San Marcos 6:41 - Nuevo Testamento Uwotjüja

⁴¹ Ja̧'wa̧nü̧ ttü̧'ȩjä̧mä̧ji̧ o'ka'a Jesú-mä̧ ji̧mü̧tȩ jäwä trigo o̧si̧ ja̧'wa̧ta̧nü̧ po̧i̧ ta̧ju̧ru̧ 'chu'ädü mo̧ro̧jä̧ra̧'a̧ topünü̧ Dio-rü, Dio ppädü esewinü̧. Ja̧'wa̧nü̧ eseunu̧ Dio-rü pä'äji̧'ka̧ u̧wo̧juȩtä̧u̧rü trigo o̧si̧ 'te'ädo'ü iyinü̧ jua'a yabo ttü̧ja̧rü̧ ttiyä'cha pä'ü. Ja̧'wa̧ta̧nü̧tä̧ po̧i̧ ta̧ju̧ru̧'i̧nä̧ o'katoi'ünä̧tä̧ ttiyä'chäkuäunä̧ jȩpi̧nü̧.

TÄ̧DO Ä̧CUÄ̧ I̧HUȨNȨ

⁴¹ Ja̧u̧nu̧ o'ca'a Jesús i̧ri̧si̧ ji̧mö̧tȩ jähuä ö̧si̧'i̧nä̧, po̧i̧ ta̧ju̧'i̧nä̧ u̧mö̧nä̧ 'chu̧'ä̧rö̧, mo̧ro̧jä̧ra̧'a̧ topö ucuocuinödo Diosrö. Ja̧u̧nu̧ o'ca'a i̧ri̧si̧ tȩ'chä̧rö̧ iyinödo u̧huo̧juȩtä̧u̧ru̧, juhua'a yabo ttiya pä'ö ttö̧ja̧rö̧. Ja̧'hua̧ta̧nö̧ po̧i̧ ta̧ju̧ru̧'i̧nä̧ tȩ'chä̧rö̧ iyinödo o'ca toi'önä ttö̧ja̧rö̧.

San Marcos 6:41 Referans Kwoze

San Mateo 14:19

Pä'äji̧'ka̧, ttü̧ja̧rü̧mä̧ isä'kua wä̧mȩ ttü̧'ä̧mä̧da̧ pä'ü wȩä̧jä̧u̧ ttü̧'ȩjä̧ma̧'a̧nä̧, ji̧mü̧tȩ jäwä trigo ire o̧si̧'i̧nä̧, po̧i̧ ta̧ju̧ru̧'i̧nä̧ ȩmo̧po̧'ü̧ mo̧ro̧jä̧ra̧'a̧ku̧ topünü̧ Dio-rü eseunu̧ ukuokuinü̧. Ukuokuäji̧'ka̧ 'To'opü i̧yä̧u̧ u̧wo̧juȩtä̧u̧mä̧ jua'a yabo ttü̧ja̧rü̧ iyä'chinä̧tü̧.

San Marcos 7:34

Jua̧u̧ o'komȩnä̧ mo̧ro̧jä̧ku̧ topünü̧, rü̧ȩnä̧ juäpü pä'inü̧: «¡Efatá!» jua̧u̧mä̧, («¡ba'ekuächi!» pä'ü pä'inü̧).

San Lucas 24:30

Mesa isodänä̧, juätütäku pä̧mä̧dä̧ji̧'ka̧, trigo i̧ri̧si̧ ȩmo̧po̧'ü̧, Dio-rü ukuokuäji̧'ka̧, 'to'opü iyinä̧u̧.

San Lucas 9:16

Ja̧'wa̧nü̧ ja̧'a̧mä̧, pan o̧si̧ to̧si̧rȩ ȩmo̧po̧'ü̧ kkä̧nü̧, po̧i̧rü̧'i̧nä̧ ȩmo̧po̧'ü̧, ju'tojuku topü, Dio-rü ukuoku kä'ädü, 'toropo'ü, u̧wo̧juȩtä̧u̧rü iyinü̧, ttü̧ja̧rü̧ ttiyä'cha pä'ümä̧.

1 Corintios 10:31

Ja̧'wa̧nü̧ jä̧'cha̧'a̧ttü̧, kukuätukuomȩnä̧'i̧nä̧, kuawätukuomȩnä̧'i̧nä̧, o'kajuiyünä̧tä̧ Dio-rü pä̧wä̧rü̧ja̧'a̧ku̧tä̧ jȩpä̧tu̧kui̧.

San Juan 17:1

Pi̧yȩ wȩnȩ pä'ü kä'ädü, Jesú-mä̧ mo̧ro̧jä̧ra̧'a̧ku̧ topü pä'inü̧: Chä'o, Kui̧tti̧ ukuo jäwä kui̧jȩpü̧ mo̧ro̧ rȩbȩä̧kuä̧wa̧'a̧, pärokua'aku'i̧nä̧ kuruwo jäwä i̧jȩpä̧kua̧'a̧nü̧ jȩpi̧.

San Juan 11:41

Ja̧'wa̧nü̧ ja̧'a̧, wa'are ttütäjäju ä'ka i̧nä̧bi pporädü ikuinä̧tü̧. Ja̧'wa̧nü̧ ja̧'a̧ Jesú-mä̧ mo̧ro̧jä̧ra̧'a̧ku̧ topü pä'inü̧: —Chä'o, ukuru eseusä, ttürü kuä̧ju̧kuä̧ja̧'a̧ttü̧.

San Marcos 14:22

Ja̧'wa̧nü̧, ttu̧kuȩ ttukuomȩ 'kä̧tȩnä̧, trigo i̧ri̧si̧ ȩmo̧po̧'ü̧, Dio ppäda pä'ü jä'epäji'ka̧, 'te'ädü iyükkä̧nü̧, päinä̧u̧: —Ja̧já̧, pi̧yȩmä̧ ttütä jä̧ttä̧pä̧ya̧ ja̧'a̧.

Colosenses 3:17

Ja̧'wa̧ta̧nü̧ o'kajuiyünä̧ jȩ'kuä̧tu̧ku̧'i̧nä̧, kukuokuätuku'i̧nä̧ Tu̧ru̧wa̧ Jesú i̧mi̧nä̧ jȩpä̧tu̧kui̧, Crito jȩi̧nü̧ esewätukui jä'o Dio-rümä̧.

Romanos 14:6

Mo̧ro̧ ukuo kka̧'a̧ amükuädü'i̧nä̧, U̧ru̧wa̧rü̧ ukuotü jȩpi̧; ja̧'wa̧ta̧nü̧ mo̧ro̧mä̧ yorätewa'a pä'ü amükuädü'i̧nä̧, U̧ru̧wa̧rü̧ ukuotü jȩpi̧. U̧kuȩ ku'i̧nä̧, U̧ru̧wa̧rü̧ ukuotü ku, u̧kuȩ ukuomȩnä̧ jä'o Dio-rü esewa'attü; ja̧'wa̧ta̧nü̧ u̧kuȩ kuokü'i̧nä̧ U̧ru̧wa̧rü̧ ukuotü kuokü, jua'amä̧ Dio-rü esewa'attü.

San Juan 6:23

Ja̧'wa̧nü̧ ja̧'a̧nä̧mä̧, Tiberias ütawiyä, cebada o̧si̧, Tu̧ru̧wa̧ Dio-rü eseu ukuoku iyä'chäjomȩttü̧ kkoro woi'kiyu rȩbȩwi̧pü̧ rü̧jä̧mi̧na̧'a̧.

San Juan 6:11

Ja̧'wa̧nü̧ ja̧'a̧ Jesú-mä̧, jua̧u̧ o̧si̧ ȩmo̧po̧'ü̧, Dio-rü eseu pä'äji̧'ka̧, u̧wo̧juȩtä̧u̧rü iyä'chinü̧, jua'a yabo juätümä̧ ttü̧ja̧ pȩjä̧tü̧rü̧ ttiyä'chünä̧. Ja̧'wa̧ta̧nü̧tä̧ jȩpi̧nü̧ po̧i̧rü̧'i̧nä̧.

San Mateo 26:26

Ttu̧kuȩ ttukua'a 'kä̧tȩnä̧, Jesú-mä̧ trigo i̧ri̧si̧ ȩmo̧po̧'ü̧ Dio-rü ukuokuäji̧'ka̧, 'to'opo'ü u̧wo̧juȩtä̧u̧rü iyü pä'inü̧: —Ja̧já̧ kuätukui, pi̧yȩmä̧ ttütä jä̧ttä̧pä̧ya̧ ja̧'a̧.

San Mateo 15:36

Sietenü̧ trigo ire o̧si̧'i̧nä̧, po̧i̧rü̧'i̧nä̧ 'chu'ädo'ü Dio-rü eseunu̧ ukuokuäji̧'ka̧, 'to'opü i̧yä̧u̧ u̧wo̧juȩtä̧u̧mä̧ jua'a yabo ttü̧ja̧rü̧ iyä'chinä̧tü̧.

Hechos 27:35

Ja̧'wa̧nü̧ pä'ü kä'ädü, o'katoi'ünä̧ ttä'ka jo̧mȩttü̧ Pauru-mä̧ Dio-rü ukuokuopo'ü u̧kuȩ kuinü̧.

San Marcos 6:40

Ja̧'wa̧nü̧ wȩä̧u̧ jisatenä̧mä̧ ciȩnü̧ wotü jo̧mȩnä̧ ja̧'wa̧ta̧nü̧ kkorosatä cincuenta-nü̧ wotü jo̧mȩnä̧ pȩjä̧mi̧nä̧tü̧.

San Marcos 6:42

Isopäi'ünä̧ suttädi'omȩbü päi'ünä̧ o'katoi'ünä̧tä̧ kuinä̧tü̧;

San Marcos 8:19

Cinco mil-nü̧ wotürü ji̧mü̧tȩ jäwä trigo o̧si̧ 'to'ope'ü chiyinü̧mä̧, ¿tta̧'a̧nü̧ rü̧ȩnä̧ jo̧mȩnä̧ püttäwä okänä̧mä̧, kka̧kui̧pä̧ji̧mä̧ ku̧ka̧ka̧ti̧nä̧tu̧kuä̧ttü̧? Päomȩnä̧, ttädätinä̧ku̧: Ttü̧jä̧pü̧ttü̧nü̧ todäre okä jo̧mȩnä̧.