San Lucas 8:34 - Nuevo Testamento Uwotjüja

³⁴ Ja̧'wa̧nü̧ päi'omȩnä̧, ku̧chi̧tü̧rü̧ tta̧'a̧rä̧jä̧tü̧mä̧, juorü tü'ipächü, ütawiyä a̧'u̧ku̧ o̧mȩ'i̧nä̧, rü̧o̧mȩ'i̧nä̧ ji'äwä'chinä̧tü̧.

TÄ̧DO Ä̧CUÄ̧ I̧HUȨNȨ

³⁴ Ja̧'hua̧ ja̧'a̧ttö̧ cu̧chi̧tö̧rö̧ tta̧'ä̧rä̧tö̧, ja̧u̧ 'cuäopäji topäjo'cotö ye'ö jopinätödo. Ji'äu 'chi̧nä̧tö̧do ötahuiyä bäreunä'inä, ppo̧ö̧nä̧'i̧nä̧.

San Lucas 8:34 Referans Kwoze

San Marcos 5:14

Ja̧'wa̧nü̧ päi'omȩnä̧, ku̧chi̧tü̧rü̧ tta̧'a̧rä̧jä̧tü̧mä̧, juorü tü'ipächü ppo̧ü̧ ütawiyära̧'a̧ kka̧kuä̧tü̧rü̧'i̧nä̧ ja̧'wa̧ta̧nü̧ rü̧ö̧ ütawiyänä̧ kka̧kuä̧tü̧rü̧'i̧nä̧ ji'äwä'chinä̧tü̧ jua̧u̧ 'kuäopäji tü'kümä̧. Ja̧'wa̧nü̧ jittäwiyä̧u̧, däjé 'kuäopäja'a ja̧ pä'ü topü 'chi̧nä̧tü̧, ttü̧ja̧mä̧.

San Mateo 28:11

Nä̧tü̧ päjätümä̧ ji̧nä̧ tti̧'cha̧'a̧nä̧ su̧ro̧do̧u̧ tta̧'a̧rä̧jä̧tü̧mä̧ ütawiyära̧'a̧ rȩbȩwi̧pi̧nä̧tü̧. Ja̧'wa̧nü̧ rȩbȩwi̧pü̧ sacerdote tturuwotürü o'kajuiyünä̧ 'kuäopäji ji'äwinä̧tü̧.

San Mateo 8:33

Juätürü tta̧'ä̧rä̧jä̧tü̧mä̧, ütawiyära̧'a̧ dü'ekuächinä̧tü̧. Jua'attümä̧ 'chä̧wi̧'ü̧ epíritu-tu̧ suropätü ttü̧ja̧kuä̧u̧ru̧ 'kuäopäji'i̧nä̧, kuchitü̧rü̧ 'kuäopäji'i̧nä̧ o'kajuiyünä̧tä̧ ji'äwinä̧tü̧.

San Lucas 8:33

Weomȩnä̧, epíritu-tu̧ suropätümä̧, jua̧u̧ ttü̧ja̧sa̧ttü̧ rä'opächü ku̧chi̧tü̧nä̧ dodepächinä̧tü̧. Ja̧'wa̧nü̧ pä̧i̧'ä̧u̧, juätü ku̧chi̧tü̧mä̧, mü̧ä̧'ka dȩa̧'a̧ku̧ ma̧'o̧po̧'ä̧chü̧, rü̧ä̧ duboranä̧ a̧'ä̧kuä̧u̧ ikuinä̧tü̧.

San Lucas 8:35

Ja̧'wa̧nü̧ ji̧ttä̧wä̧u̧, ttü̧ja̧mä̧ däjé päi'äja pä'ü topü tti̧'chä̧ja̧'a̧mä̧, Jesú ü̧jo̧mȩ tti̧'chi̧'o̧mȩnä̧. Jua̧u̧, epíritu-tu̧ ttü̧jä̧jä̧ku̧ päjimä̧, adiwächäjitä, ü̧'ka̧tä̧wä̧ta̧ 'ka̧tü̧ rü̧tä̧wa̧tä̧, Jesú ü̧jä̧pü̧ jo̧mȩ ü̧'a̧'a̧ topü, rü̧ȩnä̧ ye'inä̧tü̧.