San Marcos 1:8 - Nuevo Testamento Uwotjüja

⁸ Ttümä̧, ajiyanä̧tä̧ bautizo jȩchä̧'i̧jä̧u̧jä̧; ja̧'wa̧nü̧ ja̧'a̧nä̧, Jua̧u̧mä̧, Epíritu Sa̧tu̧nä̧ bautizo jȩä̧kuä̧u̧jä̧.

TÄ̧DO Ä̧CUÄ̧ I̧HUȨNȨ

⁸ Ttömä ajiyanätä bautizando jȩpä̧ji̧sä̧ ucuturu. Ja̧'hua̧nö̧ ja̧'a̧nä̧ chutä ucuturu bautizando jȩä̧cua̧ Espíritu Santocu, —pä'inödo.

San Marcos 1:8 Referans Kwoze

Hechos 1:5

Isopäi'ünä̧ Ju̧a̧-mä̧ ajiyanä̧tä̧ bautizo jȩpi̧nü̧, ja̧'wa̧nü̧ ja̧'a̧nä̧ a̧'u̧kua̧'a̧tä̧ mo̧ro̧ o'ka'a ukutumä̧ Epíritu Sa̧tu̧nä̧ bautizo jȩä̧kuä̧u̧jä̧.

1 Corintios 12:13

Ujututtümä̧ judío'i̧nä̧, judío pokotü'i̧nä̧, Grecia ttü̧ja̧'i̧nä̧, esclavo jü̧nä̧ ttumüwäyotü'i̧nä̧, esclavo jü̧nä̧ ttu̧wo̧juȩtä̧u̧ pokotü'i̧nä̧ ji̧nä̧ yotütetä päti'ünä̧, Epíritu-nä̧ bautizo jȩpä̧kuä̧wi̧nä̧tü̧jä̧, ji̧yȩtȩ igresia päti'ünä̧, ji̧nä̧ yotüte wotütä, ji̧nä̧ ya̧tȩ Epíritu Sa̧tu̧rü̧ iyinä̧u̧jä̧ Dio-mä̧.

Hechos 10:45

Circuncisión pättü ukuotä'ijätü Peduru-ku ichäjätümä̧, to̧o̧ to̧pä̧ri̧nä̧tü̧ Epíritu Sa̧tu̧mä̧ judío pokotürü'i̧nä̧ ü̧jä̧mä̧dü̧nä̧ iyäwi'a'ati̧ pä'ü.

Hechos 2:4

Ja̧'wa̧nü̧ päi'omȩnä̧ Epíritu Sa̧tu̧ jäwä jo̧mȩnü̧ pätti'a'attü, kkorotü tti̧wȩnȩnä̧ ukuokuinä̧tü̧; Epíritu ttukuokua pä'ü iyü'akuä̧.

Hechos 2:17

Dio-mä̧ pä'inü̧, rüjí mo̧ro̧ päi'omȩnä̧mä̧, pi̧jä̧ ttü̧ja̧ o'katoi'ünä̧rü̧ chi̧yä̧kua̧sä̧ ttü i̧sa̧ Epíritu Sa̧tu̧rü̧ jo̧mȩnü̧; ja̧'wa̧nü̧ jo̧mȩnä̧ kui̧tti̧mü̧tu̧ku̧ u̧mä̧tü̧'i̧nä̧, nä̧tü̧'i̧nä̧ chi̧wȩnȩ jittäwäkuotü; ja̧'wa̧ta̧nü̧ mü̧ä̧yotü'i̧nä̧ Dio i̧jȩpü̧ tottäkuotü ja̧'wa̧ta̧nü̧ büäkuätümä̧ ttu̧'kuo̧ti̧nä̧ tottäkuotü;

San Mateo 3:11

Isopäi'ünä̧ ttümä̧, Dio-ku ppa̧kuä̧chä̧tu̧kua̧'a̧ kui̧jȩkuä̧tu̧kua̧ pä'ümä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧ ttü cho'komȩnä̧ ichümä̧ Epíritu Sa̧tu̧nä̧'i̧nä̧, okurä jäwänä̧'i̧nä̧ bautizo jȩä̧kua̧. Jua̧u̧mä̧ ttüttü'i̧nä̧ abonä̧nü̧ ujuru kku̧nä̧rü̧, jua̧u̧ ü̧jä̧pü̧ isäya chȩpü̧ juiyü'anü̧'i̧nä̧ wa̧sä̧.

San Marcos 1:7

Jua̧u̧mä̧ pa̧'a̧nü̧, ji'äwinü̧: Ttü cho'ka'anä̧ ya̧tȩ ichü. Jua̧u̧mä̧ ttüttü'i̧nä̧ abonä̧nü̧ uruwo kku̧nä̧rü̧. Jua̧u̧ ü̧jä̧pü̧ isäya isappä'i̧nä̧ ja̧rȩyu̧ pä'i'ümä̧ chejädü juiyü'anü̧ wa̧sä̧.

San Marcos 1:9

Ji̧yȩnü̧ mo̧ro̧, Jesú-mä̧ Galirea rȩjȩnä̧ttü̧, Nazare ütawiyättü rä'opächü i̧'chä̧ja̧'a̧, i̧rȩbȩwi̧'o̧mȩnä̧, Ju̧a̧-mä̧ Jordán ajettü bautizo jȩi̧nä̧ku̧.

San Lucas 3:16

Jua̧u̧ topü Ju̧a̧-mä̧ päinä̧u̧: Ttümä̧, isopäi'ünä̧ ukuturumä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧, ttüttü'i̧nä̧ abonä̧nü̧ ujuru kku̧nä̧rü̧ ichü; jua̧u̧ ü̧jä̧pü̧ isäya isappä chejädü juiyü'anü̧ wa̧sä̧. Jua̧u̧tä̧tä̧ jä̧kua̧'a̧ ukuturu Epíritu Sa̧tu̧nä̧'i̧nä̧, okuränä̧'i̧nä̧ bautizo jȩä̧kuä̧mä̧.

San Juan 1:26

Pättäku Ju̧a̧-mä̧ ädätinä̧u̧: —Ttümä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧ ku̧'kä̧tȩtu̧ku̧nä̧ kkü̧ kuieruwätukuäku.

San Juan 1:33

Ja̧'wa̧ta̧nü̧ ttütä'i̧nä̧ chieruwinä̧ku̧; ja̧'wa̧nü̧ ja̧'a̧nä̧ ajiyanä̧ bautizo jȩcha̧ pä'ü we'inü̧mä̧, päinä̧ku̧sä̧: «Epíritu mȩyȩwi̧'ü̧ ü̧jä̧mä̧da̧'a̧ to'kuäku jä̧kua̧'a̧, Epíritu Sa̧tu̧nä̧ bautizo jȩä̧kua̧mä̧.»