San Marcos 11:14 - Nuevo Testamento Uwotjüja

¹⁴ Ja̧'wa̧nü̧ ji̧yä̧ku̧, Jesú-mä̧ higo kuäwäi pätetü pä'inü̧: —¡Yoriso, ya̧tȩ'i̧nä̧, pä'äjita'anü̧ ku̧wä̧ju̧ttü̧mä̧ kuäkuäwokoi jä̧kuäijä̧! Pä'a, ä̧ju̧kui̧nä̧tü̧ u̧wo̧juȩtä̧u̧mä̧.

TÄ̧DO Ä̧CUÄ̧ I̧HUȨNȨ

¹⁴ Ja̧'hua̧ ja̧'a̧ Jesús pä'inödo: —Korotö'inä yoröiso ttucuocoijä cu̧huä̧ju̧mä̧. Ja̧'hua̧nö̧ päomenä, u̧huo̧juȩtä̧u̧mä̧ ä̧ju̧cui̧nä̧tö̧do.

San Marcos 11:14 Referans Kwoze

San Mateo 21:19

Ja̧'wa̧nü̧ ja̧'a̧, higuera dau mä̧nä̧ jäyä kki̧yä̧ku̧, tü'künä̧nü̧ 'chä̧wi̧'ü̧ toomȩnä̧ ojiyätä po̧kui̧pi̧nü̧. Ja̧'wa̧nü̧ po̧kui̧pü̧ higuera dauru pä'inü̧: —¡Yoriso u̧wä̧ju̧mä̧ wȩjo̧koi jä̧kuäijä̧! Päomȩnä̧, yotäku higuera daumä̧ joi'ina̧'a̧.

San Juan 15:6

Ttünä̧ kko̧kü̧rü̧mä̧, ä̧na̧jui̧yä̧ u̧mi̧ do'opü ttikuomȩnä̧, joipächa'a; ka̧ka̧tü̧ okuränä̧ kku ttikua'a jä̧'i̧nü̧'a̧nü̧ jä̧kua̧'a̧.

San Mateo 7:19

O'kajuiyünä̧ dauwiyä u̧wä̧ju̧ adiwäjuei wȩjo̧kü̧ oimä̧, kku̧'u̧ iku okuränä̧ kkuwü ikuäwä ja̧'a̧.

San Mateo 3:10

Ja̧'wa̧ta̧nü̧ i̧da̧pä̧'kȩmä̧, dauwiyä ujukäkänä̧ jo̧mȩnü̧ to̧'ü̧ kku̧nä̧wa̧'a̧ kka̧'a̧, adiwäjuei u̧wä̧ju̧ wȩjo̧kü̧ oi dauwiyä kku̧'u̧ ttikua pä'ü. Ja̧'wa̧nü̧ jü̧ oimä̧ o'kajuiyünä̧tä̧ kku̧'u̧ iku okuränä̧ kku ikuäwä oi ja̧'a̧.

Apocalipsis 22:11

Suronä̧ jȩpü̧mä̧ wä̧i̧nä̧ yabonü̧ suronä̧ jȩpü̧ kkä̧wi̧, surojünä̧ amükuädümä̧ wä̧i̧nä̧ yabonü̧ surojünä̧ amükuädütä kkä̧wi̧ ja̧'wa̧nü̧ ja̧'a̧nä̧ adiu jȩpü̧mä̧ jua'a yabonü̧ adiutä jȩpü̧ kkä̧wi̧ ja̧'wa̧ta̧nü̧ surojü jui̧'a̧mä̧ jua'a yabonü̧ surojü juikuächächünä̧tä̧ jȩpü̧ kkä̧wi̧.»

San Mateo 21:44

Ja̧'wa̧nü̧ ja̧'a̧ttü̧ juo'ki wä̧mȩ ma̧'ü̧mä̧, usurä ȩmä̧wä̧kua̧ ja̧'wa̧ta̧nü̧ juo'ki I̧no̧'ki ma̧ä̧ku̧mä̧ u̧nu̧'kuä̧chi̧'ä̧kua̧.

2 Pedro 2:20

Ja̧'wa̧nü̧ ja̧'a̧ttü̧ tu̧ru̧wa̧ Jesucrito surojüttü tü̧ji̧pü̧nä̧ jȩpü̧rü̧ wo̧juä̧chi̧'ä̧tü̧mä̧, pi̧jä̧ jäwä surojüttü tü'ipächü ttü̧ja̧kui̧na̧'a̧nä̧, ja̧u̧nä̧ jerupächi'ü pä'äjita'anü̧ iyäwätümä̧, jua̧u̧tä̧tä̧ wȩä̧ro̧mȩnä̧, ä'koji suro ttino̧mȩttü̧'i̧nä̧ yabonä̧nü̧ wotü.

San Mateo 21:33

Kkoro wȩnȩtü̧ jiäwinü̧, ä̧ju̧kuä̧tu̧kui̧: Ya̧tȩ isode u̧ru̧wa̧ uwa pätta kku̧ni̧nü̧, kku̧nä̧ji̧'ka̧ jäyänä̧ tto'epinü̧; ja̧'wa̧ta̧nü̧ Vino isoya adikuäkuomȩ'i̧nä̧ jo̧mȩnü̧ jȩpü̧ kku̧nu̧, o'kajuiyünä̧ wä̧nü̧ to̧ä̧rä̧kuäwäkä'i̧nä̧ jo̧mȩnü̧ äräbe'ü kku̧ni̧pü̧. Ttaditü mikuä, mitäu kkä̧nü̧ ttadita pä'ü adikuä isotürü we'ipü kkara'a otó i̧wi̧nü̧.

San Marcos 11:13

Ja̧'wa̧nü̧ ja̧'a̧, higo kuäwäi, ojiyä kkäi, otó kka̧'a̧ topü, juäiku 'chä̧wi̧'i̧nü̧ u̧wä̧ju̧'i̧nä̧ a̧'u̧ku̧nä̧ wȩjü̧'a̧nü̧ ja̧ pä'ü; i̧'chi̧'o̧mȩnä̧, suro ojiyätä po̧kui̧pi̧nü̧, u̧wä̧ju̧ wȩjü̧ pä̧nä̧ jo̧ka̧'a̧ttü̧.

San Marcos 11:15

Jerusarȩ́ ütawiyära̧'a̧ tti̧'chi̧'ä̧ji̧ o'ka'a, Jesú-mä̧ Dio-rü ukuokuäkuäwodenä̧ do'ächi'ü iyä'chü kka̧kuä̧tü̧rü̧'i̧nä̧, ȩmü̧ kka̧kuä̧tü̧rü̧'i̧nä̧ ya'äu iku kkä̧nü̧; ttü̧ja̧rü̧ pärätä pärowä'chätü ttiäre mesa odiyä'i̧nä̧ kkisäu ikuinü̧ ja̧'wa̧ta̧nü̧ u̧nu̧ku̧tu̧ iyä'chätü ttideäkiyä'i̧nä̧ ja̧'wa̧nü̧tä̧ jȩpi̧nü̧.