San Lucas 8:47 - Nuevo Testamento Uwotjüja

⁴⁷ Ja̧'wa̧nü̧ ja̧'a̧, kkä̧ppü̧tä̧rü̧ juiyäkua, ä'ka jo̧mȩ tti̧'ä̧wäyaju 'chä̧wi̧'ü̧ kkiwe'kiyunä̧ pä̧mä̧dü̧, ttü̧ja̧ o'katoi'ünä̧ ttä'ka jo̧mȩttü̧ ji'äwinä̧ju̧ ja̧'wa̧nü̧ jä̧kua̧sä̧ jȩpä̧jä̧ju̧ pä'ü ja̧'wa̧ta̧nü̧ yotäku kku̧'i̧pä̧ja̧'a̧'i̧nä̧ ji'äwinä̧ju̧.

TÄ̧DO Ä̧CUÄ̧ I̧HUȨNȨ

⁴⁷ Jahuäju ja̧'hua̧nö̧ ttu̧huo̧juä̧chi̧'ä̧cua̧ ttö̧'ä̧u̧ kä̧nö̧ ichi'ö, Jesús ä'ca jo̧mȩ kihue'quiyunä kä̧mä̧di̧nä̧ju̧do. Ttö̧ja̧ o'ca toi'önä ttä'ca jo̧mȩttö̧ ji'ähuinäjudo: —Ttö amöcuädäjäjusä: Ö̧'ca̧tä̧huä̧ta̧nä̧tä̧ mȩdö̧ttö̧'i̧nä̧, adiu chö̧'i̧pä̧cua̧ju̧sä̧cö̧, pä'ö amöcuädäjäjusä. Iso päi'önä chamöcuädäji ta'anö adiu pi̧'ä̧jä̧ju̧sä̧, —ji'ähuinäjudo.

San Lucas 8:47 Referans Kwoze

San Marcos 5:33

Ja̧'wa̧nü̧ ji̧yä̧kua̧ na̧'ä̧chä̧jä̧ju̧mä̧ rü̧ȩnä̧ ye'ü tti̧'ä̧u̧ kkä̧nü̧, jua̧u̧ 'kuäopäjimä̧ kku̧wo̧jua̧'a̧ttü̧ 'chä̧wi̧'ü̧, jua̧u̧ ä'ka jo̧mȩ kkiwe'kiyunä̧ pä̧mä̧dü̧ o'kajuiyünä̧ jueünä̧ jijäwinä̧ku̧.

2 Corintios 7:15

Ja̧'wa̧ta̧nü̧ Tito-mä̧ ukutu o'katoi'ünä̧rü̧ rü̧ȩnä̧ amükuädü, ukuotü kkä̧nü̧, päüta'anü̧ kuesetinä̧tu̧kuä̧ku̧. Ja̧'wa̧nü̧ ja̧'a̧ttü̧ ukuturu eseu.

Hebreos 12:28

Ja̧'wa̧nü̧ ja̧'a̧ttü̧ ujutumä̧ ȩmä̧tü̧jä̧ Ru̧wa̧ Dio weü wȩnȩ pporächi'okü jäwä. Ja̧'wa̧nü̧ ja̧'a̧ttü̧ Jua̧u̧ Dio-rü tesewätukuarü; Chutä üjü'komȩnä̧.

1 Corintios 2:3

Jua'a ukuturu wo̧juȩtü̧ chi̧wä̧chi̧nü̧mä̧ ukuo i̧sa̧ 'kua̧rü̧ juiyünä̧ topäkuäu, ja̧'wa̧ta̧nü̧ ye'eku rü̧ȩnä̧ tti̧'ä̧wi̧nü̧sä̧.

Hechos 16:29

Ja̧'wa̧nü̧ ja̧'a̧ kärenä̧ tta̧'a̧rä̧ji̧mä̧, ttitejädiyarü pä'ü jä'epü, jakuojuku tti̧'ä̧u̧ kkä̧nü̧ jopipü iwe'kiyunä̧ pä̧mä̧di̧nü̧ Pauru'i̧nä̧, Sira'i̧nä̧ ttä'ka jo̧mȩ;

Filipenses 2:12

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧ 'kuäopünä̧ kukuotä'ijätukuta'anü̧ ukuotätukui, suro ttü ukutuku chü̧jo̧mȩnä̧tä̧mä̧kü̧, ttü otó chü̧jo̧mȩnä̧'i̧nä̧. Ye'ekunü̧, ukuotü aditätukui ra̧wä̧pi̧jü̧ttü̧ kki̧'ä̧kuä̧wä̧ ku̧ji̧pä̧tu̧kuä̧kuȩnä̧mä̧;

San Mateo 28:8

Nä̧tü̧mä̧ wa'are rütäwomȩttü̧ jurunä̧ rä'opächü ye'ükkä̧nü̧, rü̧ȩnä̧ eseunu̧ u̧mü̧wä̧yotürü wȩnȩ ji'äu 'chä̧nü̧ jopinä̧tü̧.

San Lucas 8:46

Ja̧'wa̧nü̧ pätta'anä̧, Jesú-mä̧ yabonü̧ pä'inü̧: —Ya̧tȩ mȩä̧jä̧ku̧sä̧, chu̧wo̧juä̧u̧nä̧ ttüttü chujuru räopächäja'a.

San Lucas 8:48

Juäjuru, Jesú-mä̧, pä'inü̧: —Chittiju, kua̧'kua̧ ku̧wȩnä̧ra̧'a̧ttü̧ pi̧'ä̧ju̧jä̧; wȩnȩ juiyünä̧tä̧ täi.