San Marcos 12:5 - Nuevo Testamento Uwotjüja

⁵ Jua'a yabo kka̧ra̧rü̧ weäja'amä̧, kuä'ütä ttikuinä̧ku̧. Jua̧u̧nü̧ o'ka'a kkorotü rekuätürü we'inü̧; ja̧'wa̧nü̧ ja̧'a̧ yotüterümä̧ kuäkuäpü, kkorotürütä kuä'äu iku jȩtti̧nä̧u̧.

TÄ̧DO Ä̧CUÄ̧ I̧HUȨNȨ

⁵ Ja̧'hua̧ta̧nö̧ ji̧nä̧ isocu pätta ru̧hua̧ ka̧ra̧ u̧mö̧huä̧ya̧rö̧'i̧nä̧ hue'inödo. Ja̧u̧mä̧ cuä'ö tticuinäcudo. Ja̧u̧nu̧ o'ca'a recuätörö'inä hue'inödo. Korotörömä cuäcuäpinätödo. Korotörömä cuä'ö icuinätödo.

San Marcos 12:5 Referans Kwoze

San Lucas 6:36

Ukutu'i̧nä̧ rȩrü̧jü̧ topätukui, Kuä'o Dio-tuku'i̧nä̧ rȩrü̧jü̧ toäkuäwä i̧sa̧ ja̧'a̧ttü̧.

San Marcos 9:13

Ja̧'wa̧nü̧ ja̧'a̧nä̧ ukuturu pä'üsä Elía-mä̧ täkü ichinü̧ ja̧'wa̧nü̧ ichinü̧rü̧mä̧ o'kajuiyünä̧ jȩtta̧ pättinü̧mä̧ jȩtti̧nä̧ku̧ ja̧'wa̧nü̧ 'kuäopäkua'a pä'ü wȩyu̧kuä̧ wȩnȩnä̧ päinü̧ta'anü̧.

San Mateo 23:37

¡Jerusarȩ́ ttü̧ja̧, Jerusarȩ́ ttü̧ja̧, profetas wotürü'i̧nä̧ kuä'äu iku kkä̧nü̧, Dio wȩä̧u̧ru̧mä̧ inä̧dunä̧ ikuäu ikuätüjä̧! ¡kko̧ro̧nü̧ jü̧ta̧'a̧nü̧, äkärä isaju kki̧tti̧mü̧rü̧ kkujuabä dȩa̧'a̧ kkü̧tä̧ra̧'a̧ jä̧'i̧jü̧'a̧nü̧, ji̧nä̧ yo̧mȩtȩ chü̧tä̧ra̧ päda'anä̧ kkü'kokotü pinä̧tü̧jä̧!

San Mateo 22:6

ja̧'wa̧nü̧ kkorotümä̧ ru̧wa̧ rey umüwäyotü wȩä̧jä̧u̧ru̧ 'chu'ädo'ü kuäkuäpäjä'kotü kuä'ü tti̧kui̧nä̧u̧.

San Mateo 5:12

Eseutä eseäkuäwätukui, jua'amä̧ mo̧ro̧jä̧ra̧'a̧ttü̧ rü̧ȩnä̧ jü̧ premio pättü kuȩmä̧tü̧kuä̧kua̧'a̧ttü̧; ja̧'wa̧ta̧nü̧ ukuturu jü̧ta̧'a̧nü̧ usinä̧tü̧ suronä̧ jȩtta̧ pä'ümä̧, kuä'kojituku kka̧kui̧nä̧tü̧ profeta-rü'i̧nä̧.

San Marcos 12:4

Ja̧'wa̧nü̧ jä̧ji̧yä̧ku̧, pätta u̧ru̧wa̧mä̧ kka̧ra̧ u̧mü̧wä̧ya̧rü̧ pä'äjita'anü̧ we'inü̧. Ja̧'wa̧nü̧ ja̧'a̧nä̧, piderü'i̧nä̧ uyuyunä̧ kuäkuäpü iku, ttü̧ra̧wä̧ri̧nä̧ku̧.

San Marcos 12:6

Täkü rüjinä̧mä̧, suro i̧tti̧ ya̧tȩtä̧ kki̧'i̧nü̧, rü̧ȩnä̧ repeäku: Jua̧u̧ru̧tä̧ we'inü̧, chi̧tti̧ ji̧yä̧u̧ ttukuotäkuotü 'kua̧ra̧'a̧ pä'ü, amükuädü.