San Marcos 8:6 - Nuevo Testamento Uwotjüja

⁶ Ja̧'wa̧nü̧ pättäku, ttü̧ja̧rü̧ rȩjȩ ttü̧'ä̧mä̧dü̧nä̧ we'äji̧'ka̧, kko̧ro̧mü̧ttü̧nü̧ to̧si̧rȩ trigo o̧si̧ 'chu'ädo'ü, Dio-rü eseu ukuokuäji̧'ka̧, te'ädo'ü u̧wo̧juȩtä̧u̧rü iyä'chinü̧, juȩnȩ yabo ttü̧ja̧rü̧ ttiyä'cha pä'ü; ja̧'wa̧nü̧ weüta'anü̧ jȩpi̧nä̧tü̧.

TÄ̧DO Ä̧CUÄ̧ I̧HUȨNȨ

⁶ Ja̧'hua̧ ja̧'a̧ ttö̧ja̧rö̧ hue'inödo rȩjȩ ttö̧'ä̧mä̧da̧ pä'ö. I̧ri̧si̧ ko̧ro̧mö̧ttö̧nö̧ to̧si̧rȩ u̧mö̧nä̧ ȩmo̧po̧'ö̧ Diosrö ucuocuinödo. Ja̧'hua̧ ja̧'a̧ 'tȩ'chä̧rö̧ iyinödo u̧huo̧juȩtä̧u̧ru̧, juhua'a yabo ttiya pä'ö ttö̧ja̧rö̧.

San Marcos 8:6 Referans Kwoze

Colosenses 3:17

Ja̧'wa̧ta̧nü̧ o'kajuiyünä̧ jȩ'kuä̧tu̧ku̧'i̧nä̧, kukuokuätuku'i̧nä̧ Tu̧ru̧wa̧ Jesú i̧mi̧nä̧ jȩpä̧tu̧kui̧, Crito jȩi̧nü̧ esewätukui jä'o Dio-rümä̧.

Romanos 14:6

Mo̧ro̧ ukuo kka̧'a̧ amükuädü'i̧nä̧, U̧ru̧wa̧rü̧ ukuotü jȩpi̧; ja̧'wa̧ta̧nü̧ mo̧ro̧mä̧ yorätewa'a pä'ü amükuädü'i̧nä̧, U̧ru̧wa̧rü̧ ukuotü jȩpi̧. U̧kuȩ ku'i̧nä̧, U̧ru̧wa̧rü̧ ukuotü ku, u̧kuȩ ukuomȩnä̧ jä'o Dio-rü esewa'attü; ja̧'wa̧ta̧nü̧ u̧kuȩ kuokü'i̧nä̧ U̧ru̧wa̧rü̧ ukuotü kuokü, jua'amä̧ Dio-rü esewa'attü.

San Juan 6:23

Ja̧'wa̧nü̧ ja̧'a̧nä̧mä̧, Tiberias ütawiyä, cebada o̧si̧, Tu̧ru̧wa̧ Dio-rü eseu ukuoku iyä'chäjomȩttü̧ kkoro woi'kiyu rȩbȩwi̧pü̧ rü̧jä̧mi̧na̧'a̧.

San Juan 2:5

Ja̧ju̧mä̧ juȩnȩ aditätürü pä'inä̧ju̧: —Päümä̧ o'kajuiyünä̧ jȩpä̧tu̧kui̧.

San Lucas 24:30

Mesa isodänä̧, juätütäku pä̧mä̧dä̧ji̧'ka̧, trigo i̧ri̧si̧ ȩmo̧po̧'ü̧, Dio-rü ukuokuäji̧'ka̧, 'to'opü iyinä̧u̧.

San Lucas 12:37

Rü̧ȩnä̧ eseäkuäwä kka̧'a̧, ttu̧ru̧wa̧ ichomȩnä̧ ttä'i'oka'a to̧pä̧rä̧tü̧rü̧mä̧. Isopäi'ünä̧tä̧ ttu̧ru̧wa̧mä̧ chutätä ü̧'ka̧tä̧wä̧ta̧ ti̧'ä̧dä̧kuä̧wo̧po̧'ü̧, mesa isodänä̧ ttü̧'ä̧mä̧da̧ pä'ü we'ü, ttu̧kuȩ i̧yä̧'chä̧kuä̧u̧.

San Mateo 26:26

Ttu̧kuȩ ttukua'a 'kä̧tȩnä̧, Jesú-mä̧ trigo i̧ri̧si̧ ȩmo̧po̧'ü̧ Dio-rü ukuokuäji̧'ka̧, 'to'opo'ü u̧wo̧juȩtä̧u̧rü iyü pä'inü̧: —Ja̧já̧ kuätukui, pi̧yȩmä̧ ttütä jä̧ttä̧pä̧ya̧ ja̧'a̧.

San Marcos 8:5

Pättäku Jesú-mä̧ jä'epü ä̧ju̧kui̧nä̧u̧: —¿Tta̧'a̧nü̧ rü̧ȩnä̧ o̧si̧tä̧ ku̧ju̧nä̧rä̧tu̧kua̧'a̧jä̧ttü̧ trigo o̧si̧mä̧? —Jäepomȩnä̧, kko̧ro̧mü̧ttü̧nü̧ to̧si̧rȩtä̧ pä'ü, ttädätinä̧ku̧.

San Marcos 8:7

Ja̧'wa̧ta̧nü̧ po̧i̧rü̧'i̧nä̧ a̧'u̧ku̧nä̧tä̧ ttu̧ju̧nä̧ra̧'a̧; Jesú-mä̧ juätürü'i̧nä̧ jä'o Dio-rü eseu ukuokuäji̧'ka̧ iyinü̧ ja̧'wa̧ta̧nü̧ juätürü'i̧nä̧ ttiyä'cha pä'ü we'inü̧.

San Marcos 8:20

—Ja̧'wa̧ta̧nü̧ cuatro mil-nü̧ wotürü, kko̧ro̧mü̧ttü̧nü̧ to̧si̧rȩtä̧ trigo o̧si̧mä̧ jä̧ja̧'a̧nä̧, kuiyä'chätukuomȩnä̧mä̧ ¿Tta̧'a̧nü̧ rü̧ȩnä̧ püttäwä okä su̧'pȩnü̧ ku̧ka̧ka̧ti̧nä̧tu̧kuä̧ttü̧? Jäepomȩnä̧, ttädätinä̧ku̧: —Kko̧ro̧mü̧ttü̧nü̧ tokäre jo̧mȩnä̧, pättinä̧ku̧.