San Lucas 9:26 - Nuevo Testamento Uwotjüja

²⁶ Ja̧'wa̧ta̧nü̧ ya̧tȩ ttü chütü'kü'i̧nä̧, chi̧wȩnȩ'i̧nä̧ udäpekuttümä̧ ja̧'wa̧ta̧nü̧ Ttü ubo I̧tti̧'i̧nä̧ jua̧u̧ ütü'kümä̧ chü̧dä̧pȩkuä̧kua̧, Chä'o ujuruku, uruwoku, á̧gȩrȩ-ku̧ chichomȩnä̧.

TÄ̧DO Ä̧CUÄ̧ I̧HUȨNȨ

²⁶ Ja̧'hua̧ta̧nö̧ ya̧tȩ ödäpecuttumä ttörö'inä, adihuä chi̧huȩnȩttö̧'i̧nä̧, Ubo I̧tti̧'i̧nä̧ ru̧hua̧ ö̧ja̧ päi'önä Jä'o öadihuänä'inä, adihuänä ángeles ttöadihuänä'inä ichomenä, ö̧dä̧pȩcuä̧cua̧ ja̧u̧ru̧.

San Lucas 9:26 Referans Kwoze

2 Timoteo 2:12

Usurä tȩmä̧u̧ ta̧mi̧ 'kitächi'üttümä̧, ujutu'i̧nä̧ chutäku ruwo wetäkuotü̧jä̧; Täppü̧tä̧rü̧ttü̧mä̧, chutä'i̧nä̧ ji̧yȩta̧'a̧kuä̧ ä̧ppü̧tä̧rä̧kuä̧u̧jä̧;

Romanos 1:16

Isopäi'ünä̧ jareü wȩnȩ ji'äumä̧ dä'ä ttu'oküsä, jua̧u̧mä̧ surojüttü kki̧'ä̧kuä̧wä̧ Dio ujuru ja̧'a̧ttü̧ esetätürümä̧, ä̧kuo̧mȩnä̧mä̧ judío-rü'i̧nä̧, judío pokotürü'i̧nä̧, jü̧nä̧.

San Marcos 8:38

Ja̧'wa̧nü̧ ja̧'a̧ttü̧ ya̧tȩ ttü chütü'kü'i̧nä̧, chi̧wȩnȩ'i̧nä̧, pitü ukuotokotü, suronä̧ jȩpä̧tü̧ ttü̧ja̧ ttä'ka jo̧mȩttü̧ udäpekuttümä̧ ja̧'wa̧nü̧ jü̧ta̧'a̧nü̧ Ttü Ubo I̧tti̧'i̧nä̧ chä'o uruwoku, á̧gȩrȩ-ku̧ chichomȩnä̧ chüdä̧pȩkuä̧kua̧sä̧ jua̧u̧rü̧mä̧.

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

San Mateo 25:31

Ubo I̧tti̧ uruwoku ichomȩnä̧mä̧, umüwäyotü á̧gȩrȩ-ku̧ o'katoi'ünä̧ ichi'ü, uruwo dȩä̧kä̧nä̧ ü̧'ä̧mä̧dä̧kua̧.

San Juan 12:43

Jua'amä̧ Dio ujuru jäwä ttüjü'koka'a, pi̧jä̧ ttü̧ja̧ jäwätä ttesewa'attü̧.

Apocalipsis 20:11

Ja̧'wa̧ta̧nü̧, ji̧yȩtȩ ruwo wȩä̧wä̧kä̧ rü̧ä̧kä̧ tȩä̧kä̧ topinü̧sä̧ ja̧'wa̧ta̧nü̧ juä̧kä̧nä̧ pü̧rü̧'i̧nä̧. Jua̧u̧ ä'ka jo̧mȩttü̧ pi̧jä̧'i̧nä̧, mo̧ro̧jä̧'i̧nä̧ o'kajuiyütä tipächina̧a'a̧, pä'äjita'anü̧mä̧ uwäu juiyünä̧tä̧.

Judas 1:14

Ja̧'wa̧ta̧nü̧ mo̧ täbokütä päi'ünä̧, Adá̧ o'komenä̧ttü̧ kko̧ro̧mü̧ttü̧nü̧ todärenä̧ päi'ünä̧ winü̧ Enoc pinü̧mä̧, juätü ttütü'kü pä'inü̧: «Topätukui, Tu̧ru̧wa̧ rekuätü á̧gȩrȩ-ku̧ icha'a,

2 Timoteo 1:12

Ja̧'wa̧nü̧ jo̧mȩttü̧ pi̧yȩttü̧mä̧ usurä ȩmä̧u̧sä̧. Ja̧'wa̧nü̧ ja̧'a̧nä̧ ja̧'wa̧nü̧ 'kuäopünä̧mä̧ dä'ä ttu'oküsä, jua'amä̧ cha̧'kua̧ chu̧wȩnä̧rä̧ku̧ru̧mä̧ chu̧wo̧jua̧'a̧ttü̧; Ja̧'wa̧ta̧nü̧ adiu wo̧jua̧sä̧ rüjí mo̧ro̧bü päi'ünä̧ jareü wȩnȩmä̧ yabokutä jittäunä̧ jȩa̧ pä'ü'i̧nä̧ ujuru kku̧nä̧rü̧ pä'ümä̧.

Apocalipsis 3:5

Isó juo'epü surojü abo 'kuä'o'ätürümä̧ ttü̧'ka̧tä̧wä̧ti̧yu̧ teü o̧ta̧ 'ka̧tä̧wä̧kuo̧tü̧ ja̧'wa̧ta̧nü̧ tti̧mi̧'i̧nä̧ kkä̧kuä̧wä̧ i'ko kuyäru'tättümä̧ si'epümä̧ chikuoko̧u̧ ttäkuotü, pärokua'aku chä'o'i̧nä̧ ä'kattü, umüwäyotü á̧gȩrȩ'i̧nä̧ ttä'kattü adiutä chukuokuäkua̧sä̧.

Apocalipsis 1:7

¡Crito-mä̧ ajiya isoppanä̧ i̧chä̧kua̧! O'katoi'ünä̧ tottä̧kua̧, Churutä dakuodänä̧ ta'inä̧tü̧'i̧nä̧ tottä̧kua̧; Ja̧'wa̧ta̧nü̧ o'katoi'ünä̧ pi̧jä̧ ttü̧ja̧mä̧ jua̧u̧ru̧ topü ttajuäkuäwäkuotü. Ja̧'wa̧nü̧ ji̧yä̧u̧. Amȩ́.

Gálatas 6:14

Ja̧'wa̧nü̧ ja̧'a̧nä̧ ttümä̧, chesewä̧kua̧sä̧ Jesucrito 'korujuo'ächü i̧mi̧täwinü̧tä̧ esetü kkä̧nü̧. Ja̧'wa̧nü̧ ja̧'a̧ttü̧ Crito 'korujuoächinü̧nä̧tä̧ eseusä, pi̧jä̧ ttü̧ja̧ tta̧mü̧kuädümä̧ wä̧i̧nä̧ ja̧'a̧, pi̧jä̧nä̧mä̧ wa'ü chikuina̧'a̧ 'kua̧rü̧nä̧tä̧ jä̧ku̧sä̧.

San Mateo 26:64

Päiyäku Jesú-mä̧ ädätinä̧ku̧: —Ukutäjä̧, A̧, pä'ümä̧. Ja̧'wa̧ta̧nü̧ ttü'i̧nä̧ pä'üsä, porütä kkä̧mä̧dü̧ ukutumä̧ to'kuäkuotüjä̧ Ttürümä̧ Dio u̧wo̧jua̧'a̧ku̧nä̧ chü̧'a̧'a̧ ja̧'wa̧ta̧nü̧ mo̧ro̧jä̧ra̧'a̧ttü̧ ajiya isoppanä̧ chicha'a'i̧nä̧ to'kuäkuotüjä̧.

Hebreos 13:13

Ja̧'wa̧nü̧ ji̧nü̧ta'anü̧, ujutu'i̧nä̧ jua̧u̧ ü̧jo̧mȩku̧ ti̧'cha̧ pä'ätukui, ttü̧ja̧kuo̧mȩ u̧mi̧ku̧; jua̧u̧ru̧ ji̧nü̧ta'anü̧ usurä tȩmä̧u̧nä̧ ya̧ttä̧wä̧'cha̧tü̧ pä'ü.

Hebreos 11:26

Jesucrito usurä ȩmä̧wä̧kuȩ ji̧nü̧ta'anü̧, usurä ȩmä̧kuä̧wä̧mä̧, Egito ruwottü'i̧nä̧ abonä̧nü̧ rü̧ȩnä̧ mikuäu jü̧nä̧ topinü̧; jua'amä̧ Dio i̧yä̧kuȩ u̧wo̧jua̧'a̧ttü̧.

2 Corintios 12:10

Ja̧'wa̧nü̧ jo̧mȩnä̧, Crito-rü eseu repeda'attü̧, ji̧yȩtä̧ chijuiyuwuönä̧tä̧ eseusä, suronä̧ pättä'chü̧nä̧, rekuä rü̧jü̧nä̧, suronä̧ jȩtta̧ttü̧ pä'ü ttusunä̧, cha̧'kua̧ tta̧dȩku̧nä̧; ja̧'wa̧nü̧ ja̧'a̧ttü̧ chijuiyuwomȩnä̧mä̧, chujuru kku̧nä̧rü̧sä̧.

San Juan 5:44

¿Toku kuesetätukuäkua'ajä̧ttü̧, kua̧mü̧nä̧ pa̧ja̧tü̧ mi̧kuä̧ri̧yä̧kuä̧u̧ adiu jȩ'kuä̧tu̧ku̧ päkuäwätukua'amä̧, ya̧tȩtä̧ Dio päatukuaku pä'ü kusätukuoka'amä̧?

Hechos 10:22

Pä̧u̧ pättinä̧ku̧: —Su̧ro̧do̧u̧ ttu̧ru̧wa̧ Cornelio wȩä̧jä̧u̧ ichäjätüjä̧, jua̧u̧mä̧ Dio-rü esetü ukuotü ja̧'wa̧ta̧nü̧ Judío'i̧nä̧ ttu̧wo̧juä̧ku̧ ja̧'a̧. Jua̧u̧ru̧ Dio i̧sa̧ á̧gȩ ukuru woa pä'ü weäja'a ja̧'a̧, ojusodera̧'a̧ kuichiyarü pä'äji jikuäu ä̧ju̧kua̧ pä'ü.

1 Timoteo 5:21

Dio'i̧nä̧, Jesucrito'i̧nä̧ á̧gȩrȩ pojopü ȩmä̧wo̧tü̧'i̧nä̧ ttä'ka jo̧mȩttü̧ pi̧yȩ jȩ'kua̧ pä'ü wedinü̧mä̧ o'kajuiyünä̧ ukuoti ja̧'wa̧ta̧nü̧ o'katoi'ünä̧tu̧ku̧tä̧ adiu jȩpü̧ jü̧nä̧tä̧, ya̧tȩrü̧tä̧mä̧ kuesekuoka'a.