San Marcos 6:12 - Nuevo Testamento Uwotjüja

¹² Ja̧'wa̧nü̧ wȩä̧jä̧u̧mä̧, juorü ra'opächü ttü̧ja̧rü̧ ji'äwinä̧tü̧ surojü kä'ädäkuäu Dio-ku ppa̧ttä̧cha̧ pä'ü.

TÄ̧DO Ä̧CUÄ̧ I̧HUȨNȨ

¹² Ja̧'hua̧ ja̧'a̧ttö̧ jahuätö rä'opächö 'chi̧nä̧tö̧do. Ttö̧ja̧mä̧ pärocuäcutä ttamöcuädö'a̧nö̧ ja̧'a̧ pä'ö ji'äu cue'ächinätödo.

San Marcos 6:12 Referans Kwoze

San Mateo 4:17

Juorütä kkä̧mä̧dü̧ Jesú-mä̧, ji'äwinü̧: «Dio-ku ppa̧'ä̧chä̧tu̧kui̧, täkü Ru̧wa̧ Dio weümä̧ tü'kü ja̧'a̧,» jü̧nä̧.

Hechos 20:21

Judío-rü'i̧nä̧, griego-rü'i̧nä̧, ji'äwä'ijüsä Dio-ku ppa̧'ä̧chü̧, Tu̧ru̧wa̧ Jesucrito-rü tteseta pä'ümä̧.

Hechos 11:18

Ja̧'wa̧nü̧ jiäwa'a ä̧ju̧ku̧, 'koruchi'ijä'kotü Dio-rütä eseu pä'inä̧tü̧: —¡Ja̧'wa̧nü̧ jü̧ttü̧mä̧, Dio-mä̧ Judío pokotürü'i̧nä̧ surojüttü kki̧'ä̧kuä̧wä̧ra̧'a̧ku̧ ttü̧ji̧pi̧ya̧rü̧ pä'ü iyäja'a tä̧jí̧!

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

San Lucas 13:3

Ja̧'wa̧nü̧mä̧ jo̧ka̧'a̧; ä'kanä̧ suronä̧ jȩ'kuä̧'i̧jü̧tu̧ku̧ttü̧ käkuädi'ätuku juiyüttümä̧, ukutu'i̧nä̧ o'katoi'ünä̧ tokue'ächäkuotüjä̧.

San Lucas 11:32

Ja̧'wa̧ta̧nü̧ ttü̧ja̧rü̧ pojokuä mo̧ro̧ päi'omȩnä̧ Nínive ttü̧ja̧'i̧nä̧, ä̧rä̧mi̧'ü̧ pi̧yȩ pä̧nä̧ ttü̧ja̧rü̧, usurä ttȩmä̧u̧nä̧ pä'ü ttu̧ju̧nä̧kuo̧tü̧ jua'amä̧ Joná i̧wȩnȩ ä̧ju̧ku̧ surojü kättädi'ina̧'a̧ttü̧. Ja̧'wa̧ta̧nü̧ pȩnȩ́ ukutuku ukuokumä̧ Joná-ttü̧'i̧nä̧ abonä̧nü̧ wa̧sä̧».

San Mateo 3:8

Isopäi'ünä̧, surojü käkuädi'ätukuttümä̧, tottünä̧ jȩpü̧ kka̧kuä̧tu̧kui̧,

San Mateo 3:2

Jua̧u̧mä̧ ji̧ä̧wi̧nä̧u̧: «¡Suronä̧ jȩ'kuä̧'i̧jä̧tu̧ku̧ kä'ädi'ätukui, mo̧ro̧jä̧ra̧'a̧ttü̧ ruwo weäwämä̧ tü'küwächa'a!»

Hechos 26:20

ja̧'wa̧nü̧ jä̧ku̧, ä̧kuo̧mȩnä̧ Damasco ütawiyä ttü̧ja̧rü̧, jua̧u̧nü̧ o'ka'a Jerusarȩ́-nä̧'i̧nä̧, Judea rȩjȩ o'kajuiyünä̧ kka̧kuä̧tü̧rü̧'i̧nä̧ ja̧'wa̧ta̧nü̧ judío pokotürü'i̧nä̧ ji'äwinü̧sä̧, surojü kä'ädäkuäu Dio-rü ukuotü kkä̧kuä̧wä̧ wȩnȩmä̧.

Hechos 3:19

Ja̧'wa̧nü̧ ja̧'a̧ttü̧, suronä̧ jȩ'kuä̧'i̧jä̧tu̧ku̧ kä'ädi'ü, Dio-ku ppa̧'ä̧chä̧tu̧kui̧, suronä̧ jȩ'kuä̧'i̧jä̧tu̧ku̧ jȩpü̧ ikuätukuaku pä'ümä̧; Dio-ttü unichä̧rü̧ eseu kkä̧kuä̧wä̧ ichäkua'anü̧.

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

San Lucas 15:10

Isopäi'ünä̧ pä'üsä ukuturu, ja̧'wa̧nü̧ jü̧ta̧'a̧nü̧, ya̧tȩ suronä̧ jȩpü̧ ü̧jä̧'ijü̧ttü̧ kädi'omȩnä̧mä̧, Dio umüwäyotü A̧gȩrȩ-mä̧ eseäkuäwätü.

San Lucas 15:7

Ja̧'wa̧nü̧ jü̧ta̧'a̧nü̧ ja̧'a̧, ukuturu pä'üsä, Jua̧u̧ ji̧nü̧ta'anü̧, jitü noventa y nueve-nü̧ winä̧tü̧ kka̧kui̧pi̧nä̧tü̧ttü̧'i̧nä̧ abonä̧nü̧ mo̧ro̧jä̧ra̧'a̧ttü̧mä̧ eseäkuäwä kka̧'a̧, ya̧tȩ suronä̧ jȩpü̧ kkä̧'i̧jü̧ jua̧u̧ttü̧ räopächomȩnä̧mä̧; adiunä̧ kkä̧tü̧mä̧, surojü kättädi'a pä'ümä̧ rekuä rü̧jo̧ko̧u̧.

San Lucas 13:5

Ja̧'wa̧nü̧mä̧kü̧ ja̧'a̧; ukutu'i̧nä̧ surojü käkuädi'ätuku juiyüttümä̧, o'katoi'ünä̧tä̧ tokue'ächäkuotüjä̧.»

San Marcos 1:15

Jua'attü ji'äwinü̧: «Dio ü'ätetinü̧ mo̧ro̧, jo̧mȩnü̧ päia'a. Täkü, Dio wȩä̧kuȩ mo̧ro̧ tü'kü ja̧'a̧; surojü jȩ'kuä̧tu̧ku̧ kä'ädi'ü, jareü wȩnȩ esetü pärowächätukui,» jü̧nä̧.

San Mateo 11:20

Ja̧'wa̧ta̧nü̧ Jesú-mä̧ jȩtto̧kü̧ juei rü̧ȩnä̧ jȩi̧na̧'a̧nä̧, surojüttü kä'ädi'ü Dio-ku ppa̧ttä̧chi̧yo̧ko̧ku̧, ütawiyä ttü̧ja̧rü̧ rȩri̧jä̧tü̧nü̧ pä'inü̧:

San Mateo 9:13

Jua̧u̧nu̧mä̧ wo̧jui̧pä̧jä̧tu̧kui̧, pa̧'a̧nü̧ pä'ijü tü'kü: «Rȩrü̧jü̧ toäkuäwätä pä̧wä̧rü̧jä̧ku̧sä̧, sacrificios jü̧nä̧ kuä'ü jȩ'kuä̧tu̧ku̧mä̧ kkü'koküsä» pä'ijomȩ. Isopäi'ünä̧ adiu jȩpä̧tü̧rü̧mä̧ ȩmü̧ ichokü pinü̧sä̧ ja̧'wa̧nü̧ ja̧jü̧ jueimä̧ suronä̧ jȩpä̧tü̧rü̧, surojüttü kättädächa pä'ü ichinü̧sä̧.

San Lucas 9:6

Ja̧'wa̧nü̧ wȩä̧jä̧u̧, juorü rä'opächü ütawiyä jü̧'a̧kuä̧ ji'äu kue'ächinä̧tü̧, adiwä wȩnȩmä̧, na̧'ä̧chä̧tü̧rü̧ aditü ikuä'chü kkä̧nü̧.

San Marcos 1:3

Rȩba̧ dȩ'a̧ra̧'a̧ttü̧, ya̧tȩ i̧wȩnȩ pä̧i̧ku̧nä̧ rȩmi̧pa̧'a̧: «Tu̧ru̧wa̧ u̧mä̧nä̧ aditü kku̧nä̧tu̧kui̧; Tto̧ȩpä̧rü̧ juiyünä̧ u̧mä̧nä̧ jue'epiyätukuirü»

San Mateo 11:1

Jesú-mä̧ u̧wo̧juȩtä̧u̧ doce-nü̧ wotürü jȩttä̧kuȩ wo̧juȩtü̧ kä'ädi'ü, juorü rä'opächü juätü ttidepiyura̧'a̧ ji'äu kkä̧nü̧, wo̧juȩtü̧ 'chi̧nü̧.