San Marcos 5:15 - Nuevo Testamento Uwotjüja

¹⁵ Jesú ü̧jo̧mȩ tti̧'chi̧'o̧mȩnä̧. Jua̧u̧, epíritu-tu̧ suropätü ttü̧jä̧'i̧jä̧ku̧ päjimä̧, ü̧'ka̧tä̧wä̧ta̧ 'ka̧tü̧ rütäwa'a, adiwächäjitä ü̧'a̧'a̧ topü, ttü̧ja̧mä̧ rü̧ȩnä̧ ye'inä̧tü̧.

TÄ̧DO Ä̧CUÄ̧ I̧HUȨNȨ

¹⁵ Täcö Jesús ö̧jo̧mȩ tti̧'chi̧'o̧mȩnä̧, espíritus suropätörö pä'äji ku̧nä̧rä̧ji̧rö̧ topinätödo ö̧'a̧'a̧ ö̧'ca̧tä̧huä̧ta̧ 'ca̧tä̧hua̧. Ja̧'hua̧ta̧nö̧ a̧di̧hua̧tä̧ pi̧nö̧do. Ja̧'hua̧nö̧ topö ye'ecuinätödo.

San Marcos 5:15 Referans Kwoze

Colosenses 1:13

Dio-mä̧ yo̧ü̧ ujuruttü rä'epü iku I̧tti̧ ru̧wa̧ eseäkuäwänä̧ weomȩku̧ u̧ju̧ni̧nä̧u̧jä̧,

2 Timoteo 1:7

Ja̧'wa̧ta̧nü̧ Dio-mä̧ epíritu yȩ'ȩkua̧rü̧mä̧ i̧yo̧ko̧u̧ pinä̧tü̧jä̧, ja̧'wa̧nü̧ ja̧jü̧ jueimä̧ ju̧ru̧wa̧rü̧tä̧, eseäkuäwä kku̧nä̧rü̧rü̧tä̧ ja̧'wa̧ta̧nü̧ a̧mü̧nä̧ pa̧ja̧tü̧ we'äurutä iyinä̧u̧jä̧.

San Lucas 8:27

Jesú-mä̧ woi'kattü rȩjȩra̧'a̧ u̧wä̧mi̧'i̧'o̧mȩnä̧, ya̧tȩ epíritu-tu̧ ttü̧jä̧ku̧, ütawiyäkuttü, ü̧'ka̧tä̧wä̧ta̧'i̧nä̧ jui̧'a̧, isodenä̧'i̧nä̧ kko̧kü̧, wa'are idoriyänä̧tä̧ ä'ä'chü kkä̧'i̧jü̧ ichi'inä̧ku̧.

San Marcos 5:9

Jesú, jäepinä̧ku̧: —¿Toku mi̧kua̧jä̧ttü̧? —Päkumä̧, ädätinü̧: —Chi̧mi̧mä̧, Legión pä'ü mi̧kua̧sä̧. Jua'amä̧ rekuätü ta'attü̧.

San Lucas 10:39

Ja̧'wa̧nü̧ ja̧'a̧ juäjumä̧ kkijäwaju María pä'ü mi̧kuajuru kku̧nä̧ri̧nä̧ju̧. Juäju María-mä̧ Jesú ü̧jä̧pü̧ jo̧mȩ pä̧mä̧di̧nä̧ju̧, ukuoku kkä̧ju̧kua̧ pä'ü.

San Marcos 5:18

Pä'äjita'anü̧, Jesú-mä̧ woi'kara̧'a̧ ichi'omȩnä̧, epíritu-tu̧ suropätü ttü̧jä̧jä̧ku̧ päjimä̧, chutäku kueächa pä'ü ajuäkuäunü̧ jä̧ȩpä̧ri̧nä̧ku̧.

San Marcos 5:16

Ja̧'wa̧nü̧ ja̧'a̧, jua̧u̧ epíritu-tu̧ suropätü ttü̧ja̧kuä̧'i̧jä̧ku̧ru̧ 'kuäopäji ji'äu kkä̧nü̧ ja̧'wa̧ta̧nü̧ ku̧chi̧tü̧rü̧ 'kuäopäji'i̧nä̧, topäjätümä̧ kkorotürü ji'äwinä̧tü̧.

San Marcos 5:4

Ja̧'wa̧ta̧nü̧, kko̧ro̧nü̧ jü̧ta̧'a̧nü̧ kuoräu isobünä̧, kuoräu i̧sä̧sa̧nä̧, ü̧jä̧pü̧nä̧'i̧nä̧, u̧mü̧nä̧'i̧nä̧ ti̧ttä̧dä̧'cho̧mȩnä̧ jua̧ro̧kuä̧rü̧ ikuä'ija'a ji̧na̧'a̧, ya̧tȩ'i̧nä̧ 'chuädü juiyünä̧tä̧.

San Mateo 12:29

¿Toku jȩpü̧ dottächü'anü̧ ja̧'a̧jä̧ttü̧, ya̧tȩ ju̧ru̧wa̧rü̧ ojusodenä̧ iäre 'chottiparü pä'ümä̧; ji̧nä̧ ä'kanä̧ jua̧u̧ru̧ ttü̧nü̧'koka'anä̧mä̧? ja̧'wa̧nü̧ jua̧u̧ru̧ nü̧'kipü'kotütä ojusode jäwämä̧ ȩmi̧pü̧ i̧wä̧wa̧'a̧.

San Mateo 4:24

Ja̧'wa̧nü̧ ja̧'a̧, Siria rȩjȩ o'kajuiyünä̧ Jesú-mä̧ ukuowi'omȩnä̧ o'katoi'ünä̧ kkorottü'i̧nä̧, kkorottü'i̧nä̧ na̧nȩpä̧tü̧rü̧ i'chächinä̧tü̧. Barau na̧nȩpä̧tü̧rü̧'i̧nä̧, epíritu-tu̧ suropätü ttü̧ja̧kuä̧u̧ru̧'i̧nä̧, epilépcia mä̧richei na̧nȩpä̧tü̧rü̧'i̧nä̧ ja̧'wa̧ta̧nü̧ parárisi mä̧richei na̧nȩpä̧tü̧rü̧'i̧nä̧, Jesú-mä̧ aditü ikuinä̧u̧.

San Mateo 9:33

Jesú epíritu su̧ro̧pa̧rü̧ rä'epü ikuomȩnä̧; i̧wȩnȩ jui'äjimä̧ jua̧u̧nu̧tä̧ kkä̧mä̧dü̧ ukuokuinü̧. Ukuokuiyä̧u̧ ttü̧ja̧mä̧ rü̧ȩnä̧ amükuädünü̧ pä'inä̧tü̧: —¡Iraettümä̧ pa̧'a̧nü̧ jü̧mä̧ yorisotä topokotü pä'ijätüjä̧!

San Mateo 26:53

¿Ukutu kuamükuädätukumä̧ Chä'orümä̧ doce-nü̧ wotü á̧gȩrȩ-rü̧mä̧, ttumüwäyotuku weattü pä'ü jädepüttümä̧, weü juiyü'anü̧ ja̧'a̧?

San Marcos 5:14

Ja̧'wa̧nü̧ päi'omȩnä̧, ku̧chi̧tü̧rü̧ tta̧'a̧rä̧jä̧tü̧mä̧, juorü tü'ipächü ppo̧ü̧ ütawiyära̧'a̧ kka̧kuä̧tü̧rü̧'i̧nä̧ ja̧'wa̧ta̧nü̧ rü̧ö̧ ütawiyänä̧ kka̧kuä̧tü̧rü̧'i̧nä̧ ji'äwä'chinä̧tü̧ jua̧u̧ 'kuäopäji tü'kümä̧. Ja̧'wa̧nü̧ jittäwiyä̧u̧, däjé 'kuäopäja'a ja̧ pä'ü topü 'chi̧nä̧tü̧, ttü̧ja̧mä̧.