Biblia Todo Logo
Bib sou entènèt

- Piblisite -




San Lucas 8:25 - Nuevo Testamento Uwotjüja

25 Ja̧'wa̧nü̧ jä̧ji̧ o'ka'a päinä̧u̧: —¿Kua̧'kua̧ ku̧wȩnä̧rä̧tu̧ku̧mä̧, toku päi'äjätukuäkuttü? Pä'anä̧, ye'äjä'kotü, yotukunä̧ pä'äwinä̧tü̧. —¿Pidemä̧ díjä̧ttü̧, kkä̧rü̧'koppa'i̧nä̧, rü̧ä̧ dubora'i̧nä̧ ukuotäkumä̧?

Gade chapit la Kopi

TÄ̧DO Ä̧CUÄ̧ I̧HUȨNȨ

25 Ja̧'hua̧ ja̧'a̧ttö̧ u̧huo̧juȩtä̧u̧ru̧ pä'inödo: —¿Adiunämä esetocotöjä tä̧ji̧? Ja̧'hua̧nö̧ ja̧'a̧nä̧ jahuätö ye'äjo'cotö to̧pä̧ri̧nä̧tö̧do. Ka̧ra̧ ka̧ra̧nö̧ jä'ecuinätödo: —Ja̧'hua̧nö̧ jȩpö̧mä̧, kä̧ru̧'coppa'inä, ajiya'inä päö ta'anö päi'iyäcumä, ¿tta̧'a̧nö̧ hua̧jä̧ttö̧?

Gade chapit la Kopi




San Lucas 8:25
16 Referans Kwoze  

Pättäku päinä̧u̧: —¿Tta̧'a̧nü̧ pä'ü yekuekuätukua'ajä̧ttü̧, ukutumä̧, Dio-rümä̧ kua̧'kua̧ wȩnä̧ro̧ko̧tü̧jä̧ tä̧jí̧? Pä'ü kkä̧nü̧, ä̧rä̧mi̧'ü̧ kkä̧rü̧'kopparü'i̧nä̧, rü̧ä̧ duborarü'i̧nä̧ ujuruku woi'omȩnä̧ o'kajuiyünä̧tä̧ wirochi'ina̧'a̧.


Woäku, Jesú-mä̧ yotäku u̧mü̧ttü̧ 'chu'ädü päinä̧ku̧: —¡Tta̧'u̧ wȩnä̧rä̧kuä̧wä̧ a̧'u̧kua̧jä̧! ¿Tta̧'a̧nü̧ pä'ü esetoküjä̧ttü̧?


Jesú päinäkua̧: —Täkü jidäwäkuajä̧, kuesetüttümä̧, Dio ü̧rü̧ä̧ to'kuäkuajujä̧, pä'ü.


Ja̧'wa̧nü̧ jo̧ka̧'a̧'i̧nä̧, isä'kua jitä mo̧ro̧mä̧ de'a kkä̧'kua ja̧'a̧nä̧, yo̧i̧mo̧ro̧mä̧ kku ikuäwäkuä'kua'i̧nä̧, Dio-mä̧ ü̧'ka̧ta̧'a̧mä̧, ¿jua'a abonä̧nü̧, ukuturumä̧, ü̧'ka̧to̧ka̧'a̧ jä̧kua̧'a̧ tä̧jí̧?


Pättäku Jesú-mä̧ ädätinä̧u̧: —Jua'amä̧ kua̧'kua̧ ku̧wȩnä̧rä̧tu̧ku̧ juikuätukua'attü. Isopäi'ünä̧tä̧ pä'üsä ukuturu, mostaza u̧wä̧ju̧ isäte a̧'u̧kuä̧'i̧jü̧ta̧'a̧nü̧, a̧'u̧ku̧nä̧tä̧ kua̧'kua̧ ku̧wȩnä̧rä̧tu̧ku̧ttü̧'i̧nä̧, ji'kaja mü̧ä̧'ka juorümä̧ tü'ipächi päkuätukuttümä̧ tüipächäkua'a. Ja̧'wa̧nü̧ ja̧'a̧ttü̧ jȩttü̧ juiyünä̧ weyekumä̧ juiya'a.


Isopäi'ünä̧ jitä mo̧ro̧ pättiyunä̧ kka̧ku̧ adiyämä̧, yodoji mo̧ro̧mä̧ kkuwü i̧kuä̧wä̧kuȩ ja̧'a̧nä̧ Dio-mä̧ a̧di̧tä̧rü̧ kku̧nu̧, ja̧'wa̧nü̧ jo̧kü̧'i̧nä̧. ¿Ukuturumä̧ a̧'u̧ku̧nä̧tä̧ kua̧'kua̧ ku̧wȩnä̧rä̧tü̧kua̧'a̧nä̧ aditü u̧ju̧no̧ko̧u̧ kuäkuotüjä̧?


Ja̧'wa̧nü̧ pä'a ä̧ju̧ku̧, Jesú-mä̧ rü̧ȩnä̧ amükuädünü̧ chutäku 'chä̧tü̧rü̧ pä'inü̧: —Isopäi'ünä̧ pädäu̧jä̧, Iraettümä̧ ya̧tȩrü̧'i̧nä̧ po̧kui̧po̧kü̧ pä'ijüsä, pa̧'a̧nü̧ rü̧ȩnä̧ a̧'kua̧ wȩnä̧rü̧rü̧mä̧.


Jua̧u̧nu̧ mo̧ro̧ ni̧pä̧cho̧mȩnä̧, Jesú-mä̧ u̧wo̧juȩtä̧u̧rü pä'inü̧: —Rü̧ä̧ dubora ji̧jä̧ku̧ ti̧'chä̧tu̧kua̧.


Ja̧'wa̧nü̧ ji̧yä̧u̧ 'chä̧wi̧'ü̧ porädü iku pättinä̧ku̧: —¡Chu̧ru̧wa̧, Chu̧ru̧wa̧! ¡ma̧'ä̧chä̧tü̧jä̧! pättäku, Jesú-mä̧ ä̧rä̧mi̧'ü̧ kkä̧mä̧dü̧ woäkuäwi'omȩnä̧, kkä̧rü̧'koppamä̧ kkä̧mä̧da̧'a̧ttü̧, aje ppawäja'a'i̧nä̧ o'kajuiyünä̧tä̧ wirochi'ina̧'a̧.


Rü̧ä̧ dubora ji̧jä̧ku̧, Gerasa ttü̧ja̧ tti̧rȩjä̧nä̧, Galirea-tä pä̧tȩkuä̧nü̧ kki̧'o̧mȩ tti̧rȩbȩwi̧'o̧mȩnä̧.


Swiv nou:

Piblisite


Piblisite