio weü wȩnȩ wo̧juȩtü̧mä̧, na̧nȩttü̧mä̧ o'kajuiyünä̧ aditü iku kkä̧nü̧, ubara ttu'u na̧nȩttü̧'i̧nä̧, o'kajuiyünä̧tä̧ aditü ikuinü̧.

San Mateo 9:38

Ja̧'wa̧nü̧ ja̧'a̧ttü̧ u̧wä̧ju̧ jo̧mȩnü̧ jü̧ u̧ru̧wa̧rü̧ jä'epätukui, ka̧ka̧kuä̧ isotürü ttü̧ka̧ka̧ta̧ pä'ü weäkua'anü̧.