San Marcos 1:27 - Nuevo Testamento Uwotjüja

²⁷ Jua̧u̧ topü, o'katoi'ünä̧, ye'ünä̧nü̧, yotukunä̧ jä̧'ȩpä̧rä̧kuä̧wi̧nä̧tü̧: —¿Pi̧yȩmä̧ däjejä̧ttü̧? ¿Jareünä̧ kkä̧kuä̧wä̧ u̧wo̧juȩtü̧mä̧? ja̧'wa̧ta̧nü̧ ¿ujuruku weümä̧? ¿juiyo, epíritu suropätü'i̧nä̧ ttukuotünä̧ weümä̧?

TÄ̧DO Ä̧CUÄ̧ I̧HUȨNȨ

²⁷ O'ca toi'önä ye'inätödo. Ja̧'hua̧ ja̧'a̧ pä'ähuinätödo ka̧ra̧ ka̧ra̧nö̧: —Pi̧yȩmä̧, ¿däjejo? ¿Däje huȩnȩ pi̧yȩ jareö huȩnȩmä̧? Pide ubomä espíritus suropätörö hueähuänä ju̧ru̧hua̧. Hueö ta'anö jȩpä̧tö̧.

San Marcos 1:27 Referans Kwoze

San Lucas 9:1

Jesú u̧wo̧juȩtä̧u̧ doce-nü̧ wotürü ka̧ka̧tä̧ji̧'ka̧, ttujuru iyinä̧u̧, epíritu-tu̧ suropätürü rä'epü ttikua pä'ü'i̧nä̧ ja̧'wa̧ta̧nü̧ ttumä̧richei na̧ttä̧chü̧ aditü ttikua pä'ü'i̧nä̧, jü̧nä̧.

San Marcos 7:37

Isoo pä'ü kkä̧nü̧ pä'inä̧tü̧; o'kajuiyünä̧tä̧ adiu jȩpü̧, ä̧ju̧kuo̧ko̧tü̧rü̧'i̧nä̧ ttä̧ju̧ku̧nä̧tä̧ ja̧'wa̧ta̧nü̧ tti̧wȩnȩ jui'ätürü'i̧nä̧ ttukuokunä̧tä̧ jȩa̧'a̧ttü̧, pä'inä̧tü̧.

San Mateo 15:31

Ttü̧ja̧mä̧ to̧o̧ to̧ttä̧rü̧nä̧tä̧ päi'ünä̧ ukuokuokotü päjätümä̧ ukuokuinä̧tü̧, ttidepättü ji̧yȩtȩ jui'ätü'i̧nä̧ adiwächinä̧tü̧, ppi̧sä̧ ppi̧sä̧ 'chä̧jä̧tü̧'i̧nä̧ adiu kue'ächinä̧tü̧ ja̧'wa̧ta̧nü̧ ä̧to̧kä̧jä̧tü̧'i̧nä̧ topinä̧tü̧. Ja̧'wa̧nü̧ ji̧yä̧u̧ Irae ttü̧ja̧ ttü̧ä̧nä̧wa̧ Dio-rütä esewinä̧tü̧.

San Mateo 9:33

Jesú epíritu su̧ro̧pa̧rü̧ rä'epü ikuomȩnä̧; i̧wȩnȩ jui'äjimä̧ jua̧u̧nu̧tä̧ kkä̧mä̧dü̧ ukuokuinü̧. Ukuokuiyä̧u̧ ttü̧ja̧mä̧ rü̧ȩnä̧ amükuädünü̧ pä'inä̧tü̧: —¡Iraettümä̧ pa̧'a̧nü̧ jü̧mä̧ yorisotä topokotü pä'ijätüjä̧!

San Lucas 4:36

Ja̧'wa̧nü̧ päi'i̧yä̧u̧ o'katoi'ünä̧, ye'ünä̧nü̧ pä'äkuäwinä̧tü̧: —¿Pi̧yȩmä̧ ti̧yȩ wȩnȩjä̧ttü̧, ujuruku i̧wȩnȩku̧ weomȩnä̧'i̧nä̧ epíritu suropätü'i̧nä̧ rättächünä̧, jü̧mä̧?

San Marcos 10:32

Ja̧'wa̧ta̧nü̧, Jerusarȩ́-ra̧'a̧ku̧ tti̧'cho̧mȩnä̧, Jesú-mä̧ u̧wo̧juȩtä̧u̧ ttä'kanä̧ 'chi̧nü̧. Juätümä̧, rü̧ȩnä̧ amükuädinä̧tü̧ ja̧'wa̧ta̧nü̧ o'ka'anä̧ 'chä̧tü̧mä̧ ye'ekuinä̧tü̧. Ttü̧jä̧pü̧ttü̧ ta̧ju̧nü̧ wotü, u̧wo̧juȩtä̧u̧rü kkoromȩku̧ o'ipächü pä'äji ta̧'a̧nü̧ churutä 'kuäopä̧kuȩ ji̧ä̧wi̧nä̧u̧:

San Marcos 10:24

Ja̧'wa̧nü̧ pä'a ä̧ju̧ku̧ u̧wo̧juȩtä̧u̧mä̧ ¡rü̧ȩnä̧ amükuädinä̧tü̧! ja̧'wa̧nü̧ ji̧yä̧ku̧ Jesú-mä̧ pä'äjita'anü̧ päinä̧u̧: —Chi̧tti̧mü̧, ¡ja̧'wa̧nü̧ 'kiya'a tä̧jí̧ pärätänä̧ tta̧'kua̧ wȩnä̧rä̧tü̧ ru̧wa̧ Dio weomȩ dottächa pä'ümä̧!

San Mateo 8:9

Isopäi'ünä̧, ttütä'i̧nä̧ chumüwäyotürü kku̧nä̧rü̧sä̧, su̧ro̧do̧u̧ru̧mä̧. Juätüttü, ya̧tȩrü̧ jua'a täi, poku ichi pädomȩnä̧mä̧ jua̧'a̧nü̧tä̧ jȩpä̧tü̧.

San Marcos 1:26

Woi'omȩnä̧, ü̧jä̧ku̧mä̧, ttiriri päi'ünä̧ tti̧ä̧wi̧pa̧'a̧nä̧, epíritu su̧ro̧pa̧mä̧ jua̧u̧ttü̧ pä̧i̧ku̧nä̧ wopü kkä̧nü̧ rä'opächinü̧.

San Marcos 1:28

Ja̧'wa̧nü̧ aditomȩnä̧, yotäku, Jesú ütü'kümä̧ Galirea rȩjȩ o'kajuiyünä̧ ukuowi'ina̧'a̧.

San Marcos 16:5

Ja̧'wa̧nü̧ ja̧'a̧, wa'are idoränä̧ dottächi'omȩnä̧, mü̧ä̧ya̧ ü̧'ka̧tä̧wä̧ta̧ tȩä̧ta̧ otoünä̧ 'ka̧tä̧u̧ru̧, wa'are pä̧jä̧mȩ u̧wo̧jua̧'a̧ku̧nä̧ ü̧'a̧'a̧ topinä̧tü̧. Ja̧'wa̧nü̧ ü̧'a̧'a̧ topü, nä̧tü̧mä̧ rü̧ȩnä̧ ye'inä̧tü̧.

San Marcos 16:6

Ja̧'wa̧nü̧ ja̧'a̧nä̧, päinä̧u̧: —Yekuekuätukuä, Jesú Nazare ütawiyä i̧sa̧rü̧ ü̧jo̧kä̧nü̧ jäinä̧ kku̧nu̧, kuä'ü ttikuäjäkuru usätüjä̧; jua̧u̧mä̧, tto'ächäji, pȩnȩ́ ttütäjomȩmä̧ toa'a, topätukui.

Hechos 17:19

Ja̧'wa̧nü̧ ja̧'a̧, Areópago pä'ü mikuomȩku̧ ȩmi̧pü̧, pättinä̧ku̧: —¿Tu̧wo̧jui̧pü̧nä̧ ji'äwitü, ti̧yȩjä̧ttü̧ ji̧nä̧so ji̧yȩtä̧ kkä̧kuä̧wä̧ wȩnȩ jikuäumä̧?