San Marcos 11:18 - Nuevo Testamento Uwotjüja

¹⁸ Ja̧'wa̧nü̧ pä'a ä̧ju̧ku̧, sacerdote wotü tturuwotü'i̧nä̧, wo̧juȩkuä̧ isotü'i̧nä̧ Jesú-ru kuä'ü ttikua pä'ü amükuädinä̧tü̧, ja̧'wa̧nü̧ ja̧'a̧nä̧ ttü̧ja̧rü̧ ye'ekuinä̧tü̧, ttü̧ja̧ o'katoi'ünä̧ U̧wo̧juȩtü̧ rü̧ȩnä̧ tta̧mü̧kuäda'attü̧.

TÄ̧DO Ä̧CUÄ̧ I̧HUȨNȨ

¹⁸ Sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧ ä̧ju̧cui̧nä̧tö̧do ja̧'hua̧nö̧ päomenä. Ja̧'hua̧ ja̧'a̧ Jesúsru cuä'ö tticua pä'ö usinätödo. Jahuätömä Jesúsru ye'ecuinätödo, o'ca toi'önä ttö̧ja̧ Jesús u̧huo̧juȩta̧'a̧ eseunu ttä̧ju̧cua̧'a̧ttö̧.

San Marcos 11:18 Referans Kwoze

San Mateo 7:28

Ja̧'wa̧nü̧ ja̧'a̧ pi̧yȩ, Jesú ji'äu kädomȩnä̧, ttü̧ja̧mä̧ isoó ja̧'wa̧nü̧ wo̧juȩtü̧dí̧ pä'inä̧tü̧.

San Marcos 12:12

Pi̧yȩnä̧ wȩnȩtü̧ jiäwomȩnä̧, ujuturutä pä'ü, pä'ü ttu̧wo̧jua̧'a̧ttü̧, Jesú-ru 'chuttäda pätta'anä̧ 'chuttädokoku pinü̧, ttü̧ja̧rü̧ yettekua'attü̧, kä'ädi'ütä i̧wi̧'i̧nä̧tü̧.

Hechos 24:25

Ja̧'wa̧nü̧ ja̧'a̧nä̧ Pauru-mä̧ adiwomȩnä̧ jȩpü̧ kkä̧kuä̧wä̧'i̧nä̧, surojuoepokomȩnä̧ kkä̧kuä̧wä̧'i̧nä̧, yodoji Dio ro̧ȩpä̧kuȩ'i̧nä̧ jiäwomȩnä̧ ye'i'ü, Felíx-mä̧ päinä̧ku̧: —Täkü täi, pä'äjita'anü̧tä̧ wochakujä̧.

San Juan 7:46

Pättomȩnä̧, su̧ro̧do̧u̧mä̧ ädätinä̧tü̧: —¡Ya̧tȩ'i̧nä̧, ja̧'wa̧nü̧ ukuokurumä̧ ä̧ju̧kuo̧ko̧tü̧ pä'ijätüjä̧!

San Lucas 20:19

Sacerdote wotü tturuwotü'i̧nä̧, weäwä wȩnȩ wo̧juȩkuä̧ isotü'i̧nä̧, ji̧yȩja̧mä̧ ujuturutä pätetü pä'a pä'ü, jua̧u̧tä̧ hora-nä̧ Jesú-ru 'chuttäda pätta'anä̧ ttü̧ja̧rü̧ ye'ekuinä̧tü̧.

San Lucas 19:47

Jesú-mä̧ mo̧ro̧ji̧nü̧ a̧'u̧kuä̧ Dio-rü ukuokuäkuäwodettü wo̧juȩti̧'ȩnü̧. Ja̧'wa̧nü̧ u̧wo̧juȩta̧'a̧nä̧, sacerdote wotü tturuwotü'i̧nä̧, weäwä wȩnȩ wo̧juȩtä̧tü̧'i̧nä̧, ütawiyättü pärätä ruwotü'i̧nä̧, Jesú-ru toku jȩpü̧tä̧ kuä'ü ttikua'anü̧ ja̧ pä'ü usinä̧tü̧.

San Lucas 4:22

O'katoi'ünä̧tä̧ Jesú ütü'kümä̧ adiu ukuokuinä̧tü̧ ja̧'wa̧ta̧nü̧ adiwä jueitä ukuokuiyä̧u̧, isoo pä'ü amükuädinä̧tü̧. Jua̧u̧ pä'ü kkä̧nü̧ pä'inä̧tü̧: —¿Pidemä̧ José i̧tti̧ pä'ijümä̧kü̧?

San Marcos 11:32

ja̧'wa̧nü̧ ja̧'a̧nä̧, ttü̧ja̧ wettinä̧ku̧ pätüttümä̧...» Ttü̧ja̧rü̧ ye'ekuätüjä̧. Ttü̧ja̧mä̧ o'katoi'ünä̧ Ju̧a̧-rü̧mä̧, isopäi'ünä̧tä̧ profeta pä'ü ttesetinä̧ku̧, pätta'attü̧.

San Marcos 6:20

Herode-mä̧ surojü jui̧'a̧ adiwä i̧sa̧ pä'ü u̧wo̧jua̧'a̧ttü̧ adiunä̧tä̧ tta̧wä̧ri̧nä̧ku̧. Ja̧'wa̧nü̧ ja̧'a̧ttü̧ Ju̧a̧ jiäu ä̧ju̧kuo̧mȩnä̧mä̧ eseunä̧tä̧ ä̧ju̧kui̧nä̧ku̧, yabokutä ja̧'wa̧nü̧ jä̧ku̧ ä̧ju̧kua̧rü̧ pä'inü̧.

San Marcos 3:6

Ja̧'wa̧nü̧ ja̧'a̧ topü, fariseo wotümä̧ juorü rä'opächü, Herode umüwäyotüku ka̧ka̧ku̧ pȩjä̧mü̧, Jesú-ru kuä'ü ttikua pä'ü, amükuädü kku̧ni̧nä̧tü̧.

San Marcos 1:22

U̧wo̧juȩtü̧ kkä̧kuä̧wä̧ wȩnȩ rü̧ȩnä̧ amükuädinä̧tü̧, ukuo kkü̧nä̧ u̧wo̧juȩti̧yä̧u̧, weäwä wȩnȩ wo̧juȩtä̧tü̧ ttu̧wo̧juȩto̧ko̧mȩ jä'i̧jo̧mȩnä̧.

San Mateo 21:15

Ja̧'wa̧nü̧ aditü ikuiyä̧u̧ sacerdote turuwotü'i̧nä̧ ja̧'wa̧ta̧nü̧ weäwä wȩnȩ wo̧juȩtä̧tü̧'i̧nä̧ ra̧wä̧ri̧nä̧tü̧ ja̧'wa̧ta̧nü̧ ppo̧'ä̧tü̧ Jesú-ru, Ru̧wa̧ Rey Dawi i̧tti̧ weinä̧ku̧ pä'ü wotta'a ä̧ju̧ku̧ ra̧wä̧ri̧nä̧tü̧.

San Lucas 2:47

Ja̧'wa̧nü̧ ja̧'a̧ o'katoi'ünä̧ jua̧u̧ru̧ ä̧ju̧kuä̧rä̧tü̧mä̧, wo̧juȩku̧nä̧ ä̧dä̧tä̧ri̧yä̧u̧ ja̧'wa̧ta̧nü̧ rü̧ȩnä̧ u̧wo̧jui̧yä̧u̧ ¡isoo! pä'ü amükuädinä̧tü̧.

San Juan 7:1

Jua̧u̧ 'kuäopäji o'ka'a Jesú-mä̧ Galirea rȩjȩnä̧ kue'ächinü̧; ja̧'wa̧nü̧ ja̧'a̧nä̧ Judea rȩjȩnä̧mä̧ ü̧ja̧ pä'okü pinü̧, judío kuä'ü ttikua pättäku.

San Juan 7:19

«¿Ukuturu weäwä wȩnȩ iyinü̧mä̧, Moisé-mä̧ jo̧ka̧'a̧ ji̧na̧'a̧ tä̧jí̧? Ja̧'wa̧nü̧ ja̧'a̧nä̧ ukutumä̧ ya̧tȩ'i̧nä̧ jua̧u̧ ukuotokotüjä̧. ¿Tta̧'a̧nü̧ pä'ü kuä'ü kuikuätukua päkuätukuäkusä̧ttü̧?»