San Marcos 13:8 - Nuevo Testamento Uwotjüja

⁸ Ja̧'wa̧ta̧nü̧, kko̧ro̧jä̧ ttü̧ja̧'i̧nä̧ kkoro rȩjȩ ttü̧ja̧ku̧ ttürowäwäkuotü; rȩjȩ'i̧nä̧ ttü̧ȩpä̧kua̧'a̧, ppäi'i̧nä̧ ttuttäkuotü kkoromȩ kkoromȩ jü̧'a̧kuä̧. Pi̧yȩmä̧, usurä ȩmä̧kuä̧wä̧ pä'ü kkä̧mä̧da̧'a̧ jä̧kua̧'a̧.

TÄ̧DO Ä̧CUÄ̧ I̧HUȨNȨ

⁸ Korotö ttö̧ja̧ korotö ttö̧ja̧cu̧ ttörohuähuäcuotö. Ko̧ro̧jä̧ ttö̧ja̧ ko̧ro̧jä̧ ttö̧ja̧cu̧ ttörohuähuäcuotö. Rȩjȩ'i̧nä̧ korome pö̧nä̧ ttö̧ȩpä̧cua̧'a̧. Rö̧ȩnä̧ ppäi ttuttäcuotö. Rö̧ȩnä̧ koro'inä 'cuäopäcua'a. Pi̧yȩmä̧ äcuomenä 'cuäopä̧cuȩ ubara ttutta pä'ö.

San Marcos 13:8 Referans Kwoze

San Mateo 24:8

Ja̧'wa̧nü̧ ja̧'a̧ pi̧yȩ o'kajuiyü 'kuäopümä̧, usurä ȩmä̧kuä̧wä̧ pä'ü kkä̧mä̧da̧'a̧ jä̧kua̧'a̧.

Apocalipsis 6:4

Päku, tochomȩnä̧ kka̧ra̧ cabayu tuwoppü wa̧ rä'o'inü̧. Jua̧u̧nä̧ wuö̧rü̧ iyäwi'ina̧'a̧ ujuru, pi̧jä̧nä̧ttü̧ wȩnȩ juiyünä̧ kkä̧kuä̧wä̧ jȩpü̧ iku, ttü̧ja̧ kkorotüku kuä'äkuäu ttikunä̧ jȩa̧ pä'ü; ja̧'wa̧ta̧nü̧ kurodä'i̧nä̧ iyäwi'inä̧ku̧.

1 Tesalonicenses 5:3

Ttü̧ja̧: «wȩnȩmä̧ juiya'a, ra̧wä̧pi̧jü̧'i̧nä̧ juiya'a» pättomȩnä̧. Yotäku juätürümä̧ wa'are ichäkua'a, muchajuru kku̧ma̧du̧ba̧ barawächi'a'a jä̧'i̧nü̧'a̧nü̧. Ja̧'wa̧nü̧ ja̧'a̧ttü̧ jua̧u̧ttü̧mä̧ kka̧kui̧po̧ko̧tü̧ ttäkuotü.

Hechos 11:28

Juätüttü ya̧tȩ, Agabo pä'ü mi̧kua̧ ä̧rä̧mi̧'ü̧ Epíritu Sa̧tu̧ a̧'kua̧ iweyenä̧ ukuokuinü̧: pi̧jä̧ ttü̧ja̧ ttü̧ja̧kuo̧mȩ pünä̧mä̧ o'kajuiyünä̧ ppäi mo̧ro̧ rȩbȩä̧kuä̧wä̧kua̧'a̧ pä'ü; Ja̧'wa̧nü̧ jiäwinü̧ o'ka'a, ru̧wa̧ Emperador Claudio ü̧'ü̧ pä̧nä̧, päinü̧ta'anü̧ 'kuäopina̧'a̧.

San Marcos 13:7

Ja̧'wa̧ta̧nü̧ kkoromȩ pünä̧ kurä kka̧'a̧ kuä̧ju̧kuä̧tu̧kuo̧mȩnä̧mä̧, yekuekuätükuä. Iweye ja̧'wa̧ta̧nü̧tä̧ 'kuäopa pä'ü rekuä rü̧ja̧'a̧; ja̧'wa̧nü̧ ja̧'a̧nä̧, ji̧nä̧ pi̧jä̧ rȩjȩmä̧ beipächoka'anä̧ jä̧kua̧'a̧.

San Marcos 13:9

Ja̧'wa̧nü̧ ukututä'i̧nä̧, tta̧'a̧rä̧kuä̧u̧ kka̧kuä̧tu̧kui̧; isopäi'ünä̧, ruwotürü iyü ttikuäkuä̧u̧jä̧ ja̧'wa̧ta̧nü̧ sinagoga odewiyättü kuäkuättäkuä̧u̧jä̧. Ttü jäwänä̧mä̧, gobernador ruwotü ttä'ka jo̧mȩ'i̧nä̧, rȩjȩ ruwotü ttä'ka jo̧mȩ'i̧nä̧ ttȩpä̧kuä̧u̧jä̧; ttü chütü'kü juätürü jikuäwätukua pä'ü.