San Marcos 3:14 - Nuevo Testamento Uwotjüja

¹⁴ Juätüttü, ttü̧jä̧pü̧ttü̧ ta̧ju̧nü̧ wotürü pojopü ȩmi̧nü̧, chutäku kuettächa pä'ü, jareü wȩnȩ jittäwa pä'ü wȩä̧kuä̧u̧ru̧mä̧, juätümä̧, we'äwotü pä'ü o̧i̧nä̧u̧, (Apótore jü̧nä̧).

TÄ̧DO Ä̧CUÄ̧ I̧HUȨNȨ

¹⁴ Jahuätöttö hue'inödo ttö̧jä̧pö̧ttö̧nö̧ ta̧ju̧nu̧ chutäcu cuettächa pä'ö. Ja̧'hua̧ta̧nö̧ adihuä huȩnȩ jittähua pä'ö hueäcua'a̧nö̧.

San Marcos 3:14 Referans Kwoze

Hechos 1:8

Ja̧'wa̧nü̧ ja̧'a̧nä̧, Epíritu Sa̧tu̧ ukutunä̧ ichi'ü ü̧jä̧mä̧do̧mȩnä̧mä̧, kujurutuku kuȩmä̧kuo̧tü̧jä̧; jua'amä̧, Jerusarȩ́-nä̧'i̧nä̧, Judea rȩjȩnä̧'i̧nä̧, Samaria-nä̧'i̧nä̧ ja̧'wa̧ta̧nü̧ pi̧jä̧ beipomȩbü päi'ünä̧ 'chä̧nü̧ ttürü 'kuäopa'a to'kuinä̧tu̧ku̧ jikuäwätukua pä'ü.

San Juan 15:16

Ukutumä̧ ttürümä̧ pojopü ȩmo̧ko̧tü̧ pinä̧tü̧jä̧, ttütätä ji̧na̧'a̧ ukuturu pojopü ȩmi̧nü̧mä̧ ja̧'wa̧nü̧ jȩpü̧ wedinä̧u̧jä̧ u̧wä̧ju̧ rü̧ȩnä̧ ȩpü̧ kuiyätukua pä'ü, jua̧u̧ u̧wä̧ju̧ toe'ächoka'a kka̧ pä'ü. Ja̧'wa̧nü̧ ja̧'a̧, o'kajuiyünä̧ ttü chi̧mi̧nä̧ Chä'orü jäkuepätukumä̧, iyäkua'anü̧.

Gálatas 1:1

Ttü Pauru, Apóto päi'ünä̧ wa̧, ttü̧ja̧ weäwänä̧'i̧nä̧, ttü̧ja̧nä̧'i̧nä̧ u̧ju̧no̧ko̧ku̧ pinü̧, Tu̧ru̧wa̧ Jesucrito-nä̧tä̧, jua̧u̧ru̧ wa'arettü tto'ädinü̧ Dio-tä weinä̧ku̧,

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

San Marcos 3:13

Jesú-mä̧, mü̧ä̧'kara̧'a̧, u̧ju̧'kä̧u̧ku̧tä̧ wopo'ü 'cha'ächäji̧'ka̧ ka̧ka̧kui̧pü̧ pä̧mä̧di̧nü̧.

San Marcos 3:15

Juätürümä̧, epíritu-tu̧ suropätürü rä'epü ttikunä̧, ttukuo iyinä̧u̧.

San Marcos 6:30

Jua̧u̧ jä̧ji̧ o'ka'a apótore-mä̧ Jesú-ku ka̧ka̧kui̧päjä'kotü, o'kajuiyünä̧ jȩi̧nü̧'i̧nä̧ ja̧'wa̧ta̧nü̧ u̧wo̧juȩti̧nü̧'i̧nä̧ jittäwinä̧ku̧.