San Marcos 8:34 - Nuevo Testamento Uwotjüja

³⁴ Jua̧u̧nü̧ o'ka'a Jesú-mä̧, u̧wo̧juȩtä̧u̧rü'i̧nä̧, ttü̧ja̧rü̧'i̧nä̧ wopo'ü, pä'inü̧: —Ya̧tȩ cho'ka'anä̧ icha päüttümä̧, kua̧mü̧nä̧ jäwämä̧ unichi'i, mo̧ro̧ ji̧nü̧ a̧'u̧kuä̧ ü̧jo̧kä̧jäi ȩmi̧pü̧ täi ja̧'wa̧nü̧ jȩpü̧ cho'ka'anä̧ ichi.

TÄ̧DO Ä̧CUÄ̧ I̧HUȨNȨ

³⁴ Ja̧'hua̧ ja̧'a̧ttö̧ u̧huo̧juȩtä̧u̧ru̧'i̧nä̧ ttö̧ja̧rö̧'i̧nä̧ huopö, pä'inödo Jesús: —Ya̧tȩ ttöcu cueächa pä'ömä, chutä amöcuädö jaropi'ö, ttö huedömä jȩpö̧ ja̧u̧ru̧ cuä'ö tticuttu'inä, ttöcu cuȩä̧chä̧cua̧.

San Marcos 8:34 Referans Kwoze

San Mateo 10:38

Ja̧'wa̧ta̧nü̧ ü̧jo̧kä̧nü̧ jäi kä'eku wȩnä̧wi̧'ü̧ cho'ka'anä̧ ichü juiyüttümä̧, ttü i̧sa̧mä̧ wokü jä̧kua̧.

San Juan 10:27

Ttü chä̧ji̧mü̧ oweja-tü̧mä̧, chi̧wȩnȩ ä̧ju̧ku̧mä̧ wo̧juä̧tü̧, pärokua'aku ttü'i̧nä̧ chu̧wo̧juä̧u̧ ja̧'a̧ttü̧ cho'ka'anä̧ ichätü.

Gálatas 5:24

Isopäi'ünä̧ Jesucrito-ku juo'ächinä̧tü̧mä̧, täkü ü̧jo̧kä̧ jäinä̧ kuä'ü ikuinä̧tü̧ ttidepä kkü'kekumä̧.

Gálatas 2:20

Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.

1 Juan 3:16

Ja̧'wa̧nü̧ ja̧'a̧nä̧, eseu repeäkuäwämä̧ wo̧jui̧'i̧nä̧tü̧jä̧; Chutä a̧'kua̧rü̧ ujutu jäwänä̧ iyäwino̧mȩttü̧; ja̧'wa̧ta̧nü̧ ujutu'i̧nä̧ ta̧'kua̧rü̧ tiyäwa pä'ü ja̧'a̧, tawaruwä ti̧jä̧wa̧tü̧ jäwänä̧.

San Mateo 16:24

Jua̧u̧nü̧ o'ka'a, Jesú-mä̧ u̧wo̧juȩtä̧u̧rü pä'inü̧: —Ya̧tȩ cho'ka'anä̧ icha pä'ümä̧, a̧mü̧nä̧ jäwämä̧ u̧ni̧chi'ü, ü̧jo̧kä̧jäi ȩmi̧pü̧tä̧, cho'ka'anä̧ ichi.

Filipenses 3:10

Ja̧'wa̧ta̧nü̧ Jua̧u̧ru̧ chu̧wo̧jua̧ pä'ü'i̧nä̧, wa'arettü ttoächäkuäwä ujuru chu̧wo̧jua̧ pä'ü'i̧nä̧, Ja̧'wa̧ta̧nü̧ Ubara ttuinü̧ta̧'a̧nü̧ ubara ttuda pä'ü'i̧nä̧ pä'üsä; Ja̧'wa̧ta̧nü̧ Chutä 'korupäi'inü̧ta̧'a̧nü̧'i̧nä̧ 'korujuodächa pä'üsä,

Romanos 8:17

Ja̧'wa̧nü̧ i̧tti̧mü̧ ta'amä̧, iya päinü̧mä̧ tiäremä̧ tȩmä̧kuo̧tü̧jä̧ ja̧'wa̧ta̧nü̧ Crito üäremä̧ ujutu'i̧nä̧ tüäre ja̧'a̧, chutäku usurä tȩmä̧u̧ttü̧mä̧, chutäku uruwonä̧ iyäwi'äkuä̧u̧jä̧.

San Lucas 9:23

Ja̧'wa̧ta̧nü̧ o'katoi'ünä̧rü̧ pä'inü̧: —Ttü cho'ka'anä̧, ya̧tȩ icha päüttümä̧, a̧mü̧nä̧ pa̧ja̧tü̧ repeü kä'ädi'ü, mo̧ro̧ ji̧nü̧ a̧'u̧kuä̧, ü̧jo̧kä̧nü̧ jäi, (cruz) pättäi ȩmi̧pü̧, cho'ka'anä̧ ichí.

Colosenses 3:5

Ja̧'wa̧nü̧ ja̧'a̧ttü̧, pi̧jä̧ jäwä surojü ukutunä̧ kka̧ku̧mä̧ o'kajuiyünä̧ wa'ü ikunä̧ jȩpä̧tu̧kui̧: irekua wokojuku jȩä̧'chä̧kuä̧wä̧'i̧nä̧, surojütä jȩä̧'chä̧kuä̧wä̧'i̧nä̧, kuidepä kkü'keku kkä̧kuä̧wä̧'i̧nä̧, surojütä kkü'käwä'i̧nä̧, o'kajuiyünä̧ obonä̧nü̧ ttu̧ju̧nä̧ra̧ pä'ü tta̧'kua̧ roekuäkuä'i̧nä̧ juiyünä̧ (ttü̧ä̧nä̧wa̧rü̧ ttukuota'a 'kua̧rü̧nä̧mä̧) jȩ'kuä̧.

Filipenses 3:7

Ja̧'wa̧nü̧ ji̧na̧'a̧nä̧, jua̧u̧nü̧ pä̧nä̧ rü̧ȩnä̧ mikuäunä̧ tochinü̧mä̧, jitä Crito jäwänä̧mä̧ ttürümä̧ mikuäwokü jü̧nä̧ tochünä̧tä̧ ja̧'a̧.

1 Pedro 4:1

Ja̧'wa̧nü̧ ja̧'a̧ttü̧, Crito idepänä̧ usurä ȩmä̧wi̧ta̧'a̧nü̧, ukutu'i̧nä̧ usurä ȩmä̧kuä̧wä̧nä̧ jo̧mȩnü̧ kka̧kuä̧tu̧kui̧. Ja̧'wa̧nü̧ idepänä̧ usurä ȩmä̧wä̧u̧mä̧ surojüttümä̧ 'to'oku ikuä'ijü,

Gálatas 6:14

Ja̧'wa̧nü̧ ja̧'a̧nä̧ ttümä̧, chesewä̧kua̧sä̧ Jesucrito 'korujuo'ächü i̧mi̧täwinü̧tä̧ esetü kkä̧nü̧. Ja̧'wa̧nü̧ ja̧'a̧ttü̧ Crito 'korujuoächinü̧nä̧tä̧ eseusä, pi̧jä̧ ttü̧ja̧ tta̧mü̧kuädümä̧ wä̧i̧nä̧ ja̧'a̧, pi̧jä̧nä̧mä̧ wa'ü chikuina̧'a̧ 'kua̧rü̧nä̧tä̧ jä̧ku̧sä̧.

1 Corintios 15:31

Jueünä̧tä̧ pädäu̧jä̧ chawaruwä chi̧jä̧wa̧tü̧, Tu̧ru̧wa̧ Jesucrito ukuo ä̧rä̧mü̧nä̧, mo̧ro̧ ji̧nü̧ a̧'u̧kuä̧ wa'are tü'küwuönä̧ kkü̧sä̧.

Romanos 6:6

Täkü wo̧juä̧tü̧jä̧, ä'koji jȩpü̧ tü̧ji̧nü̧mä̧, chutäku yo̧mȩtȩnä̧ ü̧jo̧kä̧ jäinä̧ toe'ächomȩnä̧, ji̧yȩku̧ tu'uttächinü̧ surojä'ijü ujuru si'epü ikuina̧'a̧ pä'ü, täkü jua̧u̧ ukuotäkuäwokü wea'anä̧ ti̧'chü̧ juiya pä'ümä̧.

San Lucas 14:33

Ja̧'wa̧nü̧ ja̧'a̧ttü̧, ukututtü ya̧tȩ, u̧ju̧nä̧rü̧ o'kajuiyünä̧ kädi'ü juiyüttümä̧, Ttü chu̧mü̧wä̧ya̧ ja̧ pä'ümä̧ weyekua'a.

2 Pedro 1:14

Tu̧ru̧wa̧ Jesucrito-mä̧ jiäwinä̧ku̧sä̧ a̧'u̧kua̧'a̧tä̧ jü̧ o'ka'a cha̧'kua̧rü̧ beipächäkuomȩmä̧;

1 Pedro 4:13

Ja̧'wa̧nü̧ ja̧jü̧jueimä̧ esewätukui Crito usurä ȩmä̧winü̧nä̧ usurä kuȩmä̧wä̧tu̧kuo̧mȩnä̧mä̧, ja̧'wa̧ta̧nü̧ eseäkuäwä jo̧mȩnü̧ jä̧kua̧'a̧nü̧ uruwo i̧jȩpo̧mȩnä̧.

Tito 2:12

Ja̧'wa̧ta̧nü̧ Dio-mä̧ ro̧ȩkuä̧ ukuturu pätetü kku̧nä̧wä̧ttü̧ ku̧ji̧pä̧tu̧ku̧nä̧ ppädinä̧u̧jä̧, Dio ujuturu eseunu̧ toümä̧ wo̧juȩta̧'a̧ ujutu suronä̧ jȩtä̧i̧jü̧ kätädächa pä'ü. Pi̧jä̧ jäwä surojü kkü'kekunä̧ totü juiya pä'ü. Kkoro'i̧nä̧ wo̧juȩta̧'a̧, pi̧jä̧nä̧ tü̧jä̧i̧mä̧ Dio ä'ka jo̧mȩttü̧mä̧ adiu jȩpü̧ tü̧ja̧ pä'ü, ja̧'wa̧ta̧nü̧ o'kajuiyünä̧ jȩtü̧mä̧ adiu tamükuäda pä'ü.

Colosenses 1:24

Jitämä̧ eseusä ukutu jäwänä̧ usurä ȩmä̧u̧, ja̧'wa̧nü̧ jo̧mȩnä̧mä̧ ttü chidepänä̧, Crito usurä ȩmä̧wi̧nü̧ yabonü̧ usurä ȩmä̧u̧sä̧, igresia wotünä̧. Jua̧u̧ igresia-mä̧ chutä jä̧ttä̧pä̧ya̧ ja̧'a̧ttü̧.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

San Lucas 18:22

Ja̧'wa̧nü̧ pä'a ä̧ju̧ku̧, Jesú-mä̧ päinä̧ku̧: —Ji̧nä̧ ji̧yȩtȩ jui̧'a̧jä̧: ku̧ju̧nä̧rü̧mä̧ o'kajuiyünä̧ mikuänä̧ iyä'chü ikuäji ja̧'wa̧nü̧ jȩpi̧'ü̧'ka̧ usurä isotürü ppäkuäda ja̧'wa̧nü̧ jȩ'kuo̧mȩnä̧ mo̧ro̧jä̧ra̧'a̧tä̧ kku̧ju̧nä̧rä̧kua̧jä̧ kuiäre pärätämä̧; ja̧'wa̧nü̧ jȩpü̧ ttüku ichi.

San Lucas 13:24

Kujuruku amükuädätukui äpate a̧'u̧kuatenä̧ dode'kuätukua; isopäi'ünä̧ rekuätü dodetta pä'ü jȩtta̧'a̧nä̧, dodepokotü ttäkuotü.

San Mateo 27:32

Juorü rättopomȩnä̧ Cirene ütawiyä ttü̧ja̧sa̧ Simón pä'ü mi̧kua̧rü̧ po̧kui̧po̧'ü̧ Jesú-ru pȩ'o̧pü̧ ttu̧ju̧nä̧kuäi ü̧jo̧kä̧jäi ȩpü̧nä̧ wettinä̧ku̧.

Apocalipsis 2:10

Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.

Hebreos 13:13

Ja̧'wa̧nü̧ ji̧nü̧ta'anü̧, ujutu'i̧nä̧ jua̧u̧ ü̧jo̧mȩku̧ ti̧'cha̧ pä'ätukui, ttü̧ja̧kuo̧mȩ u̧mi̧ku̧; jua̧u̧ru̧ ji̧nü̧ta'anü̧ usurä tȩmä̧u̧nä̧ ya̧ttä̧wä̧'cha̧tü̧ pä'ü.

2 Tesalonicenses 3:11

Ja̧'wa̧nü̧ ja̧'a̧nä̧ tä̧ju̧ku̧nä̧ jä̧u̧jä̧, ukututtü ya̧ku̧nä̧mä̧ tu̧wo̧juȩti̧nü̧ ütäwe'ü ttaditoka'atä ttü̧ja̧kua̧'a̧, ja̧'wa̧nü̧ kkä̧nü̧ kkorotü jäwätä mȩtto̧pä̧ra̧'a̧.

1 Corintios 9:19

Ya̧tȩ'i̧nä̧, esclavo chunä̧ u̧mü̧wä̧ya̧mä̧ choka'anä̧, o'katoi'ünä̧ esclavo jü̧nä̧ ttu̧mü̧wä̧ya̧tä̧ juo'ächinü̧sä̧, rekuätü Jesucrito-rü esetü ttikunä̧ jidäwa pä'ü.

1 Corintios 8:13

Ja̧'wa̧nü̧ ja̧'a̧ttü̧, chu̧kuȩ jäwänä̧ chi̧jä̧wa̧rü̧ surojünä̧ ma̧ä̧chü̧nä̧ jȩchü̧ttü̧mä̧, idepämä̧ yorisotä chuku juiyü'anü̧ ja̧'a̧.

San Juan 19:17

Ja̧'wa̧nü̧ ja̧'a̧, Jesú-mä̧ ü̧jo̧kä̧ jäi wä̧do̧wä̧nü̧ 'chi̧nü̧, Calavera pä'ü mikuomȩku̧; hebreo tti̧wȩnä̧mä̧ Gólgota pä'ü mikuomȩku̧.

San Lucas 20:45

O'katoi'ünä̧ ttä̧ju̧kuä̧ro̧mȩttü̧, Jesú-mä̧ u̧wo̧juȩtä̧u̧rü pä'inü̧:

San Marcos 10:21

Pä'anä̧, Jesú-mä̧ topü eseunu̧ päinä̧ku̧: —Ji̧nä̧, ji̧yȩtȩ jui̧'a̧jä̧: ku̧ju̧nä̧rü̧ o'kajuiyünä̧ mikuä pä'ü iyä'chü ikuäji, rekuä rü̧jä̧u̧ru̧ kuiyäkua'anü̧. Ja̧'wa̧nü̧ jȩ'kuo̧mȩnä̧ mo̧ro̧jä̧ra̧'a̧ttü̧ pärätä ku̧ju̧nä̧rä̧kua̧jä̧. Ja̧'wa̧nü̧ jȩpü̧, ü̧jo̧kä̧nü̧ ȩmi̧pü̧, cho'ka'anä̧ ichi.

San Marcos 7:14

Jua̧u̧nü̧ o'ka'a, Jesú-mä̧, ttü̧ja̧rü̧ wopo'ü pä'inü̧: —O'katoi'ünä̧ ku̧wo̧jui̧pä̧tu̧ku̧nä̧ adiu ä̧ju̧kuä̧tu̧kui̧.