San Lucas 9:22 - Nuevo Testamento Uwotjüja

²² Pa̧'a̧nü̧ pä'ünü̧: —Ttü Ubo I̧tti̧ rü̧ȩnä̧ usurä chȩmä̧wa̧ pä'ü rekuä rü̧ja̧'a̧, judío-ttü a̧ci̧a̧nu̧ wotüttü'i̧nä̧, sacerdote wotü tturuwotüttü'i̧nä̧, weäwä wȩnȩ wo̧juȩkuä̧ isotüttü'i̧nä̧, weäwänä̧ usurä ȩmä̧wi̧'i̧pü̧, kuä'ü'i̧nä̧ ttiku o'ka'a, wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

TÄ̧DO Ä̧CUÄ̧ I̧HUȨNȨ

²² Ja̧'hua̧nö̧ ja̧'a̧ päinä̧u̧do: —Ubo I̧tti̧mä̧ rö̧ȩnä̧ ubara ttu̧huä̧cua̧. Ja̧'hua̧ta̧nö̧ judíos ttö̧ja̧ ancianos huotö'inä, sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧ ttöjö'cococu jä̧cua̧. Cuä'ö tti̧cuä̧cua̧. Ja̧'hua̧nö̧ ja̧'a̧nä̧ huäbodäcuä mo̧ro̧ päi'omenä tto̧ä̧chä̧cua̧.

San Lucas 9:22 Referans Kwoze

San Lucas 24:7

Ubo I̧tti̧mä̧ surojünä̧ jȩpä̧tü̧ ttu̧mü̧nä̧ iyü ikuäwäkua̧ ja̧'wa̧nü̧ ja̧'a̧ ü̧jo̧kä̧nü̧ jäinä̧ 'korupäi'ünä̧ pȩ'o̧pü̧ ttu̧ju̧nu̧ o'ka'a, wäbodäkuä mo̧ro̧ päi'omȩnä̧ tto̧ä̧chä̧kua̧ päinü̧, ji̧nü̧.

San Lucas 9:44

Pi̧yȩ adiu 'chu'ädi'ü ä̧ju̧kuä̧tu̧kui̧: Ubó I̧tti̧rü̧mä̧ ttü̧ja̧ ttu̧mü̧nä̧ iyü tti̧kuä̧kua̧.

1 Pedro 1:11

Crito i̧sa̧ Epíritumä̧ profeta wotünä̧ ttu̧wo̧juö̧nä̧ jiäwinä̧u̧ Crito usurä ȩmä̧wä̧kuȩ'i̧nä̧ ja̧'wa̧ta̧nü̧ usurä ȩmä̧u̧ o'ka'a uruwo i̧chä̧kuȩ'i̧nä̧; ja̧'wa̧nü̧ ja̧'a̧ttü̧ juätümä̧ jitünä̧tä̧ kkü̧ Epíritu jiäwa'anä̧, 'kuäopä̧kuȩ mo̧ro̧ ttü̧'o̧kui̧'a̧ pä'ü usinä̧tü̧.

San Marcos 9:31

Jua'amä̧ u̧mü̧wä̧yotürü u̧wo̧juȩta̧'a̧ jä̧ku̧, juätürü pä'inü̧: —Ttü, Ubó I̧tti̧mä̧ ttü̧ja̧rü̧ iyü tti̧kuä̧kua̧sä̧, ja̧'wa̧ta̧nü̧ kuä'ü'i̧nä̧ tti̧kuä̧kua̧sä̧; kuä'ü ttikua'anä̧ wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

San Marcos 8:31

Ja̧'wa̧nü̧ ja̧'a̧ Jesú-mä̧ kkä̧mä̧dü̧ u̧wo̧juȩtä̧u̧rü pä'inü̧: Ttü, Ubo I̧tti̧mä̧ rü̧ȩnä̧ usurä chȩmä̧wä̧kua̧sä̧. Ttürü kkü'kü jui'ü, a̧ci̧a̧nu̧tu̧'i̧nä̧, sacerdote tturuwotü'i̧nä̧, weäwä wȩnȩ wo̧juȩtä̧tü̧'i̧nä̧ kuä'ü ttikunä̧ wȩttä̧kua̧sä̧. Ja̧'wa̧nü̧ ja̧'a̧nä̧ wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

San Mateo 17:12

Ja̧'wa̧nü̧ ja̧'a̧nä̧, ukuturu pä'üsä, Elía-mä̧ täkü ichinü̧; ichina̧'a̧nä̧ ttesetajü jueimä̧ pä̧wä̧rü̧ja̧'a̧ku̧tä̧ jȩtti̧nä̧ku̧. Ja̧'wa̧nü̧ ji̧nü̧ta'anü̧, ubo I̧tti̧mä̧ juätütä ttu̧mü̧nä̧ usurä ȩmä̧wä̧kua̧.

1 Corintios 15:4

Iku ttikuäjäku o'ka'a, wäbodäkuä mo̧ro̧ päi'omȩnä̧ wa'arettü tto'ächinü̧ pä'ü, wȩyu̧kuä̧ wȩnȩ päü'a̧kuä̧;

San Lucas 24:26

¿Isopäi'ünä̧ Crito uruwo jäwänä̧ doächi'a pä'ümä̧, jua̧u̧ o'kajuiyünä̧ usurä ȩmä̧u̧ 'kuäopa pä'ümä̧ rekuä rü̧jo̧ka̧'a̧ ji̧na̧'a̧ tä̧jí̧?

San Mateo 17:22

Galirea rȩjȩnä̧, yo̧mȩtȩnä̧ tti̧'cho̧mȩnä̧ Jesú-mä̧ päinä̧u̧: —Ttümä̧ kuä'ü ttikuattü pä'ü iyü tti̧kuä̧kua̧sä̧,

San Mateo 27:63

'chä̧jä̧'kotümä̧ pä'inä̧tü̧: —Tu̧ru̧wa̧, chupinü̧ yaparewinü̧mä̧, ji̧nä̧ pi̧jä̧nä̧ ü̧jä̧i̧mä̧ wäbodäkuä mo̧ro̧ päi'omȩnä̧ tto̧dä̧chä̧kua̧sä̧ pä'inü̧ ji̧nü̧, amükuädätüjä̧.

San Lucas 17:25

Ja̧'wa̧nü̧ ja̧'a̧nä̧, ä̧kuo̧mȩnä̧mä̧, jitä mo̧ro̧ ttü̧ja̧ ttüjü'koka'a ja̧'a̧, rü̧ȩnä̧ usurä ȩmä̧wä̧kua̧.

San Lucas 24:44

Ja̧'wa̧ta̧nü̧ päinä̧u̧: —Pi̧yȩ ukuokuinü̧sä̧ ukutuku kue'ächümä̧: Ttü chütü'kümä̧, Moisé i̧wȩyu̧ti̧nü̧'i̧nä̧, profeta tti̧wȩyu̧ti̧nü̧'i̧nä̧ ja̧'wa̧ta̧nü̧ Salmos-nä̧ wȩyu̧kuä̧'i̧nä̧ o'kajuiyünä̧tä̧ 'kuäopäkua'a pädinü̧mä̧.