San Lucas 9:16 - Nuevo Testamento Uwotjüja

¹⁶ Ja̧'wa̧nü̧ ja̧'a̧mä̧, pan o̧si̧ to̧si̧rȩ ȩmo̧po̧'ü̧ kkä̧nü̧, po̧i̧rü̧'i̧nä̧ ȩmo̧po̧'ü̧, ju'tojuku topü, Dio-rü ukuoku kä'ädü, 'toropo'ü, u̧wo̧juȩtä̧u̧rü iyinü̧, ttü̧ja̧rü̧ ttiyä'cha pä'ümä̧.

TÄ̧DO Ä̧CUÄ̧ I̧HUȨNȨ

¹⁶ Ja̧u̧nu̧ o'ca'a Jesús i̧ri̧si̧ ji̧mö̧tȩ jähuä ö̧si̧'i̧nä̧, po̧i̧ ta̧ju̧'i̧nä̧ u̧mö̧nä̧ 'chu̧'ä̧rö̧, mo̧ro̧jä̧ra̧'a̧ topö, Diosrö ucuocuinödo. Ja̧u̧nu̧ o'ca'a i̧ri̧si̧ 'tȩ'chä̧rö̧, iyinödo u̧huo̧juȩtä̧u̧ru̧, juhua'a yabo ttiya pä'ö ttö̧ja̧rö̧.

San Lucas 9:16 Referans Kwoze

San Mateo 14:19

Pä'äji̧'ka̧, ttü̧ja̧rü̧mä̧ isä'kua wä̧mȩ ttü̧'ä̧mä̧da̧ pä'ü wȩä̧jä̧u̧ ttü̧'ȩjä̧ma̧'a̧nä̧, ji̧mü̧tȩ jäwä trigo ire o̧si̧'i̧nä̧, po̧i̧ ta̧ju̧ru̧'i̧nä̧ ȩmo̧po̧'ü̧ mo̧ro̧jä̧ra̧'a̧ku̧ topünü̧ Dio-rü eseunu̧ ukuokuinü̧. Ukuokuäji̧'ka̧ 'To'opü i̧yä̧u̧ u̧wo̧juȩtä̧u̧mä̧ jua'a yabo ttü̧ja̧rü̧ iyä'chinä̧tü̧.

San Lucas 24:30

Mesa isodänä̧, juätütäku pä̧mä̧dä̧ji̧'ka̧, trigo i̧ri̧si̧ ȩmo̧po̧'ü̧, Dio-rü ukuokuäji̧'ka̧, 'to'opü iyinä̧u̧.

San Mateo 15:36

Sietenü̧ trigo ire o̧si̧'i̧nä̧, po̧i̧rü̧'i̧nä̧ 'chu'ädo'ü Dio-rü eseunu̧ ukuokuäji̧'ka̧, 'to'opü i̧yä̧u̧ u̧wo̧juȩtä̧u̧mä̧ jua'a yabo ttü̧ja̧rü̧ iyä'chinä̧tü̧.

Romanos 14:6

Mo̧ro̧ ukuo kka̧'a̧ amükuädü'i̧nä̧, U̧ru̧wa̧rü̧ ukuotü jȩpi̧; ja̧'wa̧ta̧nü̧ mo̧ro̧mä̧ yorätewa'a pä'ü amükuädü'i̧nä̧, U̧ru̧wa̧rü̧ ukuotü jȩpi̧. U̧kuȩ ku'i̧nä̧, U̧ru̧wa̧rü̧ ukuotü ku, u̧kuȩ ukuomȩnä̧ jä'o Dio-rü esewa'attü; ja̧'wa̧ta̧nü̧ u̧kuȩ kuokü'i̧nä̧ U̧ru̧wa̧rü̧ ukuotü kuokü, jua'amä̧ Dio-rü esewa'attü.

Hechos 27:35

Ja̧'wa̧nü̧ pä'ü kä'ädü, o'katoi'ünä̧ ttä'ka jo̧mȩttü̧ Pauru-mä̧ Dio-rü ukuokuopo'ü u̧kuȩ kuinü̧.

San Juan 6:23

Ja̧'wa̧nü̧ ja̧'a̧nä̧mä̧, Tiberias ütawiyä, cebada o̧si̧, Tu̧ru̧wa̧ Dio-rü eseu ukuoku iyä'chäjomȩttü̧ kkoro woi'kiyu rȩbȩwi̧pü̧ rü̧jä̧mi̧na̧'a̧.

San Juan 6:11

Ja̧'wa̧nü̧ ja̧'a̧ Jesú-mä̧, jua̧u̧ o̧si̧ ȩmo̧po̧'ü̧, Dio-rü eseu pä'äji̧'ka̧, u̧wo̧juȩtä̧u̧rü iyä'chinü̧, jua'a yabo juätümä̧ ttü̧ja̧ pȩjä̧tü̧rü̧ ttiyä'chünä̧. Ja̧'wa̧ta̧nü̧tä̧ jȩpi̧nü̧ po̧i̧rü̧'i̧nä̧.

San Lucas 22:19

Jua̧u̧ o'komȩnä̧, trigo i̧ri̧si̧ ȩmo̧po̧'ü̧, Dio-rü eseunu̧ ukuokuäji̧'ka̧, 'to'opü u̧wo̧juȩtä̧u̧rü iyü pä'inü̧: —Pi̧yȩmä̧, ttütä jä̧ttä̧pä̧ya̧ ja̧'a̧; ukutu jäwänä̧ iyü i̧kuä̧wä̧kuȩ; pi̧yȩmä̧ jȩ'kuä̧tu̧kua̧jä̧ ttürü amükuädü.

1 Corintios 11:24

Dio-rü eseu ukuokuäji̧'ka̧, 'to'opü pä'inü̧: «ja̧já̧, kuätukui; pi̧yȩmä̧ ttütä jä̧ttä̧pä̧ya̧ wa̧sä̧, ukutu jäwänä̧ 'toi'a'a; pi̧yȩmä̧ ttürü amükuädü jȩpä̧tu̧kui̧.»

1 Corintios 10:30

Dio-rü ukuoku chukuäja'amä̧, ¿Tta̧'a̧nü̧ pä'ü chu̧kuȩ chukuokuäjinä̧mä̧, suronä̧ ttukuokua'ajä̧ttü̧?

San Marcos 7:34

Jua̧u̧ o'komȩnä̧ mo̧ro̧jä̧ku̧ topünü̧, rü̧ȩnä̧ juäpü pä'inü̧: «¡Efatá!» jua̧u̧mä̧, («¡ba'ekuächi!» pä'ü pä'inü̧).

San Lucas 9:15

Weäjita'anü̧, jȩpi̧nä̧tü̧ u̧wo̧juȩtä̧u̧mä̧.

San Lucas 9:17

Ja̧'wa̧nü̧ ja̧'a̧, ttü̧ja̧mä̧ o'katoi'ünä̧tä̧ suttädäkuäunä̧ kuinä̧tü̧. Ja̧'wa̧nü̧ ttukuäji o'ka'a kka̧kui̧pä̧ji̧ttü̧'i̧nä̧, uru'tiyumä̧ doce-nü̧ o'ta jo̧mȩnä̧ ka̧ka̧ti̧nä̧tü̧.