San Lucas 9:11 - Nuevo Testamento Uwotjüja

¹¹ Ja̧'wa̧nü̧ ja̧'a̧ ttü̧ja̧mä̧ wo̧jui̧'ü̧, o'ka'anä̧ 'chä̧jä̧tü̧rü̧; Jesú-mä̧, yawokuoka'a Dio weü wȩnȩ jiäwinä̧u̧ ja̧'wa̧ta̧nü̧ na̧nȩpä̧tü̧rü̧'i̧nä̧ aditü ikuinä̧u̧.

TÄ̧DO Ä̧CUÄ̧ I̧HUȨNȨ

¹¹ Ja̧'hua̧nö̧ ja̧'a̧nä̧ ttö̧ja̧ i̧'chä̧ja̧'a̧ ä̧ju̧cu̧, o'ca'anä tti̧'chi̧nä̧cu̧do. Jesús ö̧jo̧mȩ tti̧'chi̧'o̧mȩnä̧, esehuinä̧u̧do. Dios Ttu̧ru̧hua̧ päi'önä ö̧jä̧cuȩ huȩnȩ ucuocu, na̧nȩpä̧tö̧rö̧ aditö i̧cui̧nö̧do.

San Lucas 9:11 Referans Kwoze

Hebreos 4:16

Ja̧'wa̧nü̧ ja̧'a̧ttü̧, ta̧'kua̧ wȩnä̧rü̧ kkä̧nü̧, Dio rettü weomȩku̧ tütü'küwächa pä'ätukui. Rȩrü̧jü̧ toatü pä'ümä̧, ujuturu rekuä rü̧jü̧ mo̧ro̧ ja̧'a̧ttü̧.

2 Timoteo 4:2

Pi̧yȩ Dio i̧wȩnȩmä̧ jikuäwajä̧ ttä̧ju̧kua̧ pättomȩnä̧'i̧nä̧, ja̧'wa̧ta̧nü̧ ttä̧ju̧kua̧ pättokomȩnä̧'i̧nä̧. Tesetipünä̧'i̧nä̧, ro̧'ȩpü̧'i̧nä̧ ja̧'wa̧ta̧nü̧ ttesewipünä̧ o'kajuiyünä̧ kua̧mi̧ 'ki'ächi'ü ku̧wo̧juȩta̧ja̧.

Romanos 15:3

Isopäi'ünä̧, Chutä Crito'i̧nä̧, a̧mü̧nä̧ pa̧ja̧tü̧ üjü'kümä̧ jȩpo̧kü̧ pinü̧; suro wȩyu̧kuä̧ wȩnȩ pä'akutä jȩpi̧nü̧: «Ukuru kkü'kü jui'ü suronä̧ jȩtti̧nü̧mä̧, ttürütä ma̧ä̧mi̧nä̧ku̧sä̧.»

Romanos 10:14

¿Ja̧'wa̧nü̧ ja̧'a̧mä̧ toku jättepäkua'ajä̧ttü̧, ji̧nä̧ ttesetokokurumä̧? ¿Ja̧'wa̧ta̧nü̧ toku tesetäkua'ajä̧ttü̧, jua̧u̧ ütü'kü ttä̧ju̧kuo̧ko̧ku̧ru̧mä̧? ¿Ja̧'wa̧ta̧nü̧ toku ttä̧ju̧kuä̧kua̧'a̧jä̧ttü̧ ya̧tȩ ji'äu totta'anä̧mä̧?

Hechos 28:31

Ru̧wa̧ Dio weü wȩnȩmä̧, Tu̧ru̧wa̧ Jesucrito ütü'kü'i̧nä̧ wäjuönä̧, wȩnȩ juiyünä̧tä̧ ji'äwinü̧.

San Juan 6:37

Isopäi'ünä̧ Chä'o ttürü i̧yä̧u̧mä̧, ttüku ichätü; ja̧'wa̧nü̧ ja̧'a̧ ttüku ichätürümä̧ ya'okuoküsä.

San Juan 4:34

Jesú-mä̧ päinä̧u̧: Ttü chu̧kuȩmä̧, Ttürü we'inü̧rü̧ pä̧wä̧rü̧jü̧ jȩä̧kuä̧wä̧ ja̧'a̧ ja̧'wa̧ta̧nü̧ aditäwä kädäda pä'ü.

San Lucas 9:2

Ja̧'wa̧ta̧nü̧ Dio weü wȩnȩ jittäwa pä'ü'i̧nä̧, na̧'ä̧chä̧tü̧rü̧ aditü ttikua pä'ü'i̧nä̧ we'ümä̧,

San Lucas 8:10

Juätürü pä'inü̧: Ukuturumä̧, Dio weü wo̧juä̧wo̧kü̧mä̧ ku̧wo̧juä̧tu̧ku̧nä̧ iyinä̧u̧jä̧; ja̧'wa̧nü̧ ja̧'a̧nä̧ kkorotürümä̧ wȩnȩtä̧rü̧tä̧ ukuokusä, jua'amä̧ topätürümä̧, totta'anä̧'i̧nä̧ tottü juiya pä'ü ja̧'wa̧ta̧nü̧ ttä̧ju̧kua̧'a̧nä̧'i̧nä̧, ttu̧wo̧jui̧pü̧ juiya pä'ü.

San Lucas 8:1

Jua̧u̧ o'ka'a Jesú-mä̧ ütawiyä ppo̧ü̧nä̧'i̧nä̧, bäreu ütawiyänä'i̧nä̧ o'kajuiyünä̧tä̧, Dio weü adiwä wȩnȩ ji'äu kue'ächinü̧. Kueächa'a, doce-nü̧ wotü umüwäyotü apótore'i̧nä̧ kue'ächinä̧tü̧.

San Lucas 5:31

Pättiyäku Jesú päinä̧u̧: Na̧'ä̧cho̧ko̧tü̧mä jawapü ru̧wa̧rü̧mä̧ rekuä rü̧jo̧ko̧u̧, na̧'ä̧chä̧tü̧tä̧ ja̧'a̧ jua̧u̧ru̧ rekuä rü̧jä̧u̧mä̧.

San Lucas 1:53

Ppäi ttu'ätürümä rü̧ȩnä̧ ttiäre iyü, pärokuotü ruwotürümä̧ yoriso jui'ätürütä we'ü ikuinü̧.

San Mateo 21:43

Ja̧'wa̧nü̧ ja̧'a̧ttü̧ ukuturu pä'üsä: Dio ru̧wa̧ jü̧nä̧ weümä̧ 'choipäkuä̧u̧jä̧, kkorotü ttü̧ja̧rü̧ iya pä'ü, u̧wä̧ju̧ iyätürü.

San Mateo 21:31

¿Juätüttü, jä'o weäji jȩpi̧nü̧mä̧, dí ji̧na̧'a̧jä̧ttü̧?, päomȩnä̧: —Ä̧kuo̧mȩnä̧ i̧sa̧ —pä'ü, ädätinä̧tü̧. Ttädätiyäku Jesú-mä̧ päinä̧u̧: —Isopäi'ünä̧ pädäu̧jä̧, Roma-ra̧'a̧ iyäwä pärätä ka̧ka̧tä̧'i̧jä̧tü̧tä̧ ja̧'wa̧ta̧nü̧ nä̧tü̧ u̧mä̧tu̧ku̧ surojuo'ätütä ru̧wa̧ Dio weomȩku̧ ä'kanä̧ dodepätümä̧.

San Mateo 14:14

Jesú-mä̧ woi'kattü i̧mȩyȩwi̧'o̧mȩnä̧ ttü̧ja̧ rekuätü ttü̧ja̧kua̧'a̧ topinü̧; to'omȩnä̧ rȩrü̧jä̧chi̧'ä̧ku̧ na̧nȩpä̧tü̧ tti̧'chä̧chä̧jä̧u̧ru̧ aditü ikuinü̧.

Romanos 10:17

Ja̧'wa̧nü̧ ja̧'a̧ttü̧, tta̧'kua̧ wȩnä̧rä̧kuä̧wä̧mä̧ icha'a, ttä̧ju̧kuo̧mȩnä̧ ja̧'wa̧ta̧nü̧ ä̧ju̧kuä̧tü̧jä̧ Dio i̧wȩnȩnä̧tä̧.

San Mateo 12:15

Jua̧u̧ wo̧jui̧'ü̧, Jesú-mä̧ juorü rä'opächü i̧'cha̧'a̧ ttü̧ja̧'i̧nä̧ rekuätü 'chi̧nä̧tü̧; o'katoi'ünä̧ na̧nȩpä̧tü̧rü̧ aditü ikuinü̧,

San Lucas 9:10

Jesú u̧wo̧juȩtä̧u̧ apótore wȩä̧jä̧u̧ ppa̧tä̧chi̧'o̧mȩnä̧mä̧ jȩttä̧ji̧mä̧ o'kajuiyünä̧ jittäwinä̧ku̧. Jua̧u̧ o'ka'a, juätürü i̧mi̧ku̧nä̧ wopo'ü, ttü̧ja̧ toächomȩ Betsaida ütawiyära̧'a̧ku̧ oipächinä̧u̧.

San Lucas 9:12

Ja̧'wa̧nü̧ ja̧'a̧nä̧ mo̧ro̧ ni̧pä̧chi̧yä̧u̧, u̧wo̧juȩtä̧u̧ doce-nü̧ wotümä̧, Jesú-ru ichi'ü pä'inä̧tü̧: —Ttü̧ja̧rü̧mä̧ we'ü ikuitü, ütawiyära̧'a̧ttü̧'i̧nä̧, odewiyä tü'künä̧nü̧ wȩjo̧mȩku̧ ttu̧kuȩ ttȩmä̧ja̧, pȩnȩtä̧ tü'künä̧nü̧mä̧ ttü̧ja̧ tomȩ ja̧'a̧.