San Marcos 15:21 - Nuevo Testamento Uwotjüja

²¹ Ja̧'wa̧nü̧ ja̧'a̧, Simón pä'ü mi̧kua̧, Cirene ttü̧ja̧sa̧, Alejandro'i̧nä̧, Rufo'i̧nä̧ ttä'orü pättara̧'a̧ttü̧ ppa̧'ä̧chü̧ juȩnȩnä̧ 'kuäopa'a ja̧'a̧. Jua̧u̧ru̧, ra̧wärü̧nü̧ we'inä̧tü̧, ü̧jo̧kä̧nü̧ kkä̧nü̧ toe'ächäkuäi ȩpi̧ya̧rü̧ pä'ü.

TÄ̧DO Ä̧CUÄ̧ I̧HUȨNȨ

²¹ Ja̧u̧nu̧tä̧ ya̧tȩ Cirene ttö̧ja̧ i̧sa̧, Simón pä'ö mi̧cua̧mä̧, Alejandro'inä, Rufo'inä ttä'omä, ötahuiyä abottö ichö, 'chä̧hui̧'i̧nö̧do. Ju̧huȩnȩ 'cuäopomenä, Jesúsru pȩ'o̧pö̧ ttu̧ju̧nä̧cuodä ȩpa̧ pä'ö hue'inätödo.

San Marcos 15:21 Referans Kwoze

San Lucas 23:26

Täkü Jesú-ru ü̧jo̧kä̧nü̧ jäinä̧ 'koru päi'a pä'ü kku̧nu̧ tti̧'cho̧mȩnä̧. Pättara̧'a̧ttü̧ ichürü, Cirene ütawiyä i̧sa̧, Simón pä'ü mi̧kua̧rü̧ 'chu'ädo'ü, ü̧jo̧kä̧ jäi u̧wä̧do̧wa̧ pä'ü wettinä̧ku̧, Jesú o'ka'anä̧.

San Mateo 27:32

Juorü rättopomȩnä̧ Cirene ütawiyä ttü̧ja̧sa̧ Simón pä'ü mi̧kua̧rü̧ po̧kui̧po̧'ü̧ Jesú-ru pȩ'o̧pü̧ ttu̧ju̧nä̧kuäi ü̧jo̧kä̧jäi ȩpü̧nä̧ wettinä̧ku̧.

Romanos 16:13

Ja̧'wa̧ta̧nü̧ Rufo-rü'i̧nä̧, Tu̧ru̧wa̧ ȩmi̧nä̧ku̧ru̧ te'äwiyätukuittü ja̧'wa̧ta̧nü̧ jua̧u̧ ja̧ju̧ru̧'i̧nä̧, ttü'i̧nä̧ cha̧ju̧ wajuru.

Hechos 13:1

Antioquía ütawiyättü igresia jü̧nä̧ wotükumä̧, profeta'i̧nä̧, wo̧juȩkuä̧ isotü'i̧nä̧ kka̧kui̧nä̧tü̧. Juätümä̧ Bernawé'i̧nä̧, Simón-ja̧'a̧nä̧ (Niger pättinä̧ku̧'i̧nä̧), Cirene i̧sa̧ Ruciu'i̧nä̧, Herode Antipas-ku püttächinü̧ Menahem'i̧nä̧, Sauro'i̧nä̧ ji̧na̧'a̧.

Hechos 11:20

Ja̧'wa̧nü̧ ja̧'a̧nä̧, juätüttü 'kä̧wi̧na̧'a̧, Chipre ttü̧ja̧ttü̧ a̧'u̧ku̧nä̧'i̧nä̧ ja̧'wa̧ta̧nü̧ Cirene ttü̧ja̧ttü̧'i̧nä̧, jü̧nä̧; Antioquía-ra̧'a̧, Judío pokotürü Jesucrito jäwä, jareü wȩnȩ ji'äwinä̧tü̧mä̧.

Hechos 6:9

Ja̧'wa̧nü̧ ja̧'a̧ libertos ttü̧ka̧ka̧kuode sinagoga-ttü, Cirene ttü̧ja̧'i̧nä̧, Alejandría ttü̧ja̧'i̧nä̧, Ciricia ttü̧ja̧'i̧nä̧ ja̧'wa̧ta̧nü̧ Asia rȩjȩ ttü̧ja̧'i̧nä̧ Esteba̧-ku̧ pä'ä'winätü̧;

Hechos 2:10

Frigia ttü̧ja̧ tti̧wȩnȩnä̧'i̧nä̧, Panfilia ttü̧ja̧ tti̧wȩnȩnä̧'i̧nä̧, Egito ttü̧ja̧ tti̧wȩnȩnä̧'i̧nä̧, África ttü̧ja̧ tti̧wȩnȩnä̧'i̧nä̧, Cirene yabo Ribia rȩjȩku̧ ttü̧ja̧ tti̧wȩnȩnä̧'i̧nä̧. Ja̧'wa̧ta̧nü̧ Roma ttü̧ja̧ pȩnȩ́ kka̧kuä̧tü̧ tti̧wȩnȩnä̧'i̧nä̧;

San Lucas 14:27

Ja̧'wa̧ta̧nü̧ ü̧jo̧kä̧nü̧ jäi kä'eku wȩnä̧wi̧'ü̧ cho'ka'anä̧, i̧'chü̧ juiyüttümä̧, chu̧mü̧wä̧ya̧mä̧ päi'ü juiyünä̧ jä̧kua̧'a̧.

San Marcos 15:20

Ja̧'wa̧nü̧ ya̧ttä̧wä̧'chä̧ku̧ o̧'ka̧rü̧mä̧ ü̧'ka̧tä̧wä̧ta̧, wä̧mȩ i̧sä̧ta̧ rü̧ȩnä̧ tädünä̧ tu̧wä̧jä̧ta̧mä̧ kko̧'ä̧dü̧ iku, a̧mü̧nä̧ ü̧'ka̧tä̧wä̧ta̧tä̧ 'ka̧tü̧, u̧mi̧ku̧ rättepächinä̧ku̧ ü̧jo̧kä̧ jäinä̧ kku̧nu̧ kuä'ü ttikuarü pä'ümä̧.

San Juan 19:17

Ja̧'wa̧nü̧ ja̧'a̧, Jesú-mä̧ ü̧jo̧kä̧ jäi wä̧do̧wä̧nü̧ 'chi̧nü̧, Calavera pä'ü mikuomȩku̧; hebreo tti̧wȩnä̧mä̧ Gólgota pä'ü mikuomȩku̧.

San Mateo 5:41

Ja̧'wa̧ta̧nü̧ ya̧tȩ ya'ute kilómetro jo̧mȩnä̧ a̧mä̧kü̧ kuȩpü̧nä̧ weüttümä̧, todäre kilómetro jo̧mȩnä̧ ȩpi̧yi̧rü̧.