San Marcos 10:43 - Nuevo Testamento Uwotjüja

⁴³ Ja̧'wa̧nü̧ ja̧'a̧nä̧, ukututtümä̧ ja̧'wa̧nü̧mä̧ jo̧ka̧'a̧ jä̧kua̧'a̧. Jua̧u̧ ja̧jü̧ jueimä̧, ukututtü ya̧tȩ uruwo u̧ju̧nä̧ra̧ pä'ümä̧, ukutu ku̧mü̧wä̧ya̧tu̧ku̧ jä̧kua̧.

TÄ̧DO Ä̧CUÄ̧ I̧HUȨNȨ

⁴³ Ja̧'hua̧nö̧ jo̧ca̧'a̧ jä̧cua̧ ucututtu. Ucututtu ya̧tȩ adihuä i̧sa̧ ö̧ja̧ päöttömä, korotörö ppä̧dä̧cua̧.

San Marcos 10:43 Referans Kwoze

San Lucas 14:11

Ja̧'wa̧nü̧ ja̧'a̧ttü̧ a̧mü̧nä̧ pa̧ja̧tü̧ chutä ukuo rü̧'ä̧dä̧kuä̧u̧mä̧, jui'ädü ikuäwä̧kua̧; ja̧'wa̧ta̧nü̧ chutä a̧mü̧nä̧ pa̧ja̧tü̧ ukuo jui'ädäkuäurumä̧, 'cha'adü kku̧nä̧wä̧kua̧'a̧.

San Marcos 9:35

Ja̧'wa̧nü̧ jä̧ji̧ o'ka'a, Jesú-mä̧, pä̧mä̧dü̧ ttü̧jä̧pü̧ttü̧ ta̧ju̧nü̧ wotürü, wopo'ü pä'inü̧: —Ya̧tȩ, ukututtü ji̧nä̧so ukuo i̧sa̧ ja̧ päüttümä̧ o'katoi'ünä̧ttü̧ rüjinä̧ i̧sa̧ jä̧kua̧, o'katoi'ünä̧rü̧tä̧ ppädäkuäwä i̧sa̧ jä̧kua̧.

San Lucas 9:48

päinä̧u̧: —Ttü chi̧mi̧nä̧ pide ji̧'ki̧cha̧wa̧rü̧ do'ädümä̧, ttürü'i̧nä̧ do'ädü; ja̧'wa̧ta̧nü̧ ttürü do'ädürümä̧, ttürü we'inü̧rü̧'i̧nä̧ do'ädü. Ja̧'wa̧nü̧ ja̧'a̧ttü̧ ukutu o'katoi'ünä̧ttü̧ ji̧'ki̧cha̧wa̧mä̧, jua̧u̧ jä̧kua̧'a̧ ku̧wä̧mȩtu̧ku̧nä̧ ukuo i̧sa̧mä̧.

Romanos 12:2

Jitä pä̧nä̧, pi̧jä̧ ttü̧ja̧ tta̧mü̧kuäda'akumä̧ ku̧ja̧kuä̧tu̧kuä̧; ja̧'wa̧nü̧ ja̧jü̧jueimä̧, pärokua'aku ku̧wo̧jui̧'ä̧tu̧kua̧'a̧ku̧tä̧ pärowächätukui, jȩpü̧ ku̧jä̧tu̧ku̧'i̧nä̧ pärowächünä̧ Dio-rü pä̧wä̧rü̧jü̧, Dio eseu, jo̧mȩnü̧ adiwä juei ku̧wo̧juä̧tu̧kuä̧kua̧'a̧nü̧.

Gálatas 5:13

Chawaruwä chi̧jä̧wa̧tü̧, 'chu̧ä̧rü̧ juiyünä̧ ku̧jä̧tu̧kua̧ pä'ü woinä̧u̧jä̧. Ja̧'wa̧nü̧ ja̧'a̧nä̧, jua̧u̧ 'chu̧ä̧ro̧kü̧nä̧ kkä̧nü̧mä̧ kuidepätuku wea'aku jȩpü̧ ku̧ja̧kuä̧tu̧kuä̧. Pärokuänä̧tä̧, yotukunä̧ eseu repe'äkuäutä kka̧kuä̧tu̧kui̧.

San Juan 18:36

Jesú-mä̧ ädätinü̧: —Ttü wedü churuwomä̧ pi̧jä̧ jäwämä̧kü̧; ttü wedü pi̧jä̧ jäwä jü̧ttü̧mä̧, chumüwäyotü rowäwajatü, judío-rü iyü ttiku juiyattü pä'ü; ja̧'wa̧nü̧ ja̧'a̧nä̧ ttü churuwo wedümä̧ pi̧jä̧ jäwämä̧kü̧.

San Lucas 18:14

Isopäi'ünä̧ pädäu̧jä̧: Pide Roma-ra̧'a̧ weäwä pärätä ka̧ka̧kuä̧ i̧sa̧ päjimä̧, surojü jui̧'a̧ jü̧nä̧, Dio jȩpü̧ ikuäjäkutä i̧wi̧nü̧ ojusodera̧'a̧ku̧mä̧; isopäi'ünä̧, ya̧tȩ a̧mü̧nä̧ pa̧ja̧tü̧ ukuo te'äkuäu ä̧rä̧mü̧rü̧mä̧, ukuo ȩmü̧ i̧kuä̧wä̧kua̧. Ja̧'wa̧ta̧nü̧ a̧mü̧nä̧ pa̧ja̧tü̧ ukuo teäkuäwoka'a, rekuä rü̧jä̧ku̧ jü̧nä̧ amükuädäkuäurumä̧, ukuo iyü äräbe'ä̧kuä̧wä̧kua̧.

San Marcos 10:42

Ja̧'wa̧nü̧ ji̧yä̧ku̧, Jesú-mä̧ juätürü wopo'ü pä'inü̧: —Ukutumä̧ wo̧juä̧tü̧jä̧, judío pokotürü ruwotü we'ätümä̧, ttü̧ja̧rü̧ kkȩdä̧rü̧ jä̧'i̧nü̧'a̧nü̧tä̧ we'ätü ja̧'wa̧ta̧nü̧ juätü we'ätümä̧, jua'a yabo juätürü'i̧nä̧ tturuwotü ttu̧wä̧mȩnä̧ wȩttä̧u̧.

San Marcos 10:44

Ja̧'wa̧ta̧nü̧, ukututtü ä̧kuo̧mȩnä̧ i̧sa̧ päi'a, pä'ümä̧, o'katoi'ünä̧ ttu̧mü̧wä̧ya̧ jä̧kua̧.

San Lucas 22:26

Ja̧'wa̧nü̧ ja̧'a̧nä̧, ukutumä̧ ja̧'wa̧nü̧mä̧ jȩpo̧ko̧tü̧ kuäkuotüjä̧. Ukututtü ku̧wä̧mȩtu̧ku̧nä̧ wa̧mä̧, i̧dȩa̧'a̧nä̧ wa̧ jü̧nä̧ kuäkuotüjä̧ ja̧'wa̧ta̧nü̧ wea pä'ü wa̧mä̧, ttu̧mü̧wä̧ya̧ 'kua̧rü̧nä̧tä̧ aditi.