San Marcos 1:24 - Nuevo Testamento Uwotjüja

²⁴ —¿Tta̧'a̧nü̧ pä'ü, uku Jesú Nazare ttü̧ja̧sa̧mä̧, ujuturu mȩ'o̧pä̧rü̧ ichüjä̧ttü̧? ¿be'epäjipü iku kui̧chä̧jä̧u̧jä̧ tä̧jí̧? ukurumä̧, Dio ȩmi̧nä̧ku̧ pä'ü wo̧jua̧sä̧.

TÄ̧DO Ä̧CUÄ̧ I̧HUȨNȨ

²⁴ —Jesús, Nazaret i̧sa̧, ¿däje jȩpö̧ cuichäjättö ujuturu? ¿Ujuturu be'epäjipö icu ichäjijä tä̧ji̧? Ttö chu̧huo̧juä̧cu̧jä̧. Ucumä Diosttö adihuä i̧sa̧jä̧, huo̧jua̧sä̧.

San Marcos 1:24 Referans Kwoze

San Mateo 8:29

Juätümä̧ pä̧i̧ku̧nä̧ wopinä̧tü̧: —¡Dio I̧tti̧mä̧ toku pä'ü jȩ'kua̧'a̧jä̧ttü̧, ujuturumä̧! ¿Ji̧nä̧ rüjí mo̧ro̧, ro̧ȩkuä̧kuȩ mo̧ro̧ päi'oka'anä̧ usurä tȩmä̧u̧nä̧ ro̧'ȩpü̧ kuichäja'a tä̧jí̧?

Santiago 2:19

Dio-mä̧ ya̧tȩtä̧ ja̧'a̧ pä'ü esetüjä̧, ja̧u̧ kuesetümä̧ adiwa'a; ja̧'wa̧ta̧nü̧ ä̧wȩttü̧'i̧nä̧ esetü ye'ekumä̧ ttü̧'ä̧wä̧tü̧.

San Lucas 4:34

Ja̧'a̧tä̧ topitü; ¿Däjé jȩ'kua̧ päkuätüttü̧ ujuturumä̧, Jesú Nazare ttü̧ja̧sa̧mä̧? ¿Ujuturu Be'epäjipü kuichäja'a? ukurumä̧ wo̧jua̧sä̧: Dio i̧sa̧ Sa̧tu̧ pä'ümä̧.

Hechos 3:14

Ukutumä̧ surojü jui̧'a̧rü̧, adiwä wȩnȩnä̧ kkü̧rü̧ iyü iku, jä'epinätü̧jä̧ ttü̧ja̧rü̧ kuäwä i̧sa̧rü̧tä̧.

Apocalipsis 3:7

«Ja̧'wa̧ta̧nü̧ Firadefia-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü surojü jui̧'a̧mä̧ ja̧'wa̧ta̧nü̧ jueü wȩnȩ ukuokumä̧, ru̧wa̧ Dawi üäre yäwi kku̧nä̧rü̧mä̧, bawepomȩnä̧'i̧nä̧ ya̧tȩ'i̧nä̧ mü̧'ȩpü̧ juiyünä̧ wa̧mä̧ ja̧'wa̧ta̧nü̧ mü̧ȩpo̧mȩnä̧'i̧nä̧ ya̧tȩ'i̧nä̧ bawepü juiyünä̧ wa̧mä̧ pä'ü:

Hechos 2:27

Isopäi'ünä̧ ukumä̧ wa'arenä̧mä̧ kuikuipokoku chä̧kua̧sä̧ ja̧'wa̧ta̧nü̧ kuemi̧nä̧ku̧ cha'attü surojü tochünä̧mä̧ jȩ'kuo̧ko̧ku̧ chä̧kua̧sä̧.

San Lucas 8:28

Jua̧u̧mä̧, Jesú-ru topo'ü, ä'ka jo̧mȩ iwe'kiyunä̧, pä̧mä̧dü̧, wopinü̧: —¿Däjé jȩchä̧'i̧jä̧ku̧ttü̧ ukú, mo̧ro̧jä̧ Ru̧wa̧ Dio i̧tti̧rü̧mä̧? Ukuru jä'epüsä, usurä chȩmä̧u̧nä̧ jȩ'ku̧ juiyattü̧ pä'ü.

San Marcos 5:7

wopi'ünü̧ pä'inü̧: —¡Mȩkuo̧pä̧rä̧ttü̧, Dio, mo̧ro̧jä̧ Ru̧wa̧ I̧tti̧, Jesú-mä̧, usurä chȩmä̧u̧nä̧mä̧ jȩ'kuä̧ttü̧, Dio i̧mi̧nä̧ jädepäkujä̧!,

San Juan 6:69

Ja̧'wa̧nü̧ ja̧'a̧ttü̧, ujutumä̧ täkü esetinä̧tü̧jä̧, ukumä̧ Dio kkü̧ i̧tti̧jä̧ pä'ü.

San Lucas 1:35

Päjäku á̧gȩ-mä̧ ädätinä̧kua̧: —Epíritu Sa̧tu̧ ukuru ichü ü̧jä̧mä̧dä̧kua̧. Ja̧'wa̧nü̧ jo̧mȩnä̧ Mo̧ro̧jä̧ Ru̧wa̧ ujuru a̧'kua̧juä̧nä̧ 'ka̧tä̧chi̧'ä̧kua̧ju̧jä̧. Ja̧'wa̧nü̧ ja̧'a̧ttü̧ ji̧'ki̧cha̧wa̧ u̧wä̧pä̧chä̧kua̧mä̧ Dio i̧tti̧, surojü jui̧'a̧ pä'ü o̧ttä̧kua̧.

Hechos 24:5

Pide ütü'kü wo̧jui̧'i̧nä̧tü̧jä̧ pi̧jä̧ o'kajuiyünä̧, ttü̧ja̧rü̧ surojuoepümä̧ ja̧'wa̧ta̧nü̧ judío-rü rowäkuäu 'kȩttȩkuä̧chü̧nä̧ aditü'i̧nä̧, nazarenos ttu̧ru̧wa̧ jü̧nä̧ aditü kue'ächü jȩa̧'a̧mä̧.

Hechos 4:27

«Isopäi'ünä̧ ukú kui̧tti̧ surojü jui̧'a̧rü̧ suronä̧ jȩtta̧ pä'ü ka̧ka̧kui̧nä̧tü̧, Herodes'i̧nä̧, Poncio Pilato'i̧nä̧, Irae ttü̧ja̧ wokotü'i̧nä̧, Irae ttü̧ja̧'i̧nä̧, jü̧nä̧.

San Lucas 24:19

Pättäku päinä̧u̧: ¿Däjé 'kuäopäja'akuä̧ttü̧? Jesú, Nazare i̧sa̧ ütü'kü. Jua̧u̧mä̧ profeta winü̧, jȩü̧'i̧nä̧, Dio i̧wȩnȩ ukuoku'i̧nä̧, ttü̧ja̧ ttä'kattü'i̧nä̧ jü̧nä̧tä̧;

San Mateo 2:23

Juä̧jä̧ rȩjȩnä̧ 'chä̧wi̧'ü̧mä̧, Nazare ütawiyänä̧ idepiyu päi'ünä̧ kkä̧mä̧di̧nü̧. Jua'amä̧ profetas pättinü̧ta̧'a̧nü̧ 'kuäopa'attü, pa̧'a̧nü̧ pä'inä̧tü̧: «Jesú-mä̧ nazare ütawiyä ttü̧ja̧sa̧ pä'ü i̧mi̧kuä̧kua̧.»

San Lucas 8:37

Ja̧'wa̧nü̧ jȩä̧ji̧yä̧u̧, ye'i'äjä'kotü, Gerasa rȩjȩ jäyänä̧ kka̧kuä̧tü̧'i̧nä̧, ttü̧ja̧mä̧ o'katoi'ünä̧tä̧ Jesú-ru tti̧rȩjä̧ttü̧ räopächünä̧ pättinä̧ku̧. Ja̧'wa̧nü̧ we'ü ttikuäku Jesú-mä̧ woi'kanä̧ pä̧mä̧dü̧ ppa̧'ä̧chi̧nü̧.

San Marcos 1:23

Juode, sinagoga isodettü, ya̧tȩ epíritu su̧ro̧pa̧ ü̧jä̧ku̧, wopinü̧:

San Marcos 1:25

Ja̧'wa̧nü̧ woäku, jua̧u̧ ttü̧ja̧sa̧nä̧ kkü̧ epíritu su̧ro̧pa̧rü̧ Jesú-mä̧ ujuruku wopi'inü̧: —¡'Koruchi'i! ¡jua̧u̧ ku̧jä̧ku̧ttü̧ rä'opächi!, jü̧nä̧.

San Marcos 10:47

Ja̧'wa̧nü̧ ü̧'a̧'a̧, Nazare ttü̧ja̧sa̧, Jesú ichü pätta'a ä̧ju̧ku̧, wopipinü̧: —¡Dawi i̧tti̧, Jesú, rȩrü̧jü̧ topittü! jü̧nä̧.

San Marcos 14:67

ichi'opo'ü, Peduru-rü okurä tä̧nü̧ ü̧'ja̧'a̧ topü, to̧o̧ to̧jä̧ra̧'a̧ttü̧ päjinä̧ku̧: —Uku'i̧nä̧, nazare i̧sa̧jä̧, Jesú-ku kue'ächä'ijü̧jä̧.

San Marcos 16:6

Ja̧'wa̧nü̧ ja̧'a̧nä̧, päinä̧u̧: —Yekuekuätukuä, Jesú Nazare ütawiyä i̧sa̧rü̧ ü̧jo̧kä̧nü̧ jäinä̧ kku̧nu̧, kuä'ü ttikuäjäkuru usätüjä̧; jua̧u̧mä̧, tto'ächäji, pȩnȩ́ ttütäjomȩmä̧ toa'a, topätukui.

1 Juan 2:20

Ja̧'wa̧nü̧ ja̧'a̧nä̧, ukuturumä̧, Dio I̧tti̧ Jesucrito-mä̧ Epíritu Sa̧tu̧nä̧ mȩ'ü̧ 'kȩpi̧nä̧u̧jä̧ jueü wȩnȩ o'kajuiyünä̧ ku̧wo̧juä̧tu̧kua̧ pä'ü.