San Marcos 16:16 - Nuevo Testamento Uwotjüja

¹⁶ Esetürü, bautizo jȩttä̧ku̧mä̧ ra̧wä̧pi̧jü̧ttü̧ ü̧ji̧pä̧kua̧; ja̧'wa̧nü̧ ja̧'a̧nä̧, esetokürümä̧ usurä ȩmä̧wa̧ pä'ütä pätetü kku̧nä̧wä̧kua̧'a̧.

TÄ̧DO Ä̧CUÄ̧ I̧HUȨNȨ

¹⁶ Ya̧tȩ esetömä, bautizando hua̧mä̧, suronä jȩi̧nö̧ jȩpö̧ icu Dios. Ja̧'hua̧nö̧ ja̧'a̧nä̧ esetocömä, Dios ö̧tä̧bo̧tä̧cua̧ ja̧u̧ru̧.

San Marcos 16:16 Referans Kwoze

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

San Juan 8:24

Ja̧'wa̧nü̧ ji̧yä̧ku̧ pä'äjisä, surojü jȩ'kuä̧tu̧ku̧nä̧tä̧ wa'ü kuikuäkuotüjä̧ pädäja'amä̧; jua'amä̧ ttürü, ttütäsä päda'anä̧ kuesetätukuoka'attü.

San Juan 6:29

Jesú ädätinä̧u̧: —Pi̧yȩ ja̧'a̧ Dio aditäwämä̧, Chutä weinä̧ku̧ru̧ kuesetiyätükuarü pä'ü.

San Juan 3:5

Jesú ädätinä̧ku̧: —Isopäi'ünätä̧ pädäkujä̧, ajiyattü'i̧nä̧, Epíritu-ttü'i̧nä̧ uwäpächokümä̧ Ru̧wa̧ Dio weomȩmä̧ do'ächokü jä̧kua̧.

Hechos 10:43

Profeta-mä̧ o'katoi'ünä̧, pide Jesú ütü'kümä̧ jittäwinü̧ o'ka'a ji̧na̧'a̧, Jua̧u̧ru̧ esetätümä̧ o'katoi'ünä̧ suronä̧ jȩttü̧ttü̧mä̧ jȩpü̧ i̧kuä̧kuä̧u̧ pä'ü.

San Juan 20:31

Ja̧'wa̧nü̧ ja̧'a̧nä̧, pi̧yȩmä̧ wȩyu̧kui̧'i̧na̧'a̧, Jesú-mä̧ Crito ja̧'a̧, Dio I̧tti̧ pä'ü esetü, jua̧u̧ i̧mi̧nä̧ kkä̧kuä̧wä̧ i'ko ttu̧ju̧nä̧ra̧ pä'ü.

Apocalipsis 20:15

Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.

San Juan 6:35

Pättiyäku, Jesú-mä̧ päinä̧u̧: Ttütäsä, kuäkuäwä tta̧'kua̧rü̧mä̧; ttüku ichümä̧, yorisotä ukua ppäi ttuokä̧kua̧; ja̧'wa̧ta̧nü̧ ttürü esetümä̧, yorisotä awa a̧di̧ri̧jo̧ko̧ku̧ jä̧kua̧.

1 Pedro 3:21

Ja̧'wa̧nü̧ ja̧'a̧ttü̧ ajiya ji̧no̧yamä̧ bautizo päwoya jü̧nä̧ wȩnȩkuä̧chi̧na̧'a̧, jitämä̧ ja̧u̧nä̧tä̧ suronä̧ jȩtä̧i'jü̧ttü̧mä̧ kka̧kui̧pä̧tü̧jä̧. Bautizo-mä̧ jättäpäyotümä̧ tükächi'okü, ja̧'wa̧nü̧ ja̧jü̧jueimä̧ adiu amükuädütä Dio-rümä̧ jä'epätukui, Jesucrito tto'ächäji̧'ka̧,

San Marcos 1:15

Jua'attü ji'äwinü̧: «Dio ü'ätetinü̧ mo̧ro̧, jo̧mȩnü̧ päia'a. Täkü, Dio wȩä̧kuȩ mo̧ro̧ tü'kü ja̧'a̧; surojü jȩ'kuä̧tu̧ku̧ kä'ädi'ü, jareü wȩnȩ esetü pärowächätukui,» jü̧nä̧.

Hechos 22:16

Ja̧'wa̧nü̧ ja̧'a̧ttü̧, yabonü̧ rekuomä̧ tta̧kuä̧ro̧ka̧'a̧, ä̧rä̧mi̧'ü̧, bautizo jȩpä̧kuä̧u̧, Ku̧ru̧wa̧rü̧ ajuäkuäunü̧ jä'epi surojü jȩpü̧ ikuaku.

San Juan 6:40

Isopäi'ünä̧ Chä'orü pä̧wä̧rü̧jü̧mä̧, o'katoi'ünä̧ I̧tti̧rü̧ topü, jua̧u̧ru̧ esetätümä̧ kkä̧kuä̧wä̧ i'ko ttu̧ju̧nä̧ri̧ya̧rü̧ pä'ü; rüjí mo̧ro̧ päi'omȩnä̧ juätürü wa'arettü ttodäda pä'ü.

1 Pedro 1:21

Ukutumä̧ Crito-nä̧ Dio-rümä̧ esetätüjä̧, 'koru pä'i'inä̧tü̧ttü̧ tto'ädü ukuo iyinü̧nä̧; ja̧'wa̧nü̧ ja̧'a̧ttü̧ kua̧'kua̧ ku̧wȩnä̧rä̧tu̧ku̧'i̧nä̧, tta̧'a̧rü̧ ku̧jä̧tu̧ku̧'i̧nä̧ Dio-nä̧tä̧ kka̧'a̧.

Hechos 2:41

Ja̧'wa̧nü̧ jiäu esetäjätümä̧, bautizo jȩtti̧nä̧u̧, jua̧u̧nü̧ mo̧ro̧tä̧mä̧ tres mil-nü̧ jo̧mȩnä̧ ji̧na̧'a̧, Jesucrito-rü esetätümä̧.

San Lucas 8:12

Ja̧'wa̧ta̧nü̧ mä̧nä̧nä̧ ma̧ä̧chi̧nü̧ jä̧ji̧mä̧, Dio i̧wȩnȩmä̧ ä̧ju̧kua̧'a̧nä̧, esetü surojüttü ü̧ji̧pü̧ juiya pä'ü, äwettä ichi'ü a̧mi̧so'kittü 'choipä̧u̧ru̧ wȩnȩkuä̧cha̧'a̧.

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

Hechos 13:39

Ja̧'wa̧nü̧ ja̧'a̧ttü̧ Moisé weinü̧ jäwänä̧, adiwä jueiku juo'ächokotü pinä̧tü̧mä̧, Jua̧u̧nä̧tä̧ ja̧'a̧ surojüttü adiwä jueiku ttü'ärowächa'amä̧.

Romanos 4:24

ujutu tütü'kü'i̧nä̧ pä'a. Ujutu ta̧'kua̧ tu̧wȩnä̧ro̧mȩnä̧mä̧, Tu̧ru̧wa̧rü̧ Jesú wa'arettü ttoädinä̧ku̧ru̧.

2 Tesalonicenses 2:12

Dio-mä̧ ro̧ȩpä̧kua̧ o'katoi'ünä̧rü̧ isopäi'ünä̧ wȩnȩ tteseta pä'okotü pinä̧tü̧rü̧mä̧ ja̧'wa̧ta̧nü̧ surojütä jȩpü̧ ttü̧ja̧kuo̧mȩnä̧ tta̧'kua̧ a̧di̧wä̧u̧ru̧mä̧.

2 Tesalonicenses 1:8

Ro̧ȩpa̧ pä'ü i̧chä̧kua̧, Dio-rü ttu̧wo̧jui̧pa̧ pä'okotürü, ja̧'wa̧ta̧nü̧ ukuotokotürü adiwäjuei wȩnȩ Tu̧ru̧wa̧ Jesucrito ütü'kü.

Hechos 13:46

Ja̧'wa̧nü̧ pä̧tti̧yä̧u̧, Pauru-mä̧, Bernawé-ku pä̧i̧ku̧nä̧ pättinä̧u̧: —Isopäi'ünä̧, ä̧kuo̧mȩnä̧mä̧ ukutu judío-rü, Dio i̧wȩnȩ jitäwa pä'ü ji̧na̧'a̧nä̧; kkü'kü jui'ü ya'oku kkä̧kuä̧wä̧ i'ko'i̧nä̧ kuȩma̧ päkuätukuoka'attü̧, judío pokotürütä ji'äu 'chä̧tü̧jä̧.

Romanos 3:6

¡Ja̧'wa̧nü̧mä̧kü̧ ja̧'a̧!; Dio adiwomȩnä̧ jȩä̧kuä̧wä̧ i̧sa̧ jü̧ juiyüttümä̧, ¿Tta̧'a̧nü̧ ü'ojo'äkua'ajä̧ttü̧ adiu jȩpi̧nä̧tü̧rü̧'i̧nä̧, suronä̧ jȩpi̧nä̧tü̧rü̧'i̧nä̧, jü̧nä̧mä̧?