San Marcos 1:22 - Nuevo Testamento Uwotjüja

²² U̧wo̧juȩtü̧ kkä̧kuä̧wä̧ wȩnȩ rü̧ȩnä̧ amükuädinä̧tü̧, ukuo kkü̧nä̧ u̧wo̧juȩti̧yä̧u̧, weäwä wȩnȩ wo̧juȩtä̧tü̧ ttu̧wo̧juȩto̧ko̧mȩ jä'i̧jo̧mȩnä̧.

TÄ̧DO Ä̧CUÄ̧ I̧HUȨNȨ

²² Chutä jiähua'a ä̧ju̧cu̧, ttö̧ja̧mä̧ to̧pä̧rö̧ ka̧cui̧nä̧tö̧do, ya̧tȩ ru̧hua̧ jiäu'a̧nö̧ jiähua'attö, hueähuä huȩnȩ huo̧juȩtä̧tö̧ jittäu'a̧nö̧mä̧cö̧.

San Marcos 1:22 Referans Kwoze

San Mateo 13:54

I̧rȩjä̧ra̧'a̧ rȩbȩwi̧pä̧ji̧'ka̧ ttiäre sinagoga isodettü kkä̧mä̧dü̧ u̧wo̧juȩti̧nä̧u̧ ja̧'wa̧nü̧ ja̧'a̧ rü̧ȩnä̧ amükuädü pä'inä̧tü̧: —¿Pi̧yȩ u̧wo̧juö̧ o'kajuiyünä̧mä̧ torü u̧wo̧jui̧'i̧nü̧jä̧ttü̧? ¿Jȩtto̧kü̧ jueimä̧ toku jȩpü̧ jȩü̧ttü̧?

San Juan 7:46

Pättomȩnä̧, su̧ro̧do̧u̧mä̧ ädätinä̧tü̧: —¡Ya̧tȩ'i̧nä̧, ja̧'wa̧nü̧ ukuokurumä̧ ä̧ju̧kuo̧ko̧tü̧ pä'ijätüjä̧!

San Lucas 4:32

Ja̧'wa̧nü̧ u̧wo̧juȩtü̧mä̧ ¡isoo! pä'ü tta̧mu̧kuädinä̧ku̧, ukuo kkü̧nä̧ ukuokuiyä̧u̧.

2 Corintios 4:2

Ja̧'wa̧nü̧ jä̧u̧, da̧ja̧wä̧rä̧kuä̧wä̧mä̧, dä'ä ttuwä'chäkuäwämä̧ jui'ätüjä̧; yaparewä'chü'i̧nä̧ jȩto̧ka̧'a̧, Dio i̧wȩnȩ'i̧nä̧ pärotokotüjä̧. Pärokua'aku, Dio-mä̧ wo̧jua̧ jueünä̧ tukuokua'amä̧. Ja̧'wa̧nü̧ jo̧mȩnä̧ o'katoi'ünä̧ ujuturu tta̧'kua̧ ttu̧wȩnä̧rü̧nä̧ ja̧'a̧.

Hechos 6:10

Ja̧'wa̧nü̧ ja̧'a̧nä̧, pättü juiyünä̧ ji̧nä̧u̧, wo̧juȩku̧nä̧ ukuokuomȩttü̧ ja̧'wa̧ta̧nü̧ Epíritu Sa̧tu̧ u̧wo̧juetä̧ra̧'a̧nä̧ ukuokuomȩttü̧.

San Lucas 21:15

Isopäi'ünä̧ ttütä chi̧yä̧kua̧sä̧ wo̧juȩku̧nä̧ kukuokuätukua pä'ümä̧, kuaboiyotü to'ija̧'a̧ku̧ pättü juiyünä̧tä̧ ttiweyekua pä'ü.

San Marcos 1:23

Juode, sinagoga isodettü, ya̧tȩ epíritu su̧ro̧pa̧ ü̧jä̧ku̧, wopinü̧:

San Lucas 2:47

Ja̧'wa̧nü̧ ja̧'a̧ o'katoi'ünä̧ jua̧u̧ru̧ ä̧ju̧kuä̧rä̧tü̧mä̧, wo̧juȩku̧nä̧ ä̧dä̧tä̧ri̧yä̧u̧ ja̧'wa̧ta̧nü̧ rü̧ȩnä̧ u̧wo̧jui̧yä̧u̧ ¡isoo! pä'ü amükuädinä̧tü̧.