San Marcos 12:25 - Nuevo Testamento Uwotjüja

²⁵ Jua'amä̧, wa'arettü ttottächomȩnä̧mä̧, ü'käu'i̧nä̧, ü'kätü'i̧nä̧ jȩä̧kuä̧wo̧ka̧'a̧ jä̧kua̧'a̧ pärokua'aku, mo̧ro̧jä̧nä̧ kka̧kuä̧tü̧, á̧gȩrȩ ttü'anü̧tä̧ ttäkuotü.

TÄ̧DO Ä̧CUÄ̧ I̧HUȨNȨ

²⁵ Ttö̧ja̧ ttottächomenä, ttirecuarö jäecuocö. Tti̧tti̧mö̧ nä̧tö̧rö̧'i̧nä̧ iyähuocö ttirecua päi'önä. Angeles mo̧ro̧jä̧nä̧ ttö̧ja̧cu̧ ta'anö ttö̧ja̧cuä̧cuo̧tö̧.

San Marcos 12:25 Referans Kwoze

1 Juan 3:2

Chawaruwä chi̧jä̧wa̧tü̧, täkü jitämä̧ Dio i̧tti̧mü̧jä̧ ja̧'wa̧nü̧ ja̧'a̧nä̧, ji̧nä̧ yodoji tä̧kuȩmä̧ wokotüjä̧, Jesucrito ichomȩnä̧mä̧ chutä jü̧ta̧'a̧nü̧ täkuotüjä̧, jua'amä̧ churutä tota'attü̧.

San Mateo 22:30

Isopäi'ünä̧ ttottächi'omȩnä̧mä̧, u̧mä̧tü̧'i̧nä̧ ja̧'wa̧ta̧nü̧ nä̧tü̧'i̧nä̧ ü'käwokotü ttäkuotü, jua'amä̧ mo̧ro̧jä̧nä̧ kka̧kuä̧tü̧ á̧gȩrȩ jü̧'a̧nü̧tä̧ ttäkua'attü.

San Marcos 12:24

Jesú-mä̧ ädätinä̧u̧: —Ukutumä̧, jäyä pä'ätüjä̧, wȩyu̧kuä̧ wȩnȩ'i̧nä̧, Dio ujuru'i̧nä̧ kuieruwätukua'attü̧.

San Marcos 12:26

Ja̧'wa̧ta̧nü̧, wa'inä̧tü̧ ttottächü tü'kümä̧ ¿Moisé i̧wȩyu̧ti̧nä̧'tänä̧ ukuokuokotü pä'ijä̧tü̧jä̧ tä̧jí̧, zarza dau kuoa'anä̧, Dio: Ttütäsä Abraha̧'i̧nä̧, Isaa'i̧nä̧, Jaco'inä̧, Ttü̧ä̧nä̧wa̧mä̧, päino̧mȩ jä̧'i̧jo̧mȩmä̧?