San Lucas 8:18 - Nuevo Testamento Uwotjüja

¹⁸ «Ja̧'wa̧nü̧ ja̧'a̧ttü̧, kuä̧ju̧kuä̧tu̧ku̧mä̧ adiu ä̧ju̧kuä̧tu̧kui̧; isopäi'ünä̧ kku̧nä̧rü̧rü̧mä̧ yabonü̧ iyäwäkua'a; ja̧'wa̧ta̧nü̧ jui̧'a̧rü̧mä̧, suro a̧'u̧ku̧nä̧ u̧ju̧nä̧rü̧'i̧nä̧ 'choikuäkua'a.»

TÄ̧DO Ä̧CUÄ̧ I̧HUȨNȨ

¹⁸ “Ja̧'hua̧nö̧ ja̧'a̧ttö̧ adiu ä̧ju̧cuä̧tu̧cui̧. Ya̧tȩ ku̧nä̧rö̧mä̧, rö̧ȩnä̧nö̧ ȩmä̧cua̧ rö̧ȩnä̧ u̧ju̧nä̧rä̧cua̧'a̧nö̧. Ja̧'hua̧ta̧nö̧ jui̧'a̧mä̧, ji̧'qui̧cha̧nö̧'i̧nä̧ u̧ju̧nä̧ro̧mȩnä̧, yoröiso to̧ȩi̧'i̧yä̧cua̧ jui̧'a̧tä̧ ö̧jö̧nä̧, —pä'inödo Jesús.

San Lucas 8:18 Referans Kwoze

San Mateo 13:12

Ja̧'wa̧nü̧ ja̧'a̧ttü̧ kku̧nä̧rü̧rü̧mä̧, yabonü̧ iyäwäkua'a; rü̧ȩnä̧ u̧ju̧nä̧rü̧nä̧, ja̧'wa̧nü̧ ja̧'a̧nä̧ jui̧'a̧rü̧mä̧, a̧'u̧ku̧nä̧tä̧ u̧ju̧nä̧rü̧'i̧nä̧ 'choikuäkua'a.

San Lucas 19:26

Pättiyäku, ädätinä̧u̧: Ja̧'wa̧nü̧ ja̧'a̧ttü̧ pädäu̧jä̧, kku̧nä̧rü̧rü̧mä̧ yabonü̧ iyäwäkua'a; ja̧'wa̧ta̧nü̧ jui̧'a̧rü̧mä̧, suro a̧'u̧ku̧nä̧ u̧ju̧nä̧rü̧'i̧nä̧ 'choikuäkua'a.

San Mateo 25:29

Isopäi'ünä̧ kku̧nä̧rü̧rü̧mä̧ iyäwäkua'a ja̧'wa̧nü̧ jo̧mȩnä̧ rü̧ȩnä̧ u̧ju̧nä̧rä̧kua̧; ja̧'wa̧nü̧ ja̧'a̧nä̧ jui̧'a̧rü̧mä̧, suro a̧'u̧ku̧nä̧tä̧ u̧ju̧nä̧rü̧'i̧nä̧ 'choikuäkua'a.

San Juan 15:2

O'kajuiyünä̧, ä̧na̧jui̧yä̧, ttünä̧ u̧wä̧ju̧ wȩjo̧kü̧mä̧, ȩmü̧ i̧kuä̧kuȩ; ja̧'wa̧nü̧ ja̧'a̧nä̧, o'kajuiyünä̧ ji̧yȩ u̧wä̧ju̧ wȩjü̧mä̧, surojü juiyünä̧ aditü u̧ju̧nä̧kuȩ, yabonü̧ u̧wä̧ju̧ wȩja̧ pä'ü.

Hebreos 2:1

Ja̧'wa̧nü̧ ja̧'a̧ttü̧, tä̧ju̧kuä̧'i̧jü̧mä̧ adiu ttu̧'ȩpä̧rü̧nü̧ tä̧ju̧kua̧ pä'ü rekuä rü̧ja̧'a̧. Jueü mä̧nä̧ttü̧ 'kȩtȩkuä̧chü̧ juiyäkua'anü̧.

1 Corintios 14:37

Ja̧'wa̧ta̧nü̧ ya̧tȩ profeta-sä päüttümä̧ ja̧'wa̧ta̧nü̧ Epíritu ukuokuäkusä päüttümä̧, pi̧yȩ chi̧wȩyu̧tu̧mä̧, Tu̧ru̧wa̧ weinü̧ ja̧'a̧ pä'ü wo̧jua̧.

1 Corintios 8:2

Isopäi'ünä̧tä̧, ya̧tȩ rü̧ȩnä̧ wo̧jua̧sä̧ pä'ü amükuädüttümä̧, isopäi'ünä̧mä̧ jȩru̧pa̧ ja̧'a̧.

1 Corintios 3:18

Kua̧mü̧nä̧ pa̧ja̧tü̧mä̧ kuyapareäkuäwätukuä: pi̧jä̧nä̧ttü̧ ya̧tȩ wo̧juä̧wä̧ wȩnȩ u̧ju̧nä̧rü̧ttü̧mä̧, wo̧juo̧kü̧ 'kua̧rü̧nä̧ kkä̧wi̧, isopäi'ünä̧ wo̧juä̧wä̧ wȩnȩ ku̧ju̧nä̧rä̧kua̧'a̧nü̧.

Romanos 12:3

Dio re kkä̧nü̧ apóto jü̧nä̧ ü̧ji̧ni̧nä̧ku̧ pä'üsä, ukuturu'i̧nä̧ Dio mippoünä̧ iyinü̧ kka̧'a̧ttü̧, u̧wä̧mȩnä̧mä̧ kuamükuädäwätukuä. Yotukunä̧ jȩ'kuä̧tu̧kuä̧kuȩ Dio iyina̧'a̧ku̧tä̧, kua̧'kua̧ wȩnä̧rü̧ amükuädätukui.

Hechos 17:11

Juätü judío-mä̧ Tesalónica-nä̧ kka̧kuä̧tü̧ttü̧'i̧nä̧ abonä̧nü̧ adiu eseäkuäwinä̧tü̧, Dio i̧wȩnȩmä̧ eseunu̧ ä̧ju̧kui̧nä̧tü̧, mo̧ro̧ ji̧nü̧'a̧kuä̧ wȩyu̧kuä̧ wȩnȩ topü wo̧jui̧pi̧nä̧tü̧, jittäumä̧ isopäi'ünä̧ ja̧ pä'ü.

Hechos 10:33

Ja̧'wa̧nü̧ päjiyäku, yotäku ottäjaku pä'ü wedäja'a ichi'äjijä̧. Ja̧'wa̧nü̧ ja̧'a̧ttü̧, jitämä̧ o'katoi'ünä̧ pȩnȩtä̧ Dio ä'ka jo̧mȩ pȩjä̧tü̧jä̧, ukuru Dio weäji tä̧ju̧kua̧ pä'ümä̧.

San Lucas 9:44

Pi̧yȩ adiu 'chu'ädi'ü ä̧ju̧kuä̧tu̧kui̧: Ubó I̧tti̧rü̧mä̧ ttü̧ja̧ ttu̧mü̧nä̧ iyü tti̧kuä̧kua̧.

Filipenses 3:4

Ja̧'wa̧ta̧nü̧, jua̧u̧ ttidepä jäwänä̧ ukuo tedäuttü, ukuo te'äwajümä̧ ttütä ja̧'a̧:

San Marcos 13:14

Ja̧'wa̧nü̧ ja̧'a̧nä̧, ofrenda jȩä̧kuä̧wo̧mȩttü̧ jua̧u̧ jȩä̧kuä̧wo̧ka̧'a̧ku̧ surojü jȩttü̧ mo̧ro̧ päi'omȩnä̧, (profeta Daniel, päinü̧ta'anü̧ ukuokumä̧ wo̧jui̧'i̧;) —Ja̧'wa̧nü̧ ja̧'a̧ topümä̧ yotäku dükuekuätukuajä̧, Judea rȩjȩnä̧ kka̧kuä̧tü̧mä̧ mü̧ä̧'kiyura̧'a̧ku̧.