San Marcos 6:3 - Nuevo Testamento Uwotjüja

³ ¿Pidemä̧, María kki̧tti̧ (Carpintero) pä'ijümä̧kü̧ ja̧'wa̧ta̧nü̧ Jacobo'i̧nä̧, José'i̧nä̧ Juda'i̧nä̧ Simón'i̧nä̧ ttubüo pä'ijümä̧kü̧? ¿Ja̧'wa̧ta̧nü̧ ü̧jä̧wa̧tü̧ nä̧tü̧mä̧ ujututä ttü̧jä̧'i̧jä̧ttü̧? —Ja̧'wa̧nü̧ pä'ü rü̧ȩnä̧juo'eku, esetokotü pinä̧tü̧.

TÄ̧DO Ä̧CUÄ̧ I̧HUȨNȨ

³ Ja̧u̧mä̧ dau isodä adicuä i̧sa̧, María ki̧tti̧do. Ja̧u̧mä̧ Jacobonö, Josénö, Judasnö, Simónnö ttuböo. Ö̧jä̧hua̧tö̧ nä̧tö̧ pȩnȩ ujutu tö̧'quȩtȩnä̧ ka̧cuä̧tö̧. Ja̧u̧ jiäu esetocotö pi̧nä̧tö̧do.

San Marcos 6:3 Referans Kwoze

San Mateo 12:46

Jesú-mä̧ ji̧nä̧ ttü̧ja̧ rekuätürü ukuokua'a 'kä̧tȩnä̧, u̧mi̧ ichi'äjä'kotü kka̧kui̧nä̧tü̧ ja̧ju̧'i̧nä̧, i̧jä̧wa̧tü̧'i̧nä̧ jua̧u̧ru̧ ttukuokua pä'ü,

San Juan 6:42

Ja̧'wa̧nü̧ ja̧'a̧mä̧ pä'inä̧tü̧: —¿Pidemä̧ José i̧tti̧, Jesú pä'ijümä̧kü̧? Jä'orü'i̧nä̧, ja̧ju̧ru̧'i̧nä̧ tu̧wo̧jui̧yä̧ku̧. ¿Tta̧'a̧nü̧ pä'ü jitämä̧, mo̧ro̧jä̧ra̧'a̧ttü̧ mȩyȩwi̧nü̧sä̧ pä'attü̧?

Judas 1:1

Ttü Juda, Jesucrito u̧mü̧wä̧ya̧ jü̧nä̧ wa̧ ja̧'wa̧ta̧nü̧ Sa̧ti̧a̧ku̧'i̧nä̧ ü̧jä̧wa̧, chi̧wȩnȩ we'üsä: ukutu Jä'o Dio repe'ü ȩmi̧nä̧u̧ru̧ ja̧'wa̧ta̧nü̧ Jesucrito-nä̧ tta̧wä̧rä̧u̧ru̧.

Gálatas 1:19

Ja̧'wa̧nü̧ ja̧'a̧nä̧ kkorotü apótore-rümä̧ topokü pinü̧sä̧, suro Tu̧ru̧wa̧ i̧jä̧wa̧ Sa̧ti̧a̧ku̧rü̧tä̧ topinü̧sä̧.

San Mateo 11:6

¡Ja̧'wa̧ta̧nü̧ eseäkuäwä kka̧'a̧ ttü jäwänä̧ ttoepokokumä̧!

Hechos 1:13

Ja̧'wa̧nü̧ ja̧'a̧ rȩbȩä̧kuä̧wi̧'ü̧mä̧, isode wä̧mȩ i̧so̧ka̧nä̧ ttü̧ja̧kuä̧jä̧ka̧nä̧ dodepinä̧tü̧, juätümä̧: Peduru'i̧nä̧, Ju̧a̧'i̧nä̧, Jacobo'i̧nä̧, André'i̧nä̧, Felipe'i̧nä̧, Tomá'i̧nä̧, Bartoromé'i̧nä̧, Mateo'i̧nä̧, Alfeo i̧tti̧ Jacobo'i̧nä̧, Simón Zerote pä'ü ottinä̧ku̧'i̧nä̧ ja̧'wa̧ta̧nü̧ Juda, Jacobo ü̧jä̧wa̧'i̧nä̧ ji̧na̧'a̧.

San Marcos 15:40

Ja̧'wa̧ta̧nü̧, nä̧tü̧ juorü otonä̧ to̧pä̧rü̧ kka̧kui̧nä̧tü̧, juätüttümä̧, María Madarena'i̧nä̧ ja̧'wa̧ta̧nü̧ José-ku, Sa̧ti̧a̧ku̧ rüjí ru̧wa̧ku̧ tta̧ju̧ María'i̧nä̧ ja̧'wa̧ta̧nü̧ Saromé'i̧nä̧, ji̧na̧'a̧.

1 Corintios 1:23

ja̧'wa̧nü̧ ja̧'a̧nä̧, ujutumä̧ Crito-rü ü̧jo̧kä̧ jäinä̧ 'korujuo'ächinü̧rü̧ ji'äwätüjä̧. Pi̧yȩmä̧ judío-rümä̧ tto̧ȩpä̧rü̧ wȩnȩ ja̧'a̧nä̧, judío pokotürütä ttu̧'ȩpä̧ro̧ko̧tü̧ ttukuokua'a jä̧'i̧nü̧'a̧nü̧ jü̧ wȩnȩ ja̧'a̧;

San Juan 14:22

Päiyäku Juda-mä̧ (Icariote-mäkü̧) päinä̧ku̧: —Chu̧ru̧wa̧ ¿Tta̧'a̧nü̧ pä'ü ujuturumä̧ kui̧jȩkua̧'a̧nä̧, Dio-rü esetokotürümä̧ kuijȩkuo̧ka̧'a̧ jä̧kua̧'a̧ttü̧?

San Lucas 7:23

Ja̧'wa̧ta̧nü̧ ¡rü̧ȩnä̧ eseäkuäwä kka̧'a̧, Ttü jäwänä̧ ma̧'ä̧cho̧kü̧rü̧mä̧!

San Lucas 2:34

Ja̧'wa̧nü̧ ja̧'a̧ttü̧ Simeón-mä̧, juätürü Dio ppädiyarü pä'ünü̧, María-rü pä'inü̧: —Pide ji̧'ki̧cha̧wa̧mä̧ Irae ttü̧ja̧ rekuätü ttä̧rä̧mu̧nä̧'i̧nä̧, ja̧'wa̧ta̧nü̧ rekuätü ma̧ttä̧chü̧nä̧'i̧nä̧ ja̧ pä'ü wȩ'ä̧wa̧ ja̧'a̧. Ja̧'wa̧nü̧ ja̧'a̧ttü̧ jua̧u̧ru̧ to'ija̧'a̧ku̧ ttukuokuäkuotü.

1 Pedro 2:4

Ja̧'wa̧nü̧ ja̧'a̧ttü̧ Tu̧ru̧wa̧rü̧ tü'küpächätukui, I̧no̧'ki wa'ü ikuoko'ki ttü̧ja̧mä̧ ya'okuinä̧tü̧, ja̧'wa̧nü̧ ja̧'a̧nä̧ Dio-rümä̧ pojopü kku̧nä̧wo'ki rü̧ȩnä̧ mikuäwo'ki jü̧nä̧.

1 Corintios 9:4

¿Ujutumä̧ tu̧kuȩ tukua pä'ümä̧, tawa pä'ümä̧ wokotüjä̧ tä̧jí̧,

San Marcos 3:18

Ja̧'wa̧ta̧nü̧ André'i̧nä̧, Felipe'i̧nä̧, Bartoromé'i̧nä̧, Mateo'i̧nä̧, Tomá'i̧nä̧, Alfeo i̧tti̧ Sa̧ti̧a̧ku̧'i̧nä̧; Tadeo'i̧nä̧, canaá̧ ttü̧ja̧sa̧ Simón'i̧nä̧.

Hechos 12:17

Ja̧'wa̧nü̧ ja̧'a̧nä̧, u̧mü̧nä̧tä̧ ttü'koruchi'ünä̧ jȩpü̧nü̧, Ttu̧ru̧wa̧ rä'epü ikuäja'a ji'äunu̧, pa̧'a̧nü̧ pä'inü̧: —Ja̧'wa̧ta̧nü̧ pi̧yȩmä̧ ji'äwäjätukui, Sa̧ti̧a̧ku̧rü̧'i̧nä̧, Crito-nä̧ ti̧jä̧wa̧tü̧rü̧'i̧nä̧, jü̧nä̧. Pä'ipütä kkara'a rä'opächü 'chi̧nü̧.

San Lucas 8:20

Ja̧'wa̧nü̧ ja̧'a̧, ya̧tȩ Jesú-ru ji'äwinü̧: —Kua̧ju̧'i̧nä̧, kui̧jä̧wa̧tü̧'i̧nä̧ u̧mi̧nä̧ kka̧ku̧ ukuru totta pä'ätü.