San Marcos 3:10 - Nuevo Testamento Uwotjüja

¹⁰ Jua'akumä̧, rekuätürü aditü ikua'anä̧'i̧nä̧, kkorotü na̧nȩpä̧tü̧'i̧nä̧ mȩtta̧rü̧ pä'ü rü̧ȩnä̧ ma̧ttä̧mi̧nä̧ku̧.

TÄ̧DO Ä̧CUÄ̧ I̧HUȨNȨ

¹⁰ Recuätörö aditö icuäja'attö, o'ca toi'önä na̧'ä̧chä̧tö̧mä̧ chutä ö̧jo̧mȩ borepäcuähuinätödo mȩtta̧rö̧ pä'ö.

San Marcos 3:10 Referans Kwoze

San Marcos 6:56

Ja̧'wa̧ta̧nü̧ o'kajuiyünä̧ doächomȩ pünä̧mä̧ ütawiyä ppo̧ü̧nä̧'i̧nä̧, bäreunä'i̧nä̧, yodekunä̧tä̧ wȩjo̧mȩ'i̧nä̧, mä̧ni̧yä̧nä̧ na̧nȩpä̧tü̧rü̧ rütü jä̧'ȩpä̧ri̧nä̧tü̧ suro ü̧'ka̧tä̧wä̧ta̧nä̧tä̧ mȩtta̧'a̧nä̧ weatü pä'ü; mȩ'ä̧tü̧mä̧ o'katoi'ünä̧ ttumä̧richeittümä̧ pȩji̧pi̧nä̧tü̧.

San Mateo 14:36

tti̧'chä̧chä̧u̧mä̧, ajuäkuäunü̧ jä̧ttȩpä̧ri̧nä̧ku̧, suro ku̧'ka̧tä̧wä̧ta̧ wä̧mȩ i̧sä̧ta̧ beipomȩ mȩta̧ we'itü pä'ü; ja̧'wa̧nü̧ ja̧'a̧ jua̧u̧ru̧ mȩ'ä̧tü̧mä̧ o'katoi'ünä̧ ttumä̧richeittümä̧ pȩji̧pi̧nä̧tü̧.

San Mateo 4:23

Jesú-mä̧, Galirea rȩjȩ o'kajuiyünä̧, sinagogas odewiyä jü̧'a̧kuä̧ kue'ächü wo̧juȩti̧nü̧. Wo̧juȩtü̧mä̧ ji'äwinü̧ jareünä̧ Ru̧wa̧ Dio weü wȩnȩ, ji'äu kkä̧nü̧mä̧ na̧nȩttü̧ttü̧'i̧nä̧, ubara ttu'u usurä ttȩmä̧u̧'i̧nä̧ aditü ikuinü̧.

Hechos 5:15

Na̧nȩpä̧tü̧rü̧mä̧ u̧mi̧ mä̧nä̧ku̧ rä'epü rütinä̧tü̧, cama-nä̧'i̧nä̧, ttü̧'ä̧biyänä̧'i̧nä̧ ttü̧'ȩja̧'a̧, Peduru 'kuäopomȩnä̧ a̧'kua̧juä̧nä̧'tä̧'i̧nä̧ ttumä̧richeittü ttü̧'ȩji̧'a̧ pä'ü.

San Lucas 7:2

Ja̧'wa̧nü̧ ja̧'a̧, juorü su̧ro̧do̧u̧ ttu̧ru̧wa̧ u̧mü̧wä̧ya̧, rü̧ȩnä̧ repeäkuru, 'korupäiü'anütä̧ päi'ünä̧ na̧'ä̧chü̧rü̧ kku̧nä̧ri̧nü̧.

Hebreos 12:6

Isopäi'ünä̧ Tu̧ru̧wa̧mä̧ repeäkurumä̧ juekuächünä̧ ro̧'ȩpü̧, ja̧'wa̧ta̧nü̧ i̧tti̧ päi'ünä̧ ȩmä̧ku̧rü̧mä̧ kuä'opo'ächü tä̧bo̧tü̧ ja̧'a̧.»

San Marcos 5:34

Ja̧'wa̧nü̧ jijäwäku, Jesú-mä̧, päinä̧kua̧: —Chittiju, kua̧'kua̧ ku̧wȩnä̧ra̧'a̧ttü̧ na̧kuä̧chü̧ttü̧mä̧ pi̧'ä̧ju̧jä̧. Kua̧'kua̧ tta̧kuȩkuo̧ka̧'a̧ täi, täkü kumä̧richeittümä̧ pi̧'ä̧jä̧ju̧jä̧.

San Mateo 14:14

Jesú-mä̧ woi'kattü i̧mȩyȩwi̧'o̧mȩnä̧ ttü̧ja̧ rekuätü ttü̧ja̧kua̧'a̧ topinü̧; to'omȩnä̧ rȩrü̧jä̧chi̧'ä̧ku̧ na̧nȩpä̧tü̧ tti̧'chä̧chä̧jä̧u̧ru̧ aditü ikuinü̧.

San Mateo 12:15

Jua̧u̧ wo̧jui̧'ü̧, Jesú-mä̧ juorü rä'opächü i̧'cha̧'a̧ ttü̧ja̧'i̧nä̧ rekuätü 'chi̧nä̧tü̧; o'katoi'ünä̧ na̧nȩpä̧tü̧rü̧ aditü ikuinü̧,

San Marcos 8:22

Jua̧u̧nü̧ o'ka'a Betsaida ütawiyära̧'a̧ ichi'äji'ka̧ ü̧ja̧'a̧, ä̧to̧ka̧rü̧ Jesú ü̧jo̧mȩku̧ i'chächipü mȩi̧ya̧tü̧ pä'ü ajuäkuäunü̧ jä'epinä̧tü̧.

San Lucas 5:3

Juorü ji'katemä̧, Simón uwe'ka ja̧'a̧ttü̧, Jesú-mä̧ kkä'kotokunä̧nü̧ kki'opü u̧ni̧ya̧rü̧ pä'ü wȩ'ä̧ji̧'ka̧. Juä'kanä̧ 'cha'ächi'ü pä̧mä̧dä̧ji̧'ka̧ ttü̧ja̧ rekuätürü wo̧juȩti̧nü̧, juä'kattü.

San Lucas 6:19

Ja̧'wa̧nü̧ ja̧'a̧ttü̧ ttü̧ja̧ o'katoi'ünä̧tä̧ mȩtta̧rü̧ pä'ü jȩpi̧nä̧tü̧, Chunä̧tä̧ ujuru kka̧'a̧ ttumä̧richei aditü ikuiyä̧u̧.

San Lucas 7:21

Ja̧'wa̧nü̧ 'kuäopa'anä̧mä̧ rekuätürü ttümäricheittü'i̧nä̧, ubara ttuttu'i̧nä̧ aditü ikuinü̧ ja̧'wa̧ta̧nü̧ epíritu-tu̧ suropätü ttü̧ja̧kuä̧u̧ru̧'i̧nä̧ ja̧'wa̧ta̧nü̧ ä̧to̧kä̧tü̧rü̧'i̧nä̧ aditü ikuinü̧.