San Marcos 9:43 - Nuevo Testamento Uwotjüja

⁴³ Ja̧'wa̧ta̧nü̧ ku̧mü̧ suronä̧ jȩä̧kuä̧wä̧nä̧ ma̧kuä̧chü̧nä̧ jȩü̧ttü̧mä̧ 'kui'oku ikuí; a̧'kua̧rä̧kuä̧wä̧ra̧'a̧ ji̧mü̧tȩ jui̧'a̧ dokuächüttütä adiu'anü̧ ja̧'a̧; ja̧'wa̧nü̧ jü̧ juiyüttümä̧ ku̧mü̧pi̧yä̧ to̧mü̧rȩkue'ü ku̧ju̧nä̧ra̧ja̧ pä'üdä̧jä̧ okurä na̧wi̧pokorära̧'a̧ iku ikuäwäkua̧jä̧.

TÄ̧DO Ä̧CUÄ̧ I̧HUȨNȨ

⁴³ Ja̧'hua̧ta̧nö̧ cu̧mö̧ suronä jȩcu̧'a̧ pä'ö hueöttömä, 'cui'ocu icui. Iso päi'önä cu̧mö̧ to̧mö̧rȩ ka̧'a̧nä̧ ocurära̧'a̧, yoröiso beipocarära̧'a̧ cui̧'cha̧'a̧ttö̧'i̧nä̧ abonänö adihua'ado cu̧huä̧nä̧hua̧'a̧ doächäcuähuänä cu̧mö̧ ji̧mö̧tȩtä̧ ka̧'a̧ 'chä̧cuä̧huä̧nä̧.

San Marcos 9:43 Referans Kwoze

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

Hebreos 12:1

Ja̧'wa̧nü̧ ji̧nü̧ta'anü̧, ujutu'i̧nä̧, tta̧'kua̧ wȩnä̧ri̧nä̧tü̧rü̧ rekuätürü tippeyänä tu̧ju̧nä̧ra̧'a̧ttü̧, o'kajuiyünä̧ tto̧ȩpä̧rü̧mä̧, suronä̧ jȩä̧kuä̧wä̧'i̧nä̧ kä'ädi'ü, joäkuäwämä̧, tujuruku ta̧mi̧ 'ki'ächi'ü jotätukua.

San Mateo 5:22

Ja̧'wa̧nü̧ ji̧na̧'a̧nä̧ ttümä̧ ukuturu pä'üsä, ya̧tȩ ü̧jä̧wa̧rü̧ ü̧ra̧wä̧rü̧ttü̧mä̧, weäwä wȩnȩnä̧tä̧ ro̧ȩkui̧'ä̧kua̧, jü̧nä̧. Ja̧'wa̧ta̧nü̧ ü̧jä̧wa̧rü̧ ttu̧'ȩpä̧ro̧kü̧jä̧ päüttümä̧ ukuo isotü ttä'ka jo̧mȩ ȩkuä̧kua̧ tä̧bo̧kui̧'a̧rü̧ pä'ü; ja̧'wa̧ta̧nü̧ ü̧jä̧wa̧rü̧ «Kuamükuädü jui̧'a̧jä̧» päüttümä̧ okurä na̧wi̧po̧karänä̧ usurä ȩmä̧wa̧ pä'ütä, pä̧wi̧'ä̧kua̧.

Gálatas 5:24

Isopäi'ünä̧ Jesucrito-ku juo'ächinä̧tü̧mä̧, täkü ü̧jo̧kä̧ jäinä̧ kuä'ü ikuinä̧tü̧ ttidepä kkü'kekumä̧.

San Mateo 3:12

Trigo pojäwäkä u̧mü̧nä̧ 'chu̧'ä̧rü̧ kkü̧, surojä'kua do'opü iku, adiutätä ü'ojo'a pä'ü; u̧kuȩ trigo-mä̧ ka̧ka̧kuo̧ka̧nä̧ ka̧ka̧tü̧ u̧ju̧nä̧kua̧, ja̧'wa̧nü̧ ja̧'a̧nä̧ o'ko'kuamä̧ okurä na̧wi̧po̧karänä̧ kkuwü.

Tito 2:12

Ja̧'wa̧ta̧nü̧ Dio-mä̧ ro̧ȩkuä̧ ukuturu pätetü kku̧nä̧wä̧ttü̧ ku̧ji̧pä̧tu̧ku̧nä̧ ppädinä̧u̧jä̧, Dio ujuturu eseunu̧ toümä̧ wo̧juȩta̧'a̧ ujutu suronä̧ jȩtä̧i̧jü̧ kätädächa pä'ü. Pi̧jä̧ jäwä surojü kkü'kekunä̧ totü juiya pä'ü. Kkoro'i̧nä̧ wo̧juȩta̧'a̧, pi̧jä̧nä̧ tü̧jä̧i̧mä̧ Dio ä'ka jo̧mȩttü̧mä̧ adiu jȩpü̧ tü̧ja̧ pä'ü, ja̧'wa̧ta̧nü̧ o'kajuiyünä̧ jȩtü̧mä̧ adiu tamükuäda pä'ü.

Colosenses 3:5

Ja̧'wa̧nü̧ ja̧'a̧ttü̧, pi̧jä̧ jäwä surojü ukutunä̧ kka̧ku̧mä̧ o'kajuiyünä̧ wa'ü ikunä̧ jȩpä̧tu̧kui̧: irekua wokojuku jȩä̧'chä̧kuä̧wä̧'i̧nä̧, surojütä jȩä̧'chä̧kuä̧wä̧'i̧nä̧, kuidepä kkü'keku kkä̧kuä̧wä̧'i̧nä̧, surojütä kkü'käwä'i̧nä̧, o'kajuiyünä̧ obonä̧nü̧ ttu̧ju̧nä̧ra̧ pä'ü tta̧'kua̧ roekuäkuä'i̧nä̧ juiyünä̧ (ttü̧ä̧nä̧wa̧rü̧ ttukuota'a 'kua̧rü̧nä̧mä̧) jȩ'kuä̧.

Romanos 8:13

Isopäi'ünä̧ kuidepä pä̧wä̧rü̧ja̧'a̧ku̧ ku̧ja̧kuä̧tu̧kuo̧mȩnä̧mä̧ wa'ü kuikuäkuotüjä̧. Ja̧'wa̧nü̧ ja̧'a̧nä̧ Epíritu Sa̧tu̧ ujurunä̧, jua̧u̧ kuidepä weü si'eku kuikuätukuttümä̧ kkä̧kuä̧wä̧ ku̧ju̧nä̧rä̧kuo̧tü̧jä̧.

San Lucas 14:13

Ja̧'wa̧nü̧ ja̧'a̧ttü̧, pä'käri jȩ'kuo̧mȩnä̧mä̧ ä̧tȩpi̧, usurä isotürü, tti̧'chü̧ juiyünä̧ wotürü, ttüjowiyä jui'ätürü, ä̧to̧kä̧tü̧rü̧;

1 Pedro 2:1

Ja̧'wa̧nü̧ ja̧'a̧nä̧, surojümä̧ o'kajuiyünä̧tä̧ ya'okuätukui, yaparetäkuäwä'i̧nä̧, ä'kayättütä jȩä̧'chä̧kuä̧wä̧'i̧nä̧, kkü'käwokü'i̧nä̧ ja̧'wa̧ta̧nü̧ o'kajuiyünä̧ suräjuei wȩnȩ'i̧nä̧.

1 Corintios 9:27

Ja̧'wa̧nü̧ ja̧jü̧ jueimä̧, cha̧mü̧nä̧ 'ta'tapäkuäu, ukuotünä̧ jȩpä̧kuä̧u̧sä̧, ttütä'i̧nä̧ kkorotürümä̧ ppädädä'ija'anä̧, tode'ächü 'kua̧ra̧'a̧ pä'ü.

San Lucas 14:21

U̧mü̧wä̧ya̧mä̧ jua'attü ppa̧'ä̧chi̧'ü̧, o'kajuiyünä̧tä̧ u̧ru̧wa̧rü̧ ji'äwinü̧. Jiäwäku, a̧mi̧surächi'äku u̧ru̧wa̧mä̧, u̧mü̧wä̧ya̧rü̧ pä'inü̧: Jitätä ütawiyära̧'a̧ rä'opächü mä̧ni̧yä̧ bäreunä̧'i̧nä̧, ppo̧ü̧nä̧'i̧nä̧ kue'ächü o'äji usurä isotürü, tti̧'chü̧ juiyünä̧ wotürü, ä̧tokä̧tü̧rü̧, kkoppe kkoppenü̧ kue'ächätürü'i̧nä̧, jü̧nä̧.

San Mateo 17:27

Ja̧'wa̧nü̧ ja̧'a̧nä̧, ttü̧ra̧wä̧rü̧ juiyäkua'anü̧ rü̧ä̧ duborara̧'a̧ täi, kua̧juä̧ isa'che kuikua, kuikuomȩnä̧ ä̧kuo̧mȩnä̧ rü̧'i̧pü̧rü̧mä̧ ä ba'epü to'kuajä̧, to'kuomȩnä̧ pä̧rä̧tä̧bi̧ ȩkä̧kua̧'a̧; juä̧bi̧nä̧mä̧ kui̧mi̧tajä̧ ttü jäwä'i̧nä̧ uku jäwä'i̧nä̧, jü̧nä̧.

San Marcos 9:44

[Juȩnȩmä̧ mi̧yü̧'i̧nä̧ 'korupätti'okomȩ ja̧'wa̧ta̧nü̧ okurä'i̧nä̧ yorisotä na̧hui̧po̧ko̧mȩ.]

San Lucas 3:17

U̧mü̧nä̧ 'chu̧ä̧rä̧nü̧ i'chachü trigo pojäwäkä, jua̧u̧ pojü ikua pä'ü. Jua̧u̧ trigo-mä̧ i̧so̧ka̧nä̧ wa'adü kku̧nu̧, wä̧mȩ isä'kuatä okurä yoriso na̧wi̧pokoränä̧ kkuwü i̧kuä̧kua̧.