San Marcos 1:35 - Nuevo Testamento Uwotjüja

³⁵ Pä'ü mo̧ro̧ juoa'a, ji̧nä̧ yo̧a̧'a̧nä̧, Jesú-mä̧ ütawiyättü rä'opächü, ttü̧ja̧ toächomȩku̧, Dio-rü ukuoku 'chi̧nü̧.

TÄ̧DO Ä̧CUÄ̧ I̧HUȨNȨ

³⁵ Koro mo̧ro̧ juomenä, ji̧nä̧ yo̧a̧'a̧nä̧, Jesús ä̧rä̧mi̧'ö̧ ötahuiyättö rä'opinödo kara'a ttö̧ja̧ tomecu 'chä̧nö̧ Diosrö ucuocua pä'ö.

San Marcos 1:35 Referans Kwoze

San Lucas 6:12

Ji̧yȩnü̧ mo̧ro̧, Jesú-mä̧ mü̧ä̧'kara̧'a̧ Dio-rü ukuoku 'chä̧ji̧'ka̧, yodó 'kuäo'ünä̧ ukuokuinü̧.

Efesios 6:18

'Kuäopünä̧tä̧ Dio-rü ukuokuätukui: Epíritu-nä̧ ajuäkuäunü̧ jä'epätukui; ji̧nä̧yo̧mȩtȩnä̧, 'kuäkuächi'ätukuoka'a'i̧nä̧, kuä'i'ätukuoka'a'i̧nä̧ ukuokuätukui o'katoi'ünä̧ Dio ȩmi̧nä̧u̧ru̧mä̧.

San Lucas 5:16

Ja̧'wa̧nü̧ ja̧'a̧nä̧ Jesú-mä̧, 'kuäopünä̧tä̧ Dio-rü ukuoku 'chä̧nü̧ ttü̧ja̧ tomȩku̧ 'kȩ'i̧pä̧chä̧ri̧nü̧.

Hebreos 5:7

Crito pi̧jä̧nä̧ ü̧ji̧nü̧mä̧, Dio-rü rü̧ȩnä̧ ujuruku ukuoku ajuäkuäwinü̧ i̧'chȩrȩjaku, wa'arettü rä'epü ikuäwä ujuru kku̧nä̧rü̧rü̧, jua̧u̧ttü̧ rä'epü ikuarü pä'ü; ja̧'wa̧nü̧ ja̧'a̧mä̧ ä̧ju̧kui̧nä̧ku̧ ye'ekunü̧ ukuotomȩttü̧.

San Juan 6:15

Ja̧'wa̧nü̧ ja̧'a̧nä̧, tu̧ru̧wa̧ Rey päi'ünä̧, jȩtta̧rü̧ pä'ü ȩmü̧ ttichäkua'a wo̧jui̧'ü̧, kkatätä mü̧ä̧'kara̧'a̧ 'chi̧nü̧.

San Mateo 14:23

Ttü̧ja̧ rekuäjätürü we'ü ikuäji̧'ka̧, Jesú-mä̧ mü̧'ä̧'kara̧'a̧ kkatätä 'cha'ächinü̧ Dio-rü ukuoku 'chä̧nü̧. Jua'atä ni̧'ȩkuä̧chä̧ji̧'ka̧ kkatätä kki̧nü̧,

Filipenses 2:5

Crito amükuädinü̧ta̧'a̧nü̧, ukutu'i̧nä̧ ji̧nä̧ ji̧yȩtȩ amükuädü kka̧kuä̧tu̧kui̧,

San Juan 4:34

Jesú-mä̧ päinä̧u̧: Ttü chu̧kuȩmä̧, Ttürü we'inü̧rü̧ pä̧wä̧rü̧jü̧ jȩä̧kuä̧wä̧ ja̧'a̧ ja̧'wa̧ta̧nü̧ aditäwä kädäda pä'ü.

San Mateo 14:13

Jesú-mä̧ Ju̧a̧ toeächäji jittäwa'a ä̧ju̧kui̧'i̧pü̧tä̧, juorümä̧ woi'kanä̧ rä'opächü 'chi̧nü̧ dȩ'a̧ra̧'a̧ ttü̧ja̧ tomȩku̧. Ja̧'wa̧nü̧ i̧'chä̧ja̧'a̧ ä̧ju̧ku̧ ttü̧ja̧mä̧ ütawiyä pünä̧ttü̧ rä'opü rȩjȩnä̧ rutti'inä̧ku̧.

San Marcos 1:36

Ja̧'wa̧nü̧ i̧'chä̧ja̧'a̧, Simón-mä̧ awaruwäku, Jesú-ru usú 'chi̧nü̧.