San Marcos 9:7 - Nuevo Testamento Uwotjüja

⁷ Ja̧'wa̧ta̧nü̧ juätü ttu̧wä̧mȩ jo̧mȩ kkä̧rü̧'koppa juiächia'attü, rȩmi̧pi̧na̧'a̧ «pidemä̧, ttütä chi̧tti̧ rü̧ä̧nä̧ rȩni̧'a̧: jua̧u̧ru̧ ä̧ju̧kuä̧tu̧kui̧,» jü̧nä̧.

TÄ̧DO Ä̧CUÄ̧ I̧HUȨNȨ

⁷ Ja̧'hua̧nö̧ ja̧'a̧ ajiya isoppa mȩyȩhui̧'i̧na̧'a̧do jahuätö ttö̧ja̧cuo̧mȩcu̧. Ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ä̧ju̧cuä̧tu̧cui̧ ja̧u̧ru̧tä̧, —ucuocua'a ä̧ju̧cui̧nä̧tö̧do.

San Marcos 9:7 Referans Kwoze

2 Pedro 1:17

Jä'o Dio-mä̧ eseäkuäwä'i̧nä̧ ü̧rü̧ä̧'i̧nä̧ iya'a topinä̧tü̧jä̧, Dio ü̧rü̧ä̧ ukuokumä̧ rä̧mi̧pi̧na̧'a̧: Pide chi̧tti̧rü̧ rü̧ä̧nä̧ eseusä, ttütä pojopü chȩmi̧nä̧ku̧ru̧ jü̧nä̧.

San Mateo 3:17

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ i̧wȩnȩ ji̧yȩtȩ rä̧mi̧pi̧na̧'a̧: «Pidemä̧ chi̧tti̧ rü̧ȩnä̧ rȩni̧'a̧, jua̧u̧ru̧ juiyo eseusä.»

San Marcos 1:11

Ja̧'wa̧nü̧ päi'omȩnä̧, ya̧tȩ i̧wȩnȩ, mo̧ro̧jä̧ra̧'a̧ttü̧ rä̧mi̧pi̧na̧'a̧: «Ukumä̧ ttü chi̧tti̧jä̧ rü̧ȩnä̧ rȩni̧'a̧, ukuru rü̧ȩnä̧ repe'üsä.»

Apocalipsis 1:7

¡Crito-mä̧ ajiya isoppanä̧ i̧chä̧kua̧! O'katoi'ünä̧ tottä̧kua̧, Churutä dakuodänä̧ ta'inä̧tü̧'i̧nä̧ tottä̧kua̧; Ja̧'wa̧ta̧nü̧ o'katoi'ünä̧ pi̧jä̧ ttü̧ja̧mä̧ jua̧u̧ru̧ topü ttajuäkuäwäkuotü. Ja̧'wa̧nü̧ ji̧yä̧u̧. Amȩ́.

Hebreos 2:1

Ja̧'wa̧nü̧ ja̧'a̧ttü̧, tä̧ju̧kuä̧'i̧jü̧mä̧ adiu ttu̧'ȩpä̧rü̧nü̧ tä̧ju̧kua̧ pä'ü rekuä rü̧ja̧'a̧. Jueü mä̧nä̧ttü̧ 'kȩtȩkuä̧chü̧ juiyäkua'anü̧.

San Juan 20:31

Ja̧'wa̧nü̧ ja̧'a̧nä̧, pi̧yȩmä̧ wȩyu̧kui̧'i̧na̧'a̧, Jesú-mä̧ Crito ja̧'a̧, Dio I̧tti̧ pä'ü esetü, jua̧u̧ i̧mi̧nä̧ kkä̧kuä̧wä̧ i'ko ttu̧ju̧nä̧ra̧ pä'ü.

San Juan 6:69

Ja̧'wa̧nü̧ ja̧'a̧ttü̧, ujutumä̧ täkü esetinä̧tü̧jä̧, ukumä̧ Dio kkü̧ i̧tti̧jä̧ pä'ü.

San Juan 1:34

Ja̧'wa̧nü̧ tochina̧'a̧ttü̧ pä'üsä, jua̧u̧tä̧ ja̧'a̧ Dio i̧tti̧mä̧, jü̧nä̧.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

Romanos 1:4

Jua̧u̧mä̧ Dio ujurunä̧, Epíritu Surojü jui̧'a̧ a̧'kua̧ iweyenä̧, Dio I̧tti̧ jü̧nä̧ i̧jȩpi̧nä̧ku̧ wa'arettü ttoächomȩnä̧.

Hechos 8:36

Jua̧u̧nü̧ o'ka'a, aje kko̧mȩ 'kuäto'omȩnä̧, Etiopía i̧sa̧mä̧ pä'inü̧; —Pȩnȩtä̧ akua'a ajiyamä̧; ¿däjetä tto̧ȩpä̧ra̧'a̧jä̧ttü̧, bautizo jȩchä̧kuä̧wa̧ pä'ümä̧? [

Hechos 7:37

Ja̧'wa̧ta̧nü̧, jua̧u̧ Moisé-tä ji̧na̧'a̧ Irae ttü̧ja̧rü̧ pä'inü̧mä̧: Dio-mä̧ ttü ta̧'a̧nü̧ profeta-rü ukututtü ya̧tȩrü̧ rä̧ȩpä̧kua̧, jua̧u̧ru̧ kuä̧ju̧kuä̧tu̧kua̧jä̧, jü̧nä̧.

Hechos 1:9

Pi̧yȩ pä'ü käda'a, to̧pä̧rü̧ ttü̧ja̧kua̧'a̧nä̧, Jesú-mä̧ käekuächa'attü̧, ajiya isoppa, a̧ttä̧di̧'i̧nä̧ku̧, jua'a yabomä̧ tottü juiyünä̧tä̧.

San Juan 19:7

Judío tturuwotümä̧ ädätinä̧tü̧: —Ujutumä̧, weäwä wȩnȩ kku̧nä̧rä̧tü̧jä̧, jua̧u̧ pä'aku 'korujuoächa pä'ütä ja̧'a̧, Dio I̧tti̧ jü̧nä̧, a̧mü̧nä̧ päkuäwäja̧'a̧ttü̧.

San Juan 9:35

Jesú-mä̧ ä̧ju̧kui̧nü̧: ä̧to̧kä̧ji̧ päjirü rä'epü ikuäjätüdo pätta'a; jua̧u̧nü̧ o'ka'a topümä̧, jä'epü ä̧ju̧kui̧nä̧ku̧: —¿Ukumä̧, isopäi'ünä̧ Ubo I̧tti̧rü̧ esetüjä̧?

San Juan 5:37

Ja̧'wa̧ta̧nü̧ Chä'o ttürü we'inü̧'i̧nä̧, ttü chütü'kümä̧ ji'äwinü̧. Jua'akumä̧ i̧wȩnȩ'i̧nä̧ kuä̧ju̧kuä̧tu̧kuo̧ko̧ku̧ ja̧'a̧nä̧, topü'i̧nä̧ to'kuätukuokoku ja̧'a̧nä̧,

San Juan 5:18

Ja̧'wa̧nü̧ pä̧i̧yä̧u̧ judío-mä̧, yabokutä kuä'ü ttikua pättinä̧ku̧; jua'amä̧ sawaru mo̧ro̧tä̧ ukuotoka'atämä̧kü̧, Dio-rü'i̧nä̧ Chä'o, pä'ükkä̧nü̧, Dio jü̧ta̧'a̧nü̧ yoräteku päomȩnä̧.

San Juan 1:49

Päku, Natanael-mä̧ pä'inü̧: —Wo̧juȩkuä̧ i̧sa̧ ¡Ukumä̧ isopäi'ünä̧ Dio i̧tti̧jä̧, Irae ttü̧ja̧ ttu̧ru̧wa̧ Rey-jä̧!

San Mateo 27:54

Su̧ro̧do̧u̧ ttu̧ru̧wa̧'i̧nä̧ ja̧'wa̧ta̧nü̧ jua̧u̧tä̧ku̧ Jesú-ru to̧pä̧rü̧ tta̧'a̧rü̧ kka̧kuä̧tü̧'i̧nä̧ terremoto pättü juei o'kajuiyünä̧ 'kuäopa'a topü rü̧ȩnä̧ ye'ü pä'inä̧tü̧: —¡Isopäi'ünä̧ pidemä̧ Dio I̧tti̧ jä̧'i̧ja̧'a̧dä̧!

San Mateo 27:43

Dio I̧tti̧sä̧ pä'ä'ijü, wä̧i̧nä̧ Dio-tä ppädäku: ¡isopäi'ünä̧ Dio repeäku jü̧ttü̧mä̧, Dio wa'arettü ü̧ji̧pü̧nä̧ ppä̧dä̧kua̧!

San Marcos 9:6

Ja̧'wa̧nü̧ päi'ä̧u̧mä̧, u̧wo̧juȩtä̧u̧mä̧ rü̧ä̧nä̧ ye'inä̧tü̧ ja̧'wa̧nü̧ jä̧ku̧ Peduru-mä̧ ttu̧wȩpä̧ro̧ka̧'a̧tä̧ ukuokuinü̧.

San Marcos 9:8

Jua̧u̧ o'ka'a tottomȩnä̧ ttippeyänä̧mä̧, suro Jesú kkatätä kki̧nü̧, kkorotü päjätürümä̧ topokotü pinä̧tü̧.

San Lucas 3:22

Epíritu Sa̧tu̧ i̧mȩyȩwi̧'i̧nä̧ku̧ unuku 'kua̧ra̧nä̧; ja̧'wa̧nü̧ päi'a'attü, ya̧tȩ i̧wȩnȩ, mo̧ro̧jä̧ra̧'a̧ttü̧ rä̧mi̧pi̧na̧'a̧: —«Ukumä̧ ttü chi̧tti̧jä̧ rȩni̧'a̧; ukuru rü̧ȩnä̧ eseusä.»

San Juan 12:28

«Chä'o, kui̧mi̧ ukuo i̧jȩpi̧» Päomȩnä̧ mo̧ro̧jä̧ra̧'a̧ttü̧, rȩmi̧pi̧na̧'a̧: «Täkü chi̧mi̧ ukuomä̧ i̧jȩpä̧'i̧jü̧sä̧ ja̧'wa̧nü̧ ja̧'a̧nä̧ pä'äjita'anü̧ chukuomä̧ chi̧jȩpä̧kua̧sä̧.»